బట్టతల నివారించడానికి సింపుల్ సొల్యూషన్..! ఆముదం.. !!

ఎలా సహాయపడుతుంది ?

ఆముదం చాలా సహజసిద్ధమైన నూనె. ఇందులో విటమిన్ సి, ప్రొటీన్స్, మినరల్స్, యాంటీ ఫంగల్, యాంటీ బ్యాక్టీరియల్ గుణాలు ఉంటాయి.

ఎక్కువ మందంగా

ఆముదం చాలా మందంగా ఉంటుంది. దీన్ని జుట్టు, స్కాల్ప్ కి పట్టించడం వల్ల హెయిర్ గ్రోత్ పై దుష్ర్పభావం చూపే వాటి నుంచి ప్రొటెక్ట్ చేస్తుంది. అలాగే బ్యాక్టీరియాతో పోరాడుతుంది. ఫంగల్ ఏర్పడకుండా అరికడుతుంది. ఇందులో యాంటీ ఇన్ల్ఫమేటరీ గుణాలు ఉంటాయి. ఇవి స్కాల్ప్, జుట్టు ఆరోగ్యానికి మంచిది.

బ్లడ్ సర్క్యులేషన్

ఆముదంను జుట్టుకి, మాడుకి పట్టించడం వల్ల బ్లడ్ సర్క్యులేషన్ సజావుగా సాగుతుంది. దీనివల్ల జుట్టు వేగంగా పెరుగుతుంది.

జుట్టు రాలడం

యాంటీ బ్యాక్టీరియల్, యాంటీ ఫంగల్ గుణాలు ఉండటం వల్ల ఆముదంను రెగ్యులర్ గా ఉపయోగిస్తే.. స్కాల్ప్ ఇన్ఫెక్షన్స్ నివారిస్తుంది. అలాగే రెగ్యులర్ గా ఆముదం ఉపయోగించే వాళ్లలో జుట్టు రాలే సమస్య కూడా తగ్గుతుంది.

జుట్టు చిట్లిపోవడం

ఆముదం జుట్టుని స్ట్రాంగ్ గా చేసి.. చివర్లు చిట్లిపోవడాన్ని నివారిస్తుంది. జుట్టు డ్యామేజ్ అవుతుందని భావించేవాళ్లు, జుట్టు పొడిబారిన వాళ్లు ఆముదం అప్లై చేయడం వల్ల సమస్య నుంచి బయటపడవచ్చు.

మాయిశ్చరైజర్

ఆముదం తలకు మంచి మాయిశ్చరైజర్ లా పనిచేస్తుంది. ఇది మందంగా, జిగటగా ఉండటం వల్ల జుట్టుకి ఎక్కువ సేపు రక్షణగా ఉంటుంది. అలాగే పొడిబారిన జుట్టుని స్మూత్ గా మారుస్తుంది.

ఎలా ఉపయోగించాలి ?

ఆముదం చాలా మందంగా ఉండటం వల్ల దీన్ని ఉపయోగించడం కాస్త ఇబ్బందిగానే ఉంటుంది. అయితే.. ఆముదంను అప్లై చేయడం ఇబ్బందిగా ఫీలయ్యే వాళ్లు.. కొంచెం కొబ్బరి నూనె లేదా ఆలివ్ నూనె మిక్స్ చేసి రాసుకోవచ్చు.

బట్టతల

మీ తలలో ఎక్కడైనా జుట్టు పూర్తీగా రాలిపోయి.. బట్టతల చాయలు కనిపిస్తుంటే ఆముదం చక్కటి పరిష్కారం. అలాంటప్పుడు ఆముదంలో కాటన్ ముంది.. జుట్టు పూర్తీగా రాలిపోవడం వల్ల ఏర్పడిన గ్యాప్ పట్టించాలి. రాత్రంతా అలానే వదిలేసి.. ఉదయాన్నే శుభ్రం చేసుకోవాలి. ఇలా రెగ్యులర్ గా చేస్తే బట్టతల నివారించడం తేలికైన పని అవుతుంది.