తలలో మొటిమలు-ఇన్ఫెక్షన్ నివారించే 8 సింపుల్ హోం రెమెడీస్

వేపనీళ్ళుః:

వేపనీళ్ళలో యాంటీ బ్యాక్టీరియల్ మరియు యాంటీ ఫంగల్ లక్షణాలు పుష్కలంగా ఉన్నాయి. ఈ లక్షణాలు తలలో మొటిమలను చాలా ఎఫెక్టివ్ గా నివారిస్తాయి . అందుకు నీళ్ళలో వేప ఆకులను వేసి బాగా మరిగించాలి. తర్వాత చల్లారనివ్వాలి . ఈ నీటిని ఫిల్టర్ చేసి తలకు పట్టించాలి. అలాగే షాంపు వాటర్లో కూడా వేయవచ్చు మరియు ఈ నీటితో తలస్నానం చేస్తే మంచి ఫలితం ఉంటుంది.

మెంతి ఆకులు

రెండు చెంచాల మెంతి ఆకులను పేస్ట్ చేసి, ఈ పేస్ట్ ను తలకు పట్టించి 15 నిముషాల తర్వాత, తలస్నానం చేస్తే మంచి ఫలితం ఉంటుంది.

నిమ్మరసం:

నిమ్మరసంను ఒక బౌల్లోకి పిండుకొని, ఒక టేబుల్ స్పూన్ వాటర్ తో మిక్స్ చేయాలి. 15 నిముషాల తర్వాత తలకు పట్టించాలి . 20 నిముషాల తర్వాత షాంపుతో తలస్నానం చేయాలి. ఇది చాలా ఎఫెక్టివ్ గా పనిచేస్తుంది. స్కాల్ప్ పింపుల్స్ ను నివారిస్తుంది.

వెల్లుల్లి రెబ్బలు:

వెల్లుల్లి రెబ్బలను పేస్ట్ చేసి తలకు పట్టించి మసాజ్ చేయాలి. ఇలా చేయడం వల్ల నొప్పి తగ్గిస్తుంది మరియు తలలో జిడ్డును నిర్మూలిస్తుంది . ఈ రెమెడీ వల్ల చాలా ఘాటైన వాసన వస్తుంది. కాబట్టి, ఈ వాసన నచ్చిని వారు మరో హోం రెమెడీని ఉపయోగించుకోవచ్చు!

టీట్రీ ఆయిల్ మరియు ఆలివ్ ఆయిల్:

టీ ట్రీ ఆయిల్లో యాంటీ బ్యాక్టీరియల్ లక్షణాలు పుష్కలంగా ఉన్నాయి. ఇవి తలలో మొటిమలను నివారించడానికి సహాయపడుతాయి. హోం మేడ్ ట్రీట్మెంట్ లో ఆలివ్ ఆయిల్ మరియు టీట్రీ ఆయిల్ సమంగా తీసుకొని మిక్స్ చేసి తలకు మసాజ్ చేయాలి. మసాజ్ చేసుకొన్న 2 గంటల తర్వాత తలస్నానం చేయాలి.

నట్ మగ్ -పాలు :

నట్ మగ్(జాజికాయను)పౌడర్ చేసి అందులో కొద్దిగా పాలు మిక్స్ చేసి పేస్ట్ లా చేసి తలకు పట్టించాలి. ఒక గంట తర్వాత మన్నికైన షాంపుతో తలస్నానం చేయాలి.

లావెండర్ ఆయిల్ మరియు టీట్రీ ఆయిల్ :

ఒక టేబుల్ స్పూన్ ల్యావెండర్ ఆయిల్లో ఒక టీ స్పూన్ టీట్రీ ఆయిల్ మిక్స్ చేసి, రెండు టేబుల్ స్పూన్ల ఆలివ్ ఆయిల్ మిక్స్ చేసి తలకు పట్టించాలి. అరగంట తర్వాత తలస్నానం చేయాలి..

తేనె-దాల్చిన చెక్క:

రెండు చెంచాల తేనెకు రెండు చెంచాల దాల్చిన చెక్క పొడి మిక్స్ చేయాలి . ఈ పేస్ట్ ను తలకు పట్టించాలి. తర్వాత అరగంట తర్వాత తలస్నానం చేయాలి. దాల్చిన చెక్కలోని యాంటీ ఇన్ఫ్లమేటరీ మరియు స్టిములేటింగ్ లక్షణాలు మరియు తేనెలోని యాంటీ మైక్రోబయల్ లక్షణాలు తలలోని మొటిమలు నివారించడంలో చాలా ఎఫెక్టివ్ గా సహాయపడతాయి.