ఆకర్షణీయమైన పెదాలకు పర్ ఫెక్ట్ లిప్ స్టిక్ - లిప్ లైనర్...

Make Up

oi-Saraswathi

By Sindhu

Published: Thursday, August 9, 2012, 16:07 [IST]

లిప్ స్టిక్ అనేది మహిళ అందాన్ని మరింత ఎక్కువగా చూపించబడే ఒక సౌందర్య సాధనం. మహిళలు మేకప్ వేసుకొన్న తర్వాత ముఖంలో ఒక ఫైనల్ టచ్ ఇచ్చి ముఖాన్నిమరింత ఆకర్షనీయంగా తీర్చి దిద్దుకొని ఇతరులకు ఆకట్టుకోగలుగుతారు. పెదాలకు లిప్ స్టిక్ వాడిన తర్వాత లిప్ లైనర్ ను ఉపయోగించడం వల్ల పెదాలకు పర్ ఫెక్ట్ షేప్ వస్తుంది. పెదాలు ఆకర్షణీయంగా మంచి ఆకృతిలో ఆకట్టుకొనాలంటే కొన్ని చిట్కాలను పాటించాల్సిందే...

1. ఆకర్షనీయమైన పెదాలకోసం మన్నికైన లిప్ స్టిక్స్ ను ఎంపిక చేసుకోవాలి. అందుకు మంచి కలర్స్ ను ఎంపిక చేసుకోవాలి. మీరు ఎంచుకొనే లిప్ స్టిక్ నేచురల్ కలర్ అయ్యుంటే, సహజ సౌందర్యాన్ని మీ సొంతం చేసుకోవచ్చు. డార్క్ కలర్స్ రాత్రి సమయంలో మాత్రమే ఉపయోగపడుతాయి. మ్యాట్ ఫినిష్ నిచ్చే లిప్ స్టిక్స్ పగలు అందంగా కనబడేలా చేస్తే, స్టెయిన్ మరియు గ్లాస్ ఫినిష్ సాయంత్రం, రాత్రి వేళల్లో మంచి లుక్ నిస్తుంది.

2. లిప్ స్టిక్, లిప్ లైనర్ ఉపయోగించడానకి ముందుగా మీ మేకప్ కార్యక్రమాన్ని పూర్తి చేసుకొని చివరగా లిప్ స్టిక్, తర్వాత లిప్ షేప్ కోసం లిప్ లైనర్ ను ఉపయోగించాలి.

3. అలాగే పెదాలకు కొద్దిగా లిప్ బామ్ లేదా పెట్రోలియం జెల్లీని అప్లై చేయడం వల్ల పెదాలు తడిగా ఉంటాయి.

4. పెదాలకు లిప్ స్టిక్ రాసుకొన్న తర్వాత పెదాలా ఆకతి కోసం లిప్ లైనర్ ను లిప్ స్టిక్ కంటే కొంచెం డార్క్ గా ఉన్నవాటితో ఔట్ షేప్ ను గీయాల్సి ఉంటుంది. పెదాలపైన కొంచెం మందంగా లిప్ లైన్ పెన్సిల్ తో గీసుకొని చివర్లు వచ్చేసరి సన్నగా ఔట్ లైన్ ఇవ్వాల్సి ఉంటుంది.

5. నోటిని తెరచి సన్నని పెదాలపై లిప్ లైనర్ తో ఔట్ లైన్ గీసుకోవాలి. పెదాలపై పూర్తిగా ఔట్ లైన్ గీసుకొన్న తర్వాత పెద్దాలు నిండుగా కనిపిస్తాయి.

6. లిప్ స్టిక్ ను ట్యూబ్ తో లేదా లిప్ స్టిక్ బ్రెష్ తో అప్లై చేయాల్సి ఉంటుంది. తర్వాత పైనల్ కోటింగ్ ఇవ్వాల్సి ఉంటుంది. దాంతో పెదాలు మరింత అందంగా కనబడుతాయి.

7. పై పెదవి, క్రింది పెదవి పైన ఎక్స్ ట్రా లిప్ స్టిక్ ఏమైనా కనబడితే కాటన్ బాల్స్ తీసుకొని తుడిచేసుకోవాలి.

8. తక్కువ విలువ, మన్నిక లేని, లిప్ స్టిక్ ఉపయోగించడం వల్ల భోజనం తర్వాత లిప్ స్టిక్ వాటర్ బాటిల్స్, టీ కప్పుకు, అంటుకోవడం గమనించాలి.