చుండ్రును నివారించడంలో అలోవెర(కలబంద)చేసే అద్భుతాలు...

1.ఫ్రెష్ అలోవెర జెల్:

ఫ్రెష్ గా ఉండే అలోవెర జెల్ ఒక బెస్ట్ హోం రెమెడీ . దీన్ని చుండ్రు నివారణకు ఉపయోగించుకోవచ్చు . అలోవెరాలోని థెరఫియాటిక్ లక్షణాలు చుండ్రును వదిలించడంలో కొన్ని అద్భుతాలను క్రియేట్ చేస్తుంది . అలోవెర ఆకు నుండి జెల్ ను వేరు చేసి తల, స్కాల్ఫ్ మొత్తానికి అప్లై చేయాలి . రాత్రంతా అలాగే ఉంచి ఉదయం తలస్నానం చేయాలి.

2.అలోవెర-టీట్రీ ఆయిల్:

అలోవెరాలో ఉండే నయం చేసే గుణాలు మరియు హైడ్రేటింగ్ లక్షణాలు చుండ్రును నివారించడంలో గ్రేట్ గా సహాయపడుతాయి. అంతే కాదు ఇతర సమస్యలను కూడా నివారిస్తాయి . టీట్రీ ఆయిల్లో కంటికి కనిపించని సూక్ష్మ క్రిములను నాశనం చేసే గుణాలున్నాయి . ఈ నూనెలో యాంటీబ్యాక్టిరియల్ లక్షణాలుండటం వల్ల చుండ్రు నివారణలో బెస్ట్ గా చెబుతున్నారు . 3చెంచాలా అలోవెర జెల్లో 6చుక్కల టీట్రీ ఆయిల్ మిక్స్ చేసి తలకు మొత్తానికి అప్లై చేసి మరుసటి రోజు ఉదయం తలస్నానం చేయాలి.

3.కలబందం మరియు వేపనూనె:

వేపనూనెలో యాంటీబ్యాక్టీరియల్ లక్షణాలు పుష్కలంగా ఉన్నాయి. ఇది తలలో పొట్టును మరియు దురదను నివారిస్తుంది.మొత్తంగా ఫంగల్ ఇన్ఫెక్షన్స్ ను మరియు దురదను తగ్గిస్తుంది. మూడు చెంచాలా అలోవెర జెల్లలో 10 చుక్కల వేపనూనె మిక్స్ చేసి, తల మొత్తానికి పట్టించి అరగంట తర్వాత తలస్నానం చేయాలి.

4.కలబంద మరియు కర్పూరం:

కర్పూరం తలలో చల్లదనాన్ని అందిస్తుంది. అలాగే ఇన్ఫెక్షన్స్ కు కారణం అయ్యే మైక్రోబ్స్ ను నివారిస్తుంది. కలబంద తలలో డ్రైనెస్ ను తగ్గిస్తుంది. అరచెంచా కర్పూరం పౌడర్ లో 3 చెంచాలా అలోవెరా జెల్ ను వేసి ఈ మిశ్రమాన్ని తలకు అప్లై చేయాలి. కొద్ది సేపటి తర్వాత తలస్నానం చేయాలి.

5.కలబంద-నిమ్మరసం:

నిమ్మరసంలో ఉండే అసిడిక్ నేచర్ వల్ల చుండ్రుకు కారణం అయ్యే ఫంగస్ ను నివారించుకోవచ్చు. ఇంకా పిహెచ్ లెవల్స్ ను తగ్గిస్తుంది . జుట్టుకు మంచి షైనింగ్ ఇస్తుంది. అలోవెరా జెల్ కు కొద్దిగా నిమ్మరసం జోడించి తలకు అప్లై చేయాలి. అరగంట తర్వాత తలస్నానం చేయాలి. ఇలా చేయడం వల్ల చుండ్రు చాలా ఎఫెక్టివ్ గా తొలగించబడుతుంది.

6.కలబంద మరియు మెంతులు

నీళ్ళలో మెంతులు వేసి రాత్రంతా నానబెట్టుకోవాలి. ఉదయం రాత్రంతా నానిన మెంతులను మిక్సీలో వేసి మెత్తగా పేస్ట్ చేసుకోవాలి. తర్వాత ఈ పేస్ట్ కు అలోవెరా జెల్ ను మిక్స్ చేసి, ఈ పేస్ట్ ను తలకు పట్టించాలి. ఇది తలలో అవాంఛితంగా ఏర్పడా నూనెను తొలగిస్తుంది. దాంతో తలలో జిడ్డు వదులుతుంది. దాంతో తలలో ఎలాంటి బ్యాక్టీరియా, ఫంగస్ ఉన్నా తొలగిపోతుంది. ఇలా తరచూ చేస్తుంటే మంచి ఫలితం ఉంటుంది.

7.యూకలిప్టస్ ఆయిల్ మరియు అలోవెరా

యూకలిప్టస్ ఆయిల్లో కొద్దిగా అలోవెరా జెల్ వేసి బాగా మిక్స్ చేయాలి. ఈ మిశ్రమాన్ని తలకు పట్టించి, నిధానంగా మసాజ్ చేయాలి. ఒక గంట తర్వాత నార్మల్ వాటర్ తో తలస్నానం చేయాలి. ఈ రెండు నేచురల్ హెర్బ్స్ లో ఉండే థెరఫాటిక్స్ లక్షణాల వల్ల తల మరియు జుట్టు క్లీన్ గా మారుతుంది. హెయిర్ షాంపును ఈ విధంగానే మీరు ఉపయోగించాల్సి ఉంటుంది.

8.అలోవెరా-ఆముదం:

అలోవెరా జెల్ ను అరకప్పు తీసుకొని , అందులో రెండు చెంచాలా ఆముదం, రెండు చెంచాలా మెంతి పొడి మరియు ఒక చెంచా తులసి పొడి మిక్స్ చేసి తలకు, జుట్టు మొత్తానికి అప్లై చేయాలి. అప్లై చేసిన తర్వాత షవర్ క్యాప్ పెట్టుకొని నిద్రపోవాలి. మరుసటి రోజు ఉదయం నిద్రలేచిన వెంటనే మంచి నీరు, మన్నికైన షాంపుతో తలస్నానం చేయడం వల్ల జుట్టుకు అవసరం అయ్యే పోషకాలు అందడంతో పాటు, చుండ్రు వదులుతుంది. ఈ హెయిర్ మాస్క్ చాలా ఎఫెక్టివ్ గా కండీషన్ పనిచేస్తుంది. చుండ్రును నివారించి జుట్టు పెరుగుదలను ప్రోత్సహిస్తుంది. దీన్నికనీసం వారానికొకసారి ఉపయోగించాలి.