యాపిల్ సైడర్ వెనిగర్ ను హెయిర్ కండీషనర్ల వాడుకోవచ్చు.. అదెలాగో చూసెయ్యండి..

మన జుట్టుకు షాంపూ ఎంత అవసరమో, కండీషనర్ కూడా అంతే ముఖ్యం. కానీ మార్కెట్లో లభించే కండీషనర్లు చాలా ఖరీదైనవి.

ఇవి మనకు కావాల్సిన బడ్జెట్లో ఎప్పటికీ అందుబాటులో ఉండవు. అయితే హెయిర్ కండీషనర్ వాడకుండా జుట్టును మనం మరింత బలంగా మార్చుకోవచ్చు. అందుకోసం మనం ఎక్కువగా ఖర్చు పెట్టాల్సిన పని లేదు. ఎందుకంటే మీరు మీ వంటింట్లో వాడే ఆపిల్ సైడర్ వెనిగర్ ను హెయిర్ కండీషనర్ గా వాడొచ్చు. దీని వల్ల మంచి ఫలితాలను కూడా పొందొచ్చు. యాపిల్ సైడర్ వెనిగర్ లోని ఎసిటిక్ యాసిడ్ బిల్డ్-అప్ నుండి అవ శేషాలను తొలగిస్తుంది. ఇది మీ జుట్టును మెరిసేలా చేస్తుంది. అయితే ఆపిల్ సైడర్ వెనిగర్ ను జుట్టుకు ఎలా అప్లై చేయాలనే ఆసక్తికరమైన విషయాన్ని ఇప్పుడు తెలుసుకుందాం...

యాపిల్ సైడర్ వెనిగర్ తో ప్రయోజనాలు..
* ఇది మీ జుట్టును మెరిసేలా చేస్తుంది. మీ జుట్టు పొడిగా మరియు నిర్జీవంగా ఉంటే, మీరు కచ్చితంగా యాపిల్ సైడర్ వెనిగర్ ఉపయోగించి అనేక ప్రయోజనాలను పొందొచ్చు.
* ఇందులోని కొన్నిరకాల ఉత్పత్తుల వల్ల మీ హెయిర్ ఫోలికల్స్ మూసుకుపోతాయి. ఇది మీ హెయిర్ పెరుగుదలను ప్రభావితం చేస్తుంది.
* అంతేకాదు మీ జుట్టు రాలే సమస్యను కూడా దూరం చేస్తుంది. కాబట్టి మీరు ఈరోజుల్లో జుట్టు రాలే సమస్యతో బాధపడుతుంటే దీన్ని కచ్చితంగా వాడండి.

ఎలా తయారు చేయాలంటే..
ముందుగా ఒక భాగం యాపిల్ సైడర్ వెనిగర్ ను మూడు భాగాలు నీటితో కలపండి.
నీటి పరిమాణం వెనిగర్ కంటే ఎక్కువగా ఉండాలని గుర్తుంచుకోండి.
ఇప్పుడు మీ జుట్టును కడిగిన తర్వాత, ఈ మిశ్రమాన్ని దానిపై పోసి కొన్ని నిమిషాల పాటు వేచి ఉండండి.
మీరు స్ప్రే బాటిల్ సహాయంతో మీ జుట్టుకు అప్లై చేయొచ్చు.
ఈ మిశ్రమం సహజమైన కండిషనర్ మాదిరిగా పని చేస్తుంది. దీనికి మీరు ప్రత్యేకంగా వేటిని జోడించాల్సిన పనిలేదు.
ఈ కండీషనర్ వాడకంతో మీ జుట్టును విడదీయడం చాలా సులభమవుతుంది. మీరు మీ జుట్టులో తేడాను కూడా సులభంగా కనిపెట్టొచ్చు.