మహిళలు మెచ్చే సువాసనలు!

మహిళల ప్రాముఖ్యతను పెంచే వివిధ రకాల పెర్‌ఫ్యూమ్‌లు :

ఫ్లోరల్ (పుష్ప గంధపు): పువ్వులను అధికంగా ఇష్టపడే మహిళలు, పూల పరిమళంతో రూపొందించిన ఫెర్‌ఫ్యూమ్‌లను ఉపయోగంచటం వల్ల ప్రత్యేక గుర్తింపు లభిస్తుందట. జాస్మిన్, రోజ్ తదితర పూల సారాలలో ఈ ద్రవ్యాలు లభ్యమవుతున్నాయి. రోమాన్టిక్ వాతావరణాన్ని సృష్టించే పూల పరిమళాలను కలయక, పెళ్లి సందర్భాల్లో వాడితే బాగుటుంది.

చందన భరిత: చందన భరతమైన సిడార్, సాండల్ వుడ్, పచౌలి పరిమళాలు, మహిళలను ఎల్లప్పుడు తాజాదనంతో ఉల్లాసంగా ఉంచుతాయి. వివిధ కార్యకలపాల్లో నిమగ్నమవుతున్న ఆధునిక మహిళలు చందన భరిత పరిమళాలను వినియోగించేందుకు మక్కువ చూపుతున్నట్లు నిపుణులు చెబతున్నారు.

పండ్ల భరితం: తియ్యటి పరిమళాన్ని కలిగి ఉండే చెర్రీ, పీచ్, ఆపిల్ పండ్ల నుంచి పరిమళ ద్రవ్యాలను తయారు చేస్తున్నారు. ప్రత్యేక అనుభూతిని కలిగించే ఈ పరిమళాలను విహారయాత్రలకు వెళ్లే సందర్భాల్లో వినియోగిస్తే బాగుటుంది.

ఓరియంటల్: పాశ్చాత్య సంస్కృతి ద్వారా వ్యాపించిన ఓరియంట్ ఫెర్‌ఫ్యూమ్‌లు ఆధునిక మహిళలను ప్రత్యేకంగా ఆకట్టకుంటున్నాయి. పార్టీలకు, క్లబ్‌లకు వెళ్లే మహిళలు ఈ పరిమళాలను వాడేందుకు ఇష్టపడుతున్నారు. ఈ విధమైన ఫెర్‌ఫ్యూమ్‌ల నుంచి వ్యాపించే పరిమళం నలుగురిలో ప్రత్యేక గుర్తింపు తెచ్చిపెడుతుందట.