ఎలాంటి పొరపాట్లు జుట్టు డ్యామేజ్ కి కారణమవుతున్నాయి ?

రోజూ తలస్నానం

వారానికి రెండుసార్లు తలస్నానం చేయడం మంచిది. కానీ అంతకంటే ఎక్కువగా హెడ్ బాత్ చేస్తే.. జుట్టు సహజత్వాన్ని కోల్పోతుంది.

తడిజుట్టుతో చేసే పొరపాట్లు

తడిజుట్టుని చాలా జాగ్రత్తగా హ్యాండిల్ చేయాలి. తేమను ఎక్కువ కలిగి ఉంటుంది కాబట్టి.. అప్పుడు తలలో దువ్వెన పెట్టకపోవడం మంచిది.

వేడి నీళ్లు

జుట్టు డ్యామేజ్ అవడానికి అందరూ చేసే కామన్ మిస్టేక్ వేడినీళ్లు వాడటం. అంటే గోరువెచ్చని నీళ్లు వాడితే మంచిదే కానీ.. చాలా ఎక్కువగా వేడిగా ఉన్న నీళ్లు తలస్నానానికి వాడకూడదు. దీనివల్ల జుట్టు డ్రైగా, వీక్ గా మారుతుంది.

హెయిర్ డ్రైయర్స్

జుట్టు ఆరబెట్టుకోవడానికి వాడే హెయిర్ డ్రైయర్లకు దూరంగా ఉండటం మంచిది. దీనివల్ల జుట్టు చిట్లిపోతుంది. హెయిర్ స్ర్టెయిటినింగ్ కి, కర్లీ జుట్టుకు వాడే ప్రొడక్ట్స్ కూడా జుట్టుకి హాని కలిగిస్తాయి.

పార్లర్లకి వెళ్లడం

రెగ్యులర్ గా పార్లర్ కి వెళ్లడం జుట్టు ఆరోగ్యానికి మంచిది కాదు. వాడివల్ల కలిగే వేడి గాలి వల్ల.. జుట్టు సహజత్వాన్ని కోల్పోయి.. జుట్టు పొడిగా మారిపోతుంది.

కండిషనర్

షాంపూతో జుట్టుని శుభ్రం చేశాక కండిషనర్ వాడటం మర్చిపోకూడదు. మీ జుట్టు సాధారణంగా పొడిగా ఉంటే.. కండిషనర్ తప్పనిసరిగా వాడాలి.. లేదంటే.. సమస్య మరింత తీవ్రమవుతుంది.

డ్రై హెయిర్

పొడిగా మారిన జుట్టుని నిర్లక్ష్యం చేయకూడదు. సరైన టైంలో శ్రద్ధ తీసుకున్నప్పుడే.. జుట్టు ఆరోగ్యంగా.. ఒత్తుగా ఉంటుంది.

హానికరమైన ఉత్పత్తులు

హానికరమైన ఉత్పత్తులు జుట్టుకి వాడటం వల్ల.. అనేక సమస్యలు ఎదురవుతాయి. ఆల్కహాల్ ఉండే ఉత్పత్తులు వాడకూడదు. వీటివల్ల.. స్కాల్ఫ్ కి, కుదుళ్లకి హాని కలుగుతుంది.

జుట్టుని పదే పదే ముట్టుకోవడం

జుట్టుని మాటిమాటికి ముట్టుకుంటూ ఉండటం మంచిది కాదు. దీనివల్ల జుట్టు పొడిగా, చిక్కులుపడుతుంది. ముఖ్యంగా తలస్నానం అయ్యాక తడిజుట్టుని ముట్టుకోకూడదు. అవి సహజంగా ఆరిపోయేలా జాగ్రత్త పడాలి.

దువ్వెన విషయంలో

దువ్వెన చాలా క్లీన్ గా ఉండాలి. అది శుభ్రంగా ఉంటే జుట్టు ఆరోగ్యంగా ఉంటుంది. అంతేకాదు.. చిక్కు తీసుకోవడానికి వాడే దువ్వెన విషయంలో చాలా జాగ్రత్త వహించాలి. లేదంటే.. జుట్టు చిట్లిపోతుంది.