వాలెంటైన్ డే కి రొమాంటిక్ హెయిర్ స్టైల్....

Hair Care

oi-Saraswathi

By Sindhu

Published: Wednesday, February 1, 2012, 16:24 [IST]

చక్కటి ఆరోగ్యవంతమైన కేశాలున్నప్పుడు వాలుజడ వేసుకున్నా, ముడి వేసుకున్నా అందంగానే ఉంటుంది. మారుతున్న సమాజ పరిస్థితులకు తగిన విధంగా ఫ్యాషన్ కూడా మారుతుంది. ఫ్యాషన్‌తో డ్రెస్‌లు మారాయి. హెయిర్ స్టైల్స్ మారాయి. ఈ తరం అమ్మాయిలు ఎప్పుడూ ఒకే తరహా హెయిర్ స్టైల్‌లో ఉండాలనుకోవటంలేదు. ముఖానికి తగిన హెయిర్ స్టైల్ కోరుకుంటున్నారు. యువతీ యువకులు అనే భేదం లేకుండా ప్రతి ఒక్కరూ తమ హెయిర్‌ కటింగ్‌ను మార్చుకుంటున్నారు. కటింగ్‌తో పాటు వివిధ కలర్స్‌ను వేసుకోవడం మొదలుపెట్టారు. ప్రస్తుతం నగరాలలోని యువతలో అదే ట్రెండ్‌ నడుస్తోంది. ముఖ్యంగా అమ్మాయిలు తమ జుట్టును ఎంతో అందంగా కట్‌ చేయించుకోవడంతో పాటు వివిధ రకాల షేడ్స్‌ వచ్చేలా మలుచుకుంటున్నారు. మరి వాలెంటైన్ డే కి మరింత అందగా కనిపించాలంటే సాధార హెయిర్ స్టైల్ కంటే మరికొంత భిన్నంగా కనిపించాలంటే కొన్ని పద్దతులు మీకోసం...

రిటన్‌ ఆఫ్‌ స్టైల్‌ : ధరించే దుస్తులతో పాటు తమ హెయిర్‌ కూడా ఫ్యాషనబుల్‌ ఇంకా సెక్సీగా కనపడాలని కోరుకునే ఆధునిక యువతులు పెరుగుతున్నారు. వాటికోసం మెటాలిక్‌ పెయింట్‌ ను కూడా ఉపయోగిస్తున్నారు. అబ్బాయిలైతే ఏ ఫ్యాషన్‌ వీక్‌ జరిగినా అందులో మోడల్స్‌ హెయిర్‌ కటింగ్‌ ను ఫాలో అవుతున్నారు. తాముకూడా స్టైల్‌ గా మెరిసిపోతున్నారు.

రొమాంటిక్‌ గా: హెయిర్‌కు వాడే రంగులతో పాటు కటింగ్‌ స్టైల్‌ కూడా రొమాంటిక్‌గా ఉండాలే చూసుకోవాలి. అందుకోసం అవసరమైతే తమకు కావలసిన కలర్స్‌ను ఉపయోగించవచ్చు. ఇక హెయిర్‌ స్టైల్‌ అయితే సైట్‌ పార్టింగ్‌, కర్ల్స్, ఫ్రెంచ్‌ నాట్‌, చిగ్‌ నాన్‌, సాఫ్ట్‌ కర్ల్స్ వంటి వాటిని ఉపయోగించడంతో అందంగా కనబడటమే కాకుండా ఇతరులచేత ఆకర్షింపబడుతారు.

అసౌష్టవంగా: జుట్టును ఒక క్రమ పద్ధతిలో కాకుండా మల్టీ లేయరింగ్‌ విధానంలో కట్‌ చేయించుకుంటున్నారు. కొంచెం పొడవుగా, పొట్టిగా ఏమాత్రం సౌష్టవంగా ఉండని విధంగా క్రాఫ్‌ చేయించుకోవడం నేటి స్టైల్‌. పొడవు, పొట్టి మిశ్రమం ఇలా తమ హెయిర్‌ ను మార్చుకుంటున్నారు. ఇలాంటి స్టైల్‌ ను చాలా మంది ఆమోదించక పోయినా అందరికంటే భిన్నంగా కనపించాలనుకునేవారు వీటిపై మోజుపెరిగింది.