వెనిగర్ తో చుండ్రు వదిలించే సింపుల్ సొల్యూషన్స్

వెనిగర్, పుదినా

కొన్ని పుదినా ఆకులను పేస్ట్ లా చేసి.. రసం తీయాలి. ఇందులో మూడు టేబుల్ స్పూన్ల వెనిగర్ కలపాలి. ఈ మిశ్రమాన్ని తలకు, మాడుకి పట్టించి 10 నిమిషాల తర్వాత శుభ్రం చేసుకోవాలి. ఇలా చేస్తే చుండ్రు తొలగిపోయి.. జుట్టు మంచి సువాసన వస్తుంది.

వెనిగర్, ఎసెన్షియల్ ఆయిల్

ఎసెన్షియల్ ఆయిల్, వెనిగర్ మిక్స్ చేసి అప్లై చేయడం వల్ల పొడిజుట్టు, సాఫ్ట్ గా తయారవుతుంది. ముందుగా వెనిగర్ తలకు పట్టించాలి. తర్వాత గోరువెచ్చని నీటితో శుభ్రం చేసుకోవాలి. ఇప్పుడు ఎసెన్షియల్ ఆయిల్ రాసుకుని.. రాత్రంతా ఉంచుకోవాలి. ఉదయాన్నే.. శుభ్రం చేసుకుంటే మంచి ఫలితం ఉంటుంది.

వెనిగర్, పెరుగు

ముందుగా తలకు వెనిగర్ పట్టించాలి. 10 నిమిషాల తర్వాత నీటితో శుభ్రం చేసుకోవాలి. అరగంట తర్వాత పెరుగుని తలకు మాస్క్ లా అప్లై చేయాలి. కాస్త ఆరిన తర్వాత శుభ్రంగా కడిగేసుకుంటే.. చుండ్రు సమస్య తగ్గిపోతుంది.

వెనిగర్, టీ ట్రీ ఆయిల్

ముందుగా జుట్టుని యాపిల్ సైడర్ వెనిగర్ తో శుభ్రం చేసుకోవాలి. జుట్టు డ్రై అయ్యాక టీ ట్రీ ఆయిల్ ని తలకు, స్కాల్ఫ్ కి పట్టించాలి. జుట్టు కాస్త ఆరిన తర్వాత అంటే 15 నిమిషాల తర్వాత శుభ్రం చేసుకోవాలి. ఈ ఆయిల్ చుండ్రుని పోగొట్టడమే కాదు.. మీ జుట్టుకి షైనింగ్ ని, న్యాచురల్ లుక్ ని అందిస్తుంది.

వెనిగర్, ఆలివ్ ఆయిల్

కొబ్బరినూనెకు బదులుగా ఆలివ్ ఆయిల్ ఉపయోగిస్తే చాలా మంచిది. ఇది జుట్టుకి మంచి పోషణను ఇస్తుంది. ఆయిల్ అప్లై చేశాక.. జుట్టుని గోరువెచ్చని నీటితో క్లీన్ చేసుకోవాలి. ఆరిన తర్వాత మళ్లీ వెనిగర్ అప్లై చేయాలి. నెలకు రెండుసార్లు ఇలా చేస్తే.. డాండ్రఫ్ తగ్గిపోతుంది. మళ్లీ రాదు.

వెనిగర్, మెంతి ఆకు

మెంతి ఆకులను మెల్తగా పేస్ట్ చేసి ఒక కప్పు వెనిగర్ లో కలపాలి. ఈ మిశ్రమాన్ని తలకు బాగా మర్దనా చేయాలి. 10 నిమిషాల పాటు మసాజ్ చేయాలి. తర్వాత చల్లటినీటితో శుభ్రం చేసుకోవాలి.

వెనిగర్, తేనె

తల మాడుకి తేనెను పలుచగా అప్లై చేయాలి. కాసేపటి తర్వాత గోరువెచ్చని నీటితో శుభ్రం చేసుకోవాలి. మరుసటి రోజు వెనిగర్ కలిపిన నీటితో తలను శుభ్రం చేసుకోవాలి. ఈ రెండు పదార్థాల్లో బ్లీచింగ్ ప్రాపర్టీస్ ఉంటాయి. కాబట్టి ఇవి తలలో చుండ్రుని నివారిస్తాయి.

చూశారుగా.. చక్కటి సింపుల్ టిప్స్. ఈ చిట్కాలు ప్రయత్నించి మీ తలలో చుండ్రుని వెంటనే నివారించుకోండి.