ఒక్క తెల్లవెంట్రుక పీకేస్తే.. చాలా తెల్ల వెంట్రుకలు వస్తాయా ?

ఒక తెల్ల వెంట్రుక పీకేస్తే.. చాలా వస్తాయనే నమ్మకం

ఒక్క తెల్ల వెంట్రుక కనిపించగానే.. దాన్ని పీకేస్తాం. కానీ ఇలా పీకేస్తే.. మరిన్ని ఎక్కువ తెల్లవెంట్రుకలు వస్తాయని మన అమ్మలు, అమ్మమ్మల ద్వారా పాపులర్ అయింది. ఒక తెల్లవెంట్రుక పీకిన తర్వాత.. చాలా గుర్తించడం వల్ల ఇది పాపులర్ అయింది. కానీ తెల్ల వెంట్రుకలన్నీ పీకేయాలని కాదు అర్థం. అలా తరచుగా జుట్టుని గట్టిగా లాగి పీకేయడం వల్ల.. అది బలహీనంగా మారుతుంది. దీనివల్ల జుట్టు పెరగడం ఆగిపోతుంది. అందుకే.. అలా పీకకూడదని చెబుతారు.

ఎక్కువ సమయం ఆయిల్ పెట్టుకుంటే.. స్కాల్ప్ కి మంచిది

చాలామంది జుట్టుకి ఆయిల్ పెట్టుకుని ఒక రోజు లేదా రెండ్రోజుల అలానే వదిలేస్తారు. జుట్టు పెట్టుకోవడం వల్ల ఆరోగ్యకమైన ప్రయోజనాలేమీ ఉండవు. ఆయిల్ జుట్టుకి కండిషనర్ లా పనిచేసి, స్కాల్ప్ కి మాయిశ్చరైజర్ అందిస్తుంది. కాబట్టి స్నానానికి 20నిమిషాల ముందు ఆయిల్ పెట్టుకున్నా సరిపోతుంది. కావాలంటే.. గంట లేదా రాత్రంతా పెట్టుకున్నా సరిపోతుంది.

పై నుంచి కిందికి దువ్వడం

జుట్టుని పై నుంచి కిందకు దువ్వడం మంచిదని చాలామంది నమ్ముతారు. కానీ అది తప్పు. పై నుంచి కిందికి దువ్వడం వల్ల జుట్టు డ్యామేజ్ కి కారణమవుతుంది. కాబట్టి జుట్టుని కొంచెం భాగాలుగా విడదీసి.. మధ్యలో మొదలుపెట్టి, చివరికి దువ్వుకోవాలి.

స్పిల్ట్ ఎండ్స్ కి ప్రొడక్ట్స్

హెయిర్ ప్రొడక్ట్స్ స్పిల్ట్ ఎండ్స్ రిపేర్ చేస్తాయని ప్రకటిస్తుంటారు. దాన్ని నమ్మకండి. ఎందుకంటే.. చిట్లిపోయిన జుట్టు ప్రాణం కోల్పోయి ఉంటుంది. కాబట్టి.. వాటిని మళ్లీ అతికించడం అసాధ్యం. కాబట్టి వాటికి ఎలాంటి ప్రొడక్ట్స్ పనిచేయవు. జుట్టుపై సరైన కేర్, ట్రిమ్మింగ్, కండిషర్ వల్ల.. చిట్లిపోకుండా అరికట్టవచ్చు.

డ్రై స్కాల్ప్ వల్ల డాండ్రఫ్

డ్రై స్కాల్స్ వల్ల చుండ్రు ఏర్పడుతుందని చాలామంది నమ్ముతారు. కానీ ఆయిలీ స్కాల్ప్ వల్ల డాండ్రఫ్ ఏర్పడుతుంది.

ఎక్కువగా దువ్వుకుంటే.. హెల్తీ హెయిర్ పొందవచ్చు

జుట్టుని దువ్వడం, బ్రష్ చేయడం వల్ల హెల్తీగా ఉంటుంది. కానీ.. మోతాదు మించిదే హానికరమే. కాబట్టి రోజుకి 100 స్ట్రోక్స్ కంటే ఎక్కువసార్లు దువ్వడం వల్ల అది మంచి కంటే.. హానే ఎక్కువ చేస్తుంది. అలాగే ఎక్కువగా దువ్వడం వల్ల.. ప్రొటెక్టివ్ లేయర్ డ్యామేజ్ అవుతుంది. దీనివల్ల ఎక్కువ చిక్కుపడిపోయి, డ్రైగా మారుతుంది.

హెయిర్ జిడ్డుగా ఉంటే ఆయిల్ పెట్టకూడదు

ఇది అపోహ మాత్రమే. జుట్టుకి డీప్ కండిషనింగ్, హైడ్రేటింగ్ చాలా అవసరం. మీ జుట్టు ఏ తత్వం కలిగినది అయినా.. ఆయిల్ పెట్టడం మంచిది. అవసరమైతే.. స్కాల్ప్ కి ఆయిల్ పెట్టకుండా జుట్టుకి మాత్రమే పెట్టవచ్చు.

తరచుగా కట్ చేయడం వల్ల వేగంగా పెరుగుతుంది

ప్రతి 6 నుంచి 8 వారాలకు ఒకసారి.. జుట్టుని కట్ చేయడం వల్ల.. వేగంగా పెరుగుతుందని భావిస్తారు. కానీ.. జుట్టు పలుచబడిపోయి, చిట్లిపోవడానికి కారణమవుతుంది. జుట్టుని అప్పుడప్పుడు కట్ చేయడం వల్ల స్ప్లిట్ ఎండ్స్ పోయి.. అది హెల్తీగా ఉంటుంది. కానీ.. వేగంగా పెరగడానికి సహాయపడదు.

తరచుగా షాంపూ చేస్తే జుట్టు రాలుతుంది

తరచుగా షాంపూ చేయడం వల్ల జుట్టు రాలడానికి కారణమవుతుందని చాలా మంది నమ్ముతారు. తలస్నానం చేసినప్పుడు ఎక్కువ జుట్టు రాలిపోవడం గమనించి.. దీనికి కారణం షాంపూ అని భావిస్తారు. కానీ.. మైల్డ్ షాంపూ ఉపయోగిస్తూ.. నెమ్మదిగా షాంపూ చేసుకోవడం వల్ల ఎలాంటి హాని ఉండదు. ప్రతి రోజూ షాంపూ చేసినా.. ఏం కాదు.

ఎక్కువ నురుగు వస్తే.. జుట్టు శుభ్రమైనట్టు

నురుగుతో శుభ్రతను పోల్చుతూ ఉంటాం. షాంపూలు ఖచ్చితంగా నురుగు తీసుకొస్తే.. జుట్టు శుభ్రమైనట్టు కాదు. షాంపూలో ఉండే సల్ఫేట్ నురుగుకి కారణమవుతాయి. ఇది హానికరమైనది. కాబట్టి సల్ఫేట్ లేని షాంపూలు ఉపయోగించడం మంచిది. మంచి ఫలితాలు కూడా పొందవచ్చు.