జాగ్రత్త..!! మీ ‘నాజూకు నడము’ కందిపోతుంది..

Published: Friday, August 26, 2011, 9:54 [IST]

పాశ్చాత్య సంస్కృతి వ్యాప్తి చెందుతున్న నేపధ్యంలో మగువల్లో ఫ్యాషన్ అభిరుచులు రోజు రోజుకు వ్యాప్తి చెందుతున్నాయి. ముఖ్యంగా వస్త్రాలంకరణలో చోటుచేసుకున్న విప్లవాత్మక మార్పులు ఆడవారి అందాన్ని మరింత ఉట్టిపడేలా చేస్తున్నాయి. దశాబ్దాల నాటి పాత ఫ్యాషన్లకు స్వస్తి పలికిన టీనేజ్ యువత ప్రస్తుత ట్రెండ్లను అనుసరిస్తున్నారు.

అసలు విషయానికొస్తే.. నడుమును పట్టి ఉంచే 'బెల్టు'లు నాటి నుంచి నేటి వరకు ఫ్యాషన్ లో కీలకపాత్ర పోషిస్తున్నాయి. మునపటి రోజుల్లో బెల్టు పెట్టకుని 'ఇన్ షర్ట్' చేసుకుంటే ఆ హుందానే వేరు. అయితే నేడు కొత్త రూపు సంతిరించుకన్న బెల్టులు రకరకాల ఆకృతులలో, జిగేల్ మనే రంగుల్లో రూపుదిద్దకుంటున్నాయి. అయితే అమ్మాయులు బెల్టు ఎంపిక విషయంలో జాగ్రత్తలు తీసుకోకుంటే ఇబ్బందులు తప్పవంటున్నారు వైద్య నిపుణులు.

నడుము సైజుకు ఖచ్చితంగా సరిపోయే బెల్టులను వాడటం శ్రేయస్కరమని వీరు సూచిస్తున్నారు. ముందపాటిగా బాగా వెడల్పుగా ఉండే బెల్టులు నడుము కందిపోయేంత ఇబ్బంది పెడతాయంట..!! కాబట్టి వీలైనంత వరకు నడుముకు హాని కలిగించే బెల్టు జోలికి వెళ్లపోవటం ఉత్తమమని నిపుణుల సలహా. కాబట్టి బ్రాండెడ్ షోరూమ్‌లలో దొరికే కంఫర్ట్ బ్రాండ్‌లను ఎంపిక చేసుకోండి.