హోంమేడ్ కండిషనర్ తో షైనీ హెయిర్..!

ఏ మహిళకైనా షైనీ అండ్ హెల్తీ హెయిర్ కావాలని ఉంటుంది. అయితే అందరికీ అది సాధ్యం కాదు. ఒక్కొక్కరికి ఒక్కో రకమైన హెయిర్ ఉంటుంది. కొంతమంది హెయిర్ ఎన్ని జాగ్రత్తలు తీసుకున్నా నిర్జీవంగా మారుతూ ఉంటుంది.

అయితే హోంమేడ్ కండిషనర్ తో.. నిర్జీవంగా మారిన జుట్టుని షైనీగా, ఎట్రాక్టివ్ గా మార్చుకోవచ్చు. జుట్టు డల్ గా ఉంటే.. మీ ఆకర్షణపైనే దుష్ర్పభావం పడుతుంది. మీ మూడ్ ని కూడా మార్చేస్తుంది. కాబట్టి.. బ్యూటి ప్రొడక్ట్స్ తో ఇలాంటి హెయిర్ నివారించుకోవాలి అనుకోకూడదు.

ఇంట్లోనే.. కొన్ని పదార్థాలతో.. కండిషనర్ తయారు చేసి అప్లై చేస్తే.. అద్భుతమైన ఫలితాలు పొందవచ్చు. ఎలాంటి సైడ్ ఎఫెక్ట్స్ లేకుండా.. మెరుగైన ఫలితాలు అందించే.. ఈ హోంమేడ్ కండిషనర్ ని ఒకసారి ట్రైచేసి చూడండి.

కావాల్సిన పదార్థాలు
మీగడ
గుడ్డులోని తెల్లసొన
లావెండర్ ఎసెన్షియల్ ఆయిల్

తయారు చేసే విధానం
ఎగ్ వైట్ ని, మీగడని బాగా మిక్స్ చేయాలి. ఒక వేళ మీ జుట్టు పొడవుని బట్టి మీగడ పరిమాణం తీసుకోవాలి. రెండు గుడ్లలోని తెల్లసొన తీసుకోవాలి. రెండింటినీ బాగా మిక్స్ చేయాలి. తర్వాత కొన్ని చుక్కల లావెండర్ ఆయిల్ మిక్స్ చేయాలి. ఈ మిశ్రమాన్ని తలకు, జుట్టుకి పట్టించాలి. ఒకవేళ మీది ఆయిలీ హెయిర్ అయితే.. స్కాల్ప్ కి పట్టించకండి. అరగంట తర్వాత శుభ్రం చేసుకోవాలి. అంతే మీ జుట్టు షైనీగా, స్మూత్ గా మారుతుంది.