పెళ్లిరోజు మేకప్ ఎలావుండాలి...?

Published: Thursday, February 9, 2012, 16:27 [IST]

పెళ్ళిళ్ల సీజన్ మొదలైందంటే చాలు స్త్రీలు ఎక్కడ చూసిన దగదగలు, మిళమిళలు..పెళ్లనగానే పెళ్లి కూతురు చీరలు, నగలు, మేకప్ ల గురించే డిస్కషన్ ఉంటుంది. మరి వందమంది వచ్చే చోట తమ అందాన్ని మరింత ఎక్స్ ప్రెస్ చేయడం కోసం మహిళలను అనేక ప్రయత్నాలు మెదలెట్టేస్తారు. ఇక పెళ్లి కూతరు విషయం సరేసరి డైటింగ్, మేకప్, అంటూ కట్టడి చేస్తుంటారు. ముఖ్యంగా మహిళలు, పెండ్లి కుమార్తెలు తమ అందాన్ని మరింతగా పెంపొందించేందుకు బ్యూటీ పార్లర్‌ లకు పరుగులు తీస్తుంటారు. పెళ్లిరోజున మరింత అందంగా కనిపించాలని యువ తులు కోరుకుంటారు. కాబోయే భాగస్వామి దృష్టిలో తాను మరింత ఆకర్షణీయంగా ఉండాలని వారు తహత హలాడుతుంటారు. నిర్మలమైన నీలి కళ్లు, గులాబీలాగా కోమలంగా ఉండే పెదాలు, మంచి గంధంలాంటి సువా సన వెదల్లే శరీరం... కళ్యాణ మండపంలో కూర్చున్న ప్రతి పెళ్లికొడుకు తనకు కాబోయే భార్య ఇలాగే ఉండాలని కోరుకుంటారు. మీ అందాన్ని మెరుగులు దిద్దేందుకు మేకప్ మరింత అవసరం. మేకప్ వేసుకునే ముందు కొన్ని చిట్కాలు మీ కోసం…

1. పెళ్లిరోజున బ్రైడల్‌ మేకప్‌ చేయించుకునే ముందు చేసే స్నానం నీళ్లలో మీకు నచ్చిన పెర్‌ఫ్యూమ్‌ కలుపుకోండి. బ్రైడల్‌ మేకప్‌ తొందరపాటుగా చేయించుకోవద్దు.
2. పెళ్లి రోజు మేకప్ మీ జువెలరీని బట్టి ఉంటుంది. నగలు మరీ ఎక్కువగా ఉంటే లైట్ మేకప్ బాగుంటుంది. పెళ్లి, రిసెప్షన్ రాత్రి సమయాల్లో ఉంటే హెవీ మేకప్ బాగుంటుంది.
3. ఐ మేకప్ వేసుకునే సమయంలో కళ్ళపై మాయిశ్చరైజర్ అప్లై చేయండి. దీంతో కళ్ళు మరింత అందంగా కనపడతాయి. ఐ షాడో కోసం సహజమైన రంగులను వాడాలి. మెరిసే రంగులను వాడకపోవడం మంచిది. ఐబ్రో షేప్ చేసేందుకు వార్మ్ చాకొలేట్, స్లేటీ, గ్రే లేదా నేవీ బ్లూ షేడ్‌లు కలిగిన ఐ పెన్సిల్ ఉపయోగించండి.
3. పెదాలకు వ్యాజిలైన్ అప్లై చేసి మెత్తని టూత్‌ వూబష్‌తో రుద్దాలి. ముఖానికి ఫౌండేషన్ వేసేటప్పుడు అది పెదాలకు అంటకుండా జాగ్రత్తపడాలి. లిప్ స్టిక్, ఐషాడో మీ స్కిన్ టోన్‌కు, మీరు ధరించే డ్రెస్‌ కు సెట్ అయ్యే విధంగా ఉండాలి.
4. బుగ్గల్లో కెంపుకి ముదురు రంగు బ్లష్ వాడాలి. బుగ్గలపైన హైలైట్ కూడా వేసుకుంటే అందం పెరుగుతుంది. ఇటువంటి పైపై మెరుగులతో పాటు బాగా నిద్రపోవడం వల్ల ముఖం నిగారింపు వస్తుంది.
5. ఫౌండేషన్ ముఖంతోపాటు బయటికి కనిపించే మెడ, బ్యాక్, చెవులకు కూడా వేయాలి. ముఖం వరకే వేయడం వల్ల ముఖానికి రంగేసినట్లుగా ఉంటుంది.
6. మొటిమలు, మచ్చలు, నల్లటి వలయాలు ఉంటే వాటిని కన్సీలర్‌తో కప్పివేయాలి. కన్సీలర్‌ ను మందంగా పూయకుండా శరీర ఛాయకు తగ్గ రంగును పలుచగా రాయాలి.
7. వాటర్ ప్రూఫ్ మస్కారాను వాడాలి. గ్లాసీ లిప్‌ స్టిక్ వేసుకుంటే మంచి లుక్ వస్తుంది. అదే షేడ్‌లో ఉన్న లిప్‌లైనర్‌ను వాడాలి. లేదంటే లిప్‌స్టిక్ ఎబ్బెట్టుగా కనిపిస్తుంది.
8. పెళ్లికి ముందు అంతకుముందు వాడని కొత్త బ్రాండ్ ఉత్పత్తులతో ప్రయోగాలు చేయకండి. మీ చర్మానికి అవి సరిపడకపోతే దద్దుర్లు వచ్చే అవకాశం ఉంది.

Comments

Story first published: Thursday, February 9, 2012, 16:27 [IST]

Latest Updates

Bridal makeup tips for Wedding...! | వధువు పెళ్లి కల పెరగాలంటే..!