టీనేజర్స్ హుందాగా...ట్రెండీగా కనిపించాలంటే

Published: Wednesday, March 14, 2012, 13:09 [IST]

వేసవి కాలంలో ఎండ వేడి విపరీతంగా ఉంటుంది. మహిళల్లో చర్మం చాల సున్నితంగా ఉంటుంది. ఏబట్టలు వేసుకున్నా ర్యాషేస్ వచ్చి దురద పుడుతుంది. కాబట్టి బయటికి వెళ్ళే టీనేజ్ గర్ల్స్ తేలికపాటి రంగులు కలిగిన దుస్తులను వాడితే మంచిది. ఎందుకంటే ఇవి సూర్యరశ్మికి త్వరగా రిఫ్లెక్ట్ కాదు. దాంతో శరీరం చల్లగా ఉంటుంది. అలాగే ఎంచుకొనే కలర్స్ లో కూడా శ్రద్ద తీసుకొన్నట్లైతే వేసవికాలంను చల్లగా ఆశ్వాదించవచ్చు. క్యాండీ పింక్, పర్పల్, లైట్ ఎల్లో కలర్, ఎల్లో కలర్‌, ఆఫ్ వైట్, వైట్, పిస్తా, సీ గ్రీన్ లాంటి రంగులున్న దుస్తులు ధరిస్తే వేసవి కాలంలో వేడిని తట్టుకుని హాయిగా గడపచ్చు. వేసవిలో టీనేజర్స్‌ మరీ లూజు వస్త్రాలుగానీ, మరీ టైట్‌ వస్త్రాలుగానీ వాడకుండా శరీరాకృతికి తగ్గట్టు కుట్టించుకున్న కాటన్‌ వస్త్రాలు ధరిస్తే చక్కగా ఉంటారు. హుందాగా కనిపిస్తారు.

బేబీ డాల్ డ్రస్సెస్స్: అమ్మాయిలు వేసవి సీజన్‌లో బేబీ డాల్ డ్రస్సెస్‌ ను ధరిస్తే ఆహ్లాదంగా ఉంటుంది. ఎలైన్ లేదా స్ట్రెయిట్‌ గావుండే ఫ్లోరల్ ప్రింట్, ఎంపైర్ బేస్ లైన్‌ తో కూడుకున్న బేబీ డాల్ డ్రస్సెస్ పర్సనాలిటీని మరింతగా ఆకర్షిస్తాయి. ఇలాంటి దుస్తుల పొడవు మొకాళ్ళ వరకుంటాయి. ఇలాంటి దుస్తులను లాగింగ్స్ లేదా జీన్స్‌ పై ధరిస్తే మరింత అందంగా కనపడతారు. ఇందులో ఫ్రంట్ కట్, బ్యాక్ కట్, ఓపన్ నెక్, కట్ స్లీవ్, వెస్ట్ లైన్ ఫిటేట్, బ్యాక్ పోర్షన్ లాంటి మార్పులతో మీరు రకరకాల దుస్తులను ధరించవచ్చంటున్నారు ఫ్యాషన్ డిజైనర్లు.

ముప్పై ఏళ్ళ పైబడ్డ మహిళలు సాధ్యమైనంతవరకు నూలు చీరలు మామూలు కాటన్ చీరలు వాడటం శ్రేయస్కరం. అలాగే వేసవిలో బిగుతుగా వుండే దుస్తులు ధరించడం మంచిది కాదు. వేసవిలో ఎక్కడయినా ప్రయాణాలు పెట్టుకున్నప్పుడు ముదురురంగు కలిగిన వస్త్రాలను, దుస్తులను గానీ ఉపయోగించరాదు. లేతరంగువి లేదా తెలుగు రంగువి ఎండవేడిమిని గ్రహించుకోవు కాబట్టి వాటిని ఉపయోగించడం మంచిది. బ్రాలని, జాకెట్లను వదులుగా తొడుక్కోవాలి. శరీరాన్ని పూర్తిగా కప్పే జాకెట్లు వాడకూడదు. వేసవిలో అలంకరణల్ని సాధ్యమైనంత వరకు తగ్గించుకోవాలి.