చుండ్రును మాయం చేసే అలోవెరా జెల్

కేవలం అలోవెరా

తలకు మరియు జుట్టుకు నేరుగా అలోవెరా జెల్, లేదా కలబంద రసాన్ని నేరుగా తలకు పట్టించి నిధానంగా మసాజ్ చేయాలి. 20 నిముషాల తర్వాత తలస్నానం చేయాలి. ఇలా 15 రోజుల్లో వారానికి రెండు మూడు సార్లు చేస్తే మంచి ఫలితం ఉంటుంది. ఇది తాజాగా ఉండే అలోవెరా జెల్ స్క్రాచెస్, ఇన్ఫ్లమేషన్ మరియు సన్ బర్న్ ను ఎఫెక్టివ్ గా తగ్గిస్తుంది.

కలబంద మరియు మెంతులు

నీళ్ళలో మెంతులు వేసి రాత్రంతా నానబెట్టుకోవాలి. ఉదయం రాత్రంతా నానిన మెంతులను మిక్సీలో వేసి మెత్తగా పేస్ట్ చేసుకోవాలి. తర్వాత ఈ పేస్ట్ కు అలోవెరా జెల్ ను మిక్స్ చేసి, ఈ పేస్ట్ ను తలకు పట్టించాలి. ఇది తలలో అవాంఛితంగా ఏర్పడా నూనెను తొలగిస్తుంది. దాంతో తలలో జిడ్డు వదులుతుంది. దాంతో తలలో ఎలాంటి బ్యాక్టీరియా, ఫంగస్ ఉన్నా తొలగిపోతుంది. ఇలా తరచూ చేస్తుంటే మంచి ఫలితం ఉంటుంది.

యూకలిప్టస్ ఆయిల్ మరియు అలోవెరా

యూకలిప్టస్ ఆయిల్లో కొద్దిగా అలోవెరా జెల్ వేసి బాగా మిక్స్ చేయాలి. ఈ మిశ్రమాన్ని తలకు పట్టించి, నిధానంగా మసాజ్ చేయాలి. ఒక గంట తర్వాత నార్మల్ వాటర్ తో తలస్నానం చేయాలి. ఈ రెండు నేచురల్ హెర్బ్స్ లో ఉండే థెరఫాటిక్స్ లక్షణాల వల్ల తల మరియు జుట్టు క్లీన్ గా మారుతుంది. హెయిర్ షాంపును ఈ విధంగానే మీరు ఉపయోగించాల్సి ఉంటుంది.

కలబంద మరియు నిమ్మరసం

తాజా నిమ్మరసం కూడా చుండ్రు నుండి రక్షణ కల్పిస్తుంది. ఇది చాలా ఆరోగ్యకరమైనది, ఇది చాలా గొప్ప ప్రయోజనం కలిగిస్తుంది . ఒక నిమ్మకాలో సగం భాగం నిమ్మరసం తీసుకొని అందులో అలోవెరా జెల్ మిక్స్ చేసి ఈ మిశ్రమాన్ని తలకు పట్టించాలి . తలకు పట్టించిన 1గంట తర్వాత తలస్నానం చేయాలి. ఇలా రెగ్యులర్ గా చేస్తుంటే మంచి ఫలితం ఉంటుంది.

ప్రీ షాంపు ట్రీట్మెంట్

షాంపు ఉపయోగించడానికి ముందు ఫ్రీ షాంపు ట్రీట్మెంట్ ఉపయోగించడం వల్ల చుండ్రును నివారించడంతో పాటు జుట్టు బలంగా పెరగడానికి సహాయపడుతుంది. అలోవెరాలో ఉండే నేచురల్ ఎంజైమ్స్ తలలోని డెడ్ స్కిన్ సెల్స్ ను చాలా ఎఫెక్టివ్ గా తొలగిస్తుంది. అదే సమయంలో తలకు అవసరం అయ్యే తేమను కూడా అందిస్తుంది. అలోవెరా తలలోని పిహెర్ బ్యాలెన్స్ చేస్తుంది. అలోవెరా జెల్ ను తలకు పట్టించి తర్వాత 10 నిముషాల తర్వతా షాంపుతో తలస్నానం చేయాలి.

ఓవర్ నైట్ ట్రీట్మెంట్

ఆలోవెరా జెల్ ను అరకప్పు తీసుకొని , అందులో రెండు చెంచాలా ఆముదం, రెండు చెంచాలా మెంతి పొడి మరియు ఒక చెంచా తులసి పొడి మిక్స్ చేసి తలకు, జుట్టు మొత్తానికి అప్లై చేయాలి. అప్లై చేసిన తర్వాత షవర్ క్యాప్ పెట్టుకొని నిద్రపోవాలి. మరుసటి రోజు ఉదయం నిద్రలేచిన వెంటనే మంచి నీరు, మన్నికైన షాంపుతో తలస్నానం చేయడం వల్ల జుట్టుకు అవసరం అయ్యే పోషకాలు అందడంతో పాటు, చుండ్రు వదులుతుంది. ఈ హెయిర్ మాస్క్ చాలా ఎఫెక్టివ్ గా కండీషన్ పనిచేస్తుంది. చుండ్రును నివారించి జుట్టు పెరుగుదలను ప్రోత్సహిస్తుంది. దీన్నికనీసం వారానికొకసారి ఉపయోగించాలి.