తెల్ల జుట్టు నివారించడానికి 5 ఆశ్చర్యకరమైన ఉత్పత్తులు

కొబ్బరి నూనె మరియు కరివేపాకు:

కొబ్బరి నూనె అమేజింగ్ మాయిశ్చరైజింగ్ మరియు ఇది తలకు మరియు జుట్టుకు మంచి పోషణను అందిస్తుంది. కరివేపాకును ఉపయోగించినప్పుడు, ఇది ఆయుర్వేద గుణాలను అందిస్తుంది. దాంతో గ్రే హెయిర్ ను కవర్ చేస్తుంది. అరకప్పు కరివేపాకులో కొబ్బరినూనెను వేయాలి . దీన్ని సాస్ పాన్ లో వేసి నిదానంగా తక్కువ మంట మీద కాచుకోవాలి. తర్వాత ఈ మిశ్రమం చల్లార్చనివ్వాలి. చల్లారిన తర్వాత దీన్ని తలకు మరియు జుట్టుకు పట్టించాలి. అరగంట తర్వాత గోరువెచ్చని నీటితో తలస్నానం చేసుకోవాలి.

ఆమ్లా/ఉసిరికాయ

ఇండియన్ గూస్బెర్రీగా పలువబడే ఉసిరియకాయలో అనేక ప్రయోజనాలున్నాయి. దీన్ని ఉపయోగించి గ్రేహెయిర్ ను కవర్ చేయవచ్చు. ఉసిరికాయలను చిన్న ముక్కలుగా కట్ చేసి, ఎండలో ఎండనివ్వాలి. ఎండిన తర్వాత ఈ ముక్కలను కొబ్బరి నూనెలో వేసి కొద్ది సమయం బాగా మరిగించాలి. ఈ ఉసిరికాయ ముక్కలు క్రిస్పీగా గట్టిపడుతాయి. తర్వాత ఈ మిశ్రమాన్ని చల్లారనివ్వాలి. చల్లారిన తర్వాత ఈ నూనెను తలకు మరియు జుట్టుకు పట్టించాలి. కొంత సమయం అలాగే ఉంచుకొని తర్వాత నాణ్యమైన షాంపుతో తలస్నానం చేయాలి.

మజ్జిగ మరియు కరివేపాకు:

కరివేపాకు మరియు మజ్జిగ కాంబినేషన్ కూడా గ్రేహెయిర్ ను నివారిస్తుంది. ఒక కప్పు మజ్జిగలో గుప్పెడు కరివేపాకు వేయాలి. ఈ మిశ్రమాన్నితలకు పట్టించాలి. అరగంట పాటు అలాగే ఉంచి, అరగంట తర్వాత నిధానంగా మసాజ్ చేసి తర్వాత తలస్నానం చేసుకోవాలి.

క్యారెట్ సీడ్ ఆయిల్ మరియు నువ్వుల నూనె:

క్యారెట్ సీడ్ ఆయిల్ మరియు నువ్వుల నూనె రెండింటిని మిక్స్ చేసి తలకు బాగా పట్టిస్తే గ్రేహెయిర్ నివారించబడుతుంది. అందుకు 4టేబుల్ స్పూన్ల నువ్వుల నూనెలో కొద్దిగా క్యారెట్ సీడ్ ఆయిల్ ను మిక్స్ చేయాలి. తర్వాత ఈ మిశ్రమాన్ని తలకు పట్టించి నిధానంగా మసాజ్ చేయాలి. దీన్ని కొద్ది సేపు అలాగే ఉంచి, తర్వాత మన్నికైన షాంపుతో తలస్నానం చేసుకోవాలి.

నిమ్మరసం, బాదం ఆయిల్ మరియు ఉసిరి:

నిమ్మరసం, ఉసిరికాయ మరియు బాదం ఆయిల్లో ఆయుర్వేదిక్ గుణగణాలు ఉండటం వల్ల ఈ మూడు పదార్థాల యొక్క మిశ్రమం గ్రేహెయిర్ ను నివారించడంలో అద్భుతంగా సహాయపడుతాయి. ఈ మిశ్రమాన్ని రిఫ్రిజరేటర్లో 3రోజుల పాటు నిల్వ చేసి తర్వాత బయటకు తీసి తలకు పట్టించి బాగా మసాజ్ చేయాలి. తర్వాత షాంపుతో తలస్నానం చేయాలి. ఈ మిశ్రమాన్ని రెగ్యులర్ గా ప్రతి రోజూ కూడా అప్లై చేయవచ్చు.

ఈ చిన్న చిన్నఆశ్చర్యకరమై చిట్కాలు మనకు తెలిసిన, వాటిని మనం ఎప్పుడూ ప్రయత్నించి ఉండము . ఇటువంటి సులభ చిట్కాలను మనం నిర్లక్ష్యం చేసేది ఎక్కువ. ఈ చిట్కాలు చాలా సింపుల్ గా మరియు ఖరీదు తక్కువగా ఉండి, మీ తెల్ల జుట్టును నివారిస్తాయి