మిరాకిల్ !! హెయిర్ ఫాల్ కి చెక్ పెట్టె సింపుల్ ప్యాక్స్.. !

ఉసిరి ప్యాక్

హెయిర్ ఫాల్ తగ్గించటాన్ని, జుట్టు తెల్లబడటాన్ని అరికట్టడంలో ఉసిరి చాలా పవర్ ఫుల్ గా పనిచేస్తుంది. ఇందులో ఉండే విటమిన్ సి.. జుట్టు కుదుళ్లని బలపరిచి జుట్టు రాలడాన్ని నివారిస్తుంది. 3 నుంచి4 ఉసిరికాయలను ఒక కప్పు వేడినీళ్లలో గంటపాటు నాననివ్వాలి. అది మెత్తగా అయిన తర్వాత విత్తనాలు తీసేసి.. మెత్తగా పేస్ట్ లా చేసుకోవాలి. అందులో 3 టేబుల్ స్పూన్ల కొబ్బరినూనె కలిపాలి. జుట్టుని గోరువెచ్చని నీటితో తడుపుకుని.. ఈ పేస్ట్ ని తల మాడుకి, జుట్టుకి పట్టించాలి. ఇప్పుడు షవర్ క్యాప్ తో కవర్ చేసుకుని 30 నిమిషాల తర్వాత చల్లటి నీటితో కండిషనర్ ఉపయోగించి శుభ్రం చేసుకుంటే సరిపోతుంది.

ఉల్లిపాయ ప్యాక్

జుట్టు రాలడాన్ని అరికట్టడంలో ఉల్లిపాయను పూర్వకాలం నుంచి ఉపయోగిస్తున్నారు. ఇది జుట్టుని మందంగా మార్చడమే కాదు.. జుట్టు రాలడాన్ని కూడా అరికడుతుంది. 2 మీడియమ్ సైడ్ ఆనియన్స్ తీసుకుని పేస్ట్ చేసుకోవాలి. దానికి 4 టేబుల్ స్పూన్ల కొబ్బరినూనె కలిపి, కొన్ని చుక్కల ఎసెన్షియల్ ఆయిల్ యాడ్ చేసి.. మాడుకి, జుట్టుకి పట్టించాలి. 30 నిమిషాల తర్వాత మైల్డ్ షాంపూతో శుభ్రం చేసుకుంటే.. మంచి ఫలితం ఉంటుంది. వారానికి ఒకసారైనా.. ఈ ప్యాక్ ట్రై చేసి చూడండి.. జుట్టు రాలడాన్ని అరికట్టవచ్చు.

హెన్నా ప్యాక్

జుట్టు రాలడాన్ని అరికట్టడంలో మందారం చాలా ఎఫెక్టివ్ గా పనిచేస్తుంది. అలాగే జుట్టు పెరగడానికి, జుట్టు తెల్లబడకుండా నివారించడానికి, చిట్లిపోకుండా అరికట్టడానికి సహాయపడుతుంది. 4 టేబుల్ స్పూన్ల హెన్నా పౌడర్ తీసుకుని పావు కప్పు పెరుగు, 2 టేబుల్ స్పూన్ల ఆల్మండ్ ఆయిల్ లేదా కొబ్బరినూనె కలిపి పేస్ట్ చేసుకోవాలి. మాడుకి, జుట్టుకి పట్టించి 15 నిమిషాల తర్వాత చల్లటి నీటితో కండిషనర్ ఉపయోగించి శుభ్రం చేసుకోవాలి. ఈ ప్యాక్ ని వారానికి ఒకసారి కంపల్సరీ వేసుకోవడం వల్ల జుట్టు రాలడం తగ్గడమే కాకుండా.. జుట్టు పెరుగుతుంది.

మెంతి ప్యాక్

మెంతులు జుట్టుని నల్లగా, నిగనిగలాడేలా చేసి.. చుండ్రుని నివారిస్తాయి. 4 టేబుల్ స్పూన్ల మెంతులను గోరువెచ్చని నీటిలో రాత్రంతా నానబెట్టాలి. ఉదయాన్నే మెత్తగా పేస్ట్ లా చేసుకోవాలి. అందులో అర నిమ్మకాయ రసం, 3 టేబుల్ స్పూన్ల కొబ్బరి నూనె కలపాలి. బాగా మిక్స్ చేసి, జుట్టుకి, స్కాల్ఫ్ కి పట్టించి 20 నిమిషాల తర్వాత మైల్డ్ కండిషనర్ ఉపయోగించి శుభ్రం చేసుకోవాలి. ఇలా వారానికి రెండు సార్లు ఈ ప్యాక్ వేసుకుంటే.. జుట్టు రాలడాన్ని పూర్తీగా అరికట్టవచ్చు.

ఎగ్ ప్యాక్

ఎగ్ లో ఉండే పోషకాలు జుట్టు ఆరోగ్యంగా, స్ర్టాంగ్ గా ఉండటానికి సహాయపడతాయి. 2 కోడిగుడ్ల తెల్లసొన తీసుకుని, అరకప్పు కొకనట్ క్రీమ్, 2 టేబుల్ స్పూన్ల ఆలివ్ ఆయిల్ మిక్స్ చేయాలి. ఈ మిశ్రమాన్ని తలకు పట్టించి 30 నిమిషాల తర్వాత షాంపూ, కండిషనర్ ఉపయోగించి శుభ్రం చేసుకుంటే.. జుట్టు రాలడాన్ని అరికట్టవచ్చు.