జుట్టు ఆరోగ్యానికి ‘గులాబి నీరు’!ప్రయత్నించి చూడండి..

తేనెతో రోజ్ వాటర్ :

రోజ్ వాటర్ ను తేనెతో మిక్స్ చేసి తలకు అప్లై చేయాలి. జుట్టు మందం పొడవును బట్టి జుట్టుకు అప్లై చేయాలి. అరగంట తర్వాత తలస్నానం చేయాలి.

అలోవెర జెల్ తో రోజ్ వాటర్ :

అలోవెర జెల్ కు కొద్దిగా రోజ్ వాటర్ మిక్స్ చేసి జుట్టుకు అప్లై చేయాలి. ఈ మిశ్రమాన్ని తలకు అప్లై చేయడం వల్ల జుట్టు చిక్కువడకుండా ఉంటుంది. ఈ మిశ్రమాన్ని తలకు అప్లై చేసి, షవర్ క్యాప్ పెట్టుకోవాలి. ఇలా వారానికొకసారి చేస్తే చాలు మంచి ఫలితం ఉంటుంది.

గ్రీన్ టీతో రోజ్ వాటర్ :

జుట్టు పొడవుకు సరిపడా గ్రీన్ టీ తీసుకుని,అందులో రోజ్ వాటర్ మిక్స్ చేసి తలకు అప్లై చేయాలి. అరగంట తర్వాత తలస్నానం చేసుకోవాలి. ఇది జుట్టు పెరుగుదలను ప్రోత్సహిస్తుంది. హెయిర్ ఫోలిసెల్స్ ను స్ట్రాంగ్ గా మార్చుతుంది.

సాల్ట్ అండ్ రోజ్ వాటర్ :

ఒక టేబుల్ స్పూన్ సాల్ట్ తీసుకుని అందులో రోజ్ వాటర్ ను మిక్స్ చేయాలి. ఈ మిశ్రమాన్ని తలకు అప్లై చేసి, మసాజ్ చేయాలి. ఈ మిశ్రమాన్ని తలకు అప్లై చేయడం వల్ల హెయిర్ ఫాల్ తగ్గుతుంది.

రోజ్ వాటర్ ను నేరుగా జుట్టుకు అప్లై చేయడం:

రోజ్ వాటర్ ను తలకు అప్లై చేయడంలో సింపుల్ రెమెడీ కాటన్ ప్యాడ్ ను రోజ్ వాటర్ లో డిప్ చేసి తలకు అప్లై చేయాలి. ఇది నేచురల్ మాయిశ్చరైజర్ గా పనిచేస్తుంది. జుట్టుకు మంచి పోషణను అందిస్తుంది. జుట్టును స్ట్రాంగ్ గా మార్చుతుంది.

రోజ్ వాటర్ ఆముదం:

ఒక టీస్పూన్ ఆముదంలో 4 చుక్కల రోజ్ వాటర్ మిక్స్ చేసి తలకు అప్లై చేయాలి. తలస్నానం చేయడానికి ఒక గంట ముందు తలకు అప్లై చేసి, వారానికొకసారి రిపీట్ చేయాలి. ఇలా చేయడం వల్ల జుట్టు స్ట్రాంగ్ మారుతుంది.

ఆనియన్ జ్యూస్ తో రోజ్ వాటర్ :

రెండు టేబుల్ స్పూన్ల ఆనియన్ జ్యూస్ లో 5 చుక్కల రోజ్ వాటర్ మిక్స్ చేసి తలకు అప్లై చేస్తే తెల్ల జుట్టు నివారించబడుతుంది. ఒక గంట తర్వాత మన్నికైన షాంపుతో స్నానం చేయాలి. దీన్ని వారానికొకసారి ట్రై చేయడం వల్ల కామన్ హెయిర్ ప్రాబ్లెమ్స్ నివారించబడుతాయి.

గ్లిజరిన్ తో రోజ్ వాటర్ :

ఒక టీస్పూన్ గ్లిజరిన్ లో 5 చుక్కల రోజ్ వాటర్ మిక్స్ చేయాలి. తలస్నానం పూర్తి అయిన తర్వాత చివరగా రోజ్ వాటర్ మిశ్రమాన్ని ఒక మగ్ నీటిలో మిక్స్ చేసి తలస్నానం చేయాలి. ఇలా చేయడం వల్ల జుట్టు సాప్ట్ గా మరియు షైనీగా మారుతుంది.