చెవులకు ‘కేకో..కేక’..!!

అమ్మాయి బుంగమూతిలా ముద్దొచ్చే చెవి రింగులు ప్రస్తుతం 'హోరెత్తిస్తున్న ఫ్యాషన్' కాదు కాదు 'ట్రెండ్ సెట్టర్'. చెవులకు ధరంచే పోగులు, జుంకీలు, రింగులు ఇలా ఎన్నిరకాలనైనా మార్చి, మార్చి పెట్టుకోవచ్చు. కాని రింగులున్నాయే..ఎప్పుడు చూసినా వృత్తాకారం లాంటి ఒకే ఆకారంలో ఉంటాయి. కాకపోతే వెండి.. బంగారం.. ప్లాటినం.. బ్లాక్ మెటల్.. పూసలు.. ప్లాస్టిక్ వంటి లోహాలతో రంగు రంగులగా తీర్చదిద్దబడతాయి.

సెలబ్రిటీల ప్రపంచంలో రింగులు తిరుగులేని ఫ్యాషన్‌గా రూపాంతరం చెందాయి. వారు ధరించే ఏ డ్రస్ కయినా ఇవి క్లాసిక్ లుక్‌ను తీసుకువస్తాయి. ఈ మధ్యను జీన్స్ భామలంతా చెవి రింగుల పై మోజు కనబరుస్తున్నారు.

నిజానికి చెప్పాలంటే ఒకప్పుడు చిన్న పిల్లలకు మాత్రమే రింగులు పరిమితమయ్యేవి. ఎందుకుంటే దిద్దులు పెడితే ముసలమ్మల్లా కనిపిస్తారని వాటిని పెద్దవాళ్ల ఆభరణాల కిందే జమకట్టేవారు. ప్లాస్టిక్, నియోన్ వంటి లోహలతో ప్రస్తుతం రూపుదిద్దుకుంటున్న ఫంకీ రింగులు కాలేజీ అమ్మాయిల ఫ్యాషన్ లిస్ట్‌లో తొలి స్థానాలను సంతరించుకున్నాయి.

ఆభరణాల తయారీ, రోల్డ్ గోల్డ్ వర్గాల్లో చోటుచేసుకున్న ఆధునిక మార్పులు రింగుల్లోనూ బోలెడన్ని డిజైన్లను వెలుగులోకి తీసుకువచ్చాయ. చిన్నా పెద్దా అని తేడా లేకుండా అందరూ ఈ రింగుల వైపు ఆకర్షితులవుతున్నారు. గుండ్రంగా ఉండే రింగు వృత్తాకారం ఇప్పుడు త్రికోణం, చదరం తదితర రేఖాగణిత ఆకారాల్లో దర్శనమిస్తున్నాయ.