షాంపూ లేకుండా.. న్యాచురల్ గా జుట్టు శుభ్రం చేసుకునే ట్రిక్స్

పుదీనా

ఒక గుండ్రటి గిన్నెలో ఒక కప్పు నీళ్లు వేయండి.ఆ నీటిని మీడియం ఫ్లేమ్ లో మరిగించాలి. అందులోకి గుప్పెడు పుదీనా ఆకులు వేయాలి. 10 నిమిషాల పాటు ఆ ఆకులు నీటిలో నాననివ్వాలి. నీటిని వడగట్టాలి. జుట్టుని ఆ నీటితో శుభ్రం చేసి.. ఆకులతో మసాజ్ చేయాలి. ఈ పుదీనా ఆకులు దుమ్ము తొలగించి.. న్యాచురల్ షాంపూలా పనిచేస్తుంది.

సోడా

వారానికి ఒకసారి సోడాతో జుట్టుని శుభ్రం చేసుకుంటే.. చుండ్రు నివారించవచ్చు. ముందుగా సోడాతో జుట్టు మాడుని శుభ్రం చేసుకోవాలి. 6 నిమిషాల అలా వదిలేసి.. తర్వాత మంచినీటితో శుభ్రం చేసుకోవాలి.

రోజ్ మెరీ

జుట్టుకి ఉపయోగించడానికి రోజ్ మెరీ చక్కటి ఎంపిక. మీ జుట్టుకి మంచి సువాసన తీసుకొస్తుంది. రోజ్ మెరీ ఆకులను నలపాలి. స్నానపు నీటిలో ఆ ఆకులు కలపాలి. 8 నిమిషాల ఆ నీటిలో రోజ్ మెరీ లీవ్స్ నాననివ్వాలి. తర్వాత ఆ నీటితో జుట్టు శుభ్రం చేసుకుంటే మంచి ఫలితం ఉంటుంది.

వెనిగర్

అన్ని రకాల జుట్టు సమస్యలతో పోరాడటానికి వెనిగర్ సహాయపడుతుంది. ఆయిలీ స్కాల్ఫ్, డాండ్రఫ్ వంటి సమస్యలను వెనిగర్ చక్కటి పరిష్కారం. ఫ్రెష్ వెనిగర్ తో స్కాల్ఫ్ ని మసాజ్ చేయాలి. 7 నిమిషాల తర్వాత చల్లటి నీటితో శుభ్రం చేసుకోవాలి. షాంపూ, సోప్ ఉపయోగించరాదు. దీనివల్ల జుట్టు మెరిసిపోతుంది.

బేకింగ్ సోడా, యోగర్ట్

ఒక కప్పులో 3 టేబుల్ స్పూన్ల యోగర్ట్, 1 టేబుల్ స్పూన్ బేకింగ్ సోడా మిక్స్ చేయాలి. ఈ మిశ్రమాన్ని జుట్టుకి మాస్క్ లా అప్లై చేయాలి. 15 నిమిషాల తర్వాత షాంపూ ఉపయోగించకుండా.. శుభ్రం చేసుకోవాలి. బేకింగ్ సోడా డర్ట్ తొలగిస్తే.. యోగర్ట్ జుట్టుకి న్యాచురల్ లుక్ తీసుకొస్తుంది.

గుడ్డు, నిమ్మ

లెమన్ ఆయిల్ వాడటం వల్ల స్కాల్ఫ్ లో చెమట వాసన తగ్గిపోతుంది. ఒక కప్పులో రెండు కోడిగుడ్లు, లెమన్ ఆయిల్ మిక్స్ చేయాలి. ఈ రెండింటిని బాగా మిక్స్ చేసి.. స్కాల్ఫ్ పై మసాజ్ చేయాలి. 10 నిమిషాల తర్వాత గోరువెచ్చని నీటితో షాంపూ ఉపయోగించకుండా శుభ్రం చేసుకోవాలి.

పెరుగు

వారానికి ఒకసారి న్యాచురల్ రెమిడీస్ జుట్టుకి అప్లై చేయడం చాలా అవసరం. పెరుగు జుట్టుకి పర్ఫెక్ట్ కండిషనర్. చల్లటి, గడ్డ పెరుగు తలకు అప్లై చేసి.. 15 నిమిషాల తర్వాత శుభ్రం చేసుకోవాలి. షాంపూ ఉపయోగించరాదు.