మీరు ఫంక్షన్ కు వెళుతున్నారా..?అయితే మీరే యువరాణి

Make Up

oi-Saraswathi

By Sindhu

Published: Thursday, February 23, 2012, 15:59 [IST]

నేటి ట్రెండ్ లో పార్టీలు..ఫంక్షన్లు..వీకెండ్ సెలబ్రేషన్స్ సర్వసాధారణమైపోయాయి. పెళ్ళిళ్ళ సీజన్ అప్పుడే మొదలైంది..చాలా ఫంక్షన్లు..పెళ్లిళ్లు, గృహప్రవేశాలు, ఎంగేజ్‌ మెంట్ పార్టీలు ఇలా బోలెడు ఫంక్షన్లకు ఆహ్వానాలు ఈ మాసమంతా అందుతుంటాయి. పార్టీలకు ఫంక్షన్లకు వెళ్లడానికి గిఫ్ట్ లకంటే ముందు ఆడవాళ్లు రెడీ చేసి పెట్టుకునేది మేకప్ కిట్. మేకప్ లేకుండా ఆడవాళ్లు ఇంట్లోను నుండి బయటకు వెళ్లరు. మేకప్ వేసుకుంటే ఎక్కువ సేపు అలాగే ఉండాలని ఎన్నో జాగ్రత్త తీసుకొంటారు. మేకప్ వేసుకునేటప్పుడే తీసుకున్న చిన్న చిన్న జాగ్రత్తలు ముఖంపై ఎక్కువసేపు మేకప్ నిలిచేలా చేయడమే కాకుండా మంచి లుక్‌ ని ఇస్తాయి. వేడుకలో మీరే ప్రధాన ఆకర్షణ అవుతారు. లేకపోతే వెళ్లామా... వచ్చామా అన్న చందంగా మిగులుతుంది. ఫంక్షన్‌ లకు వెళ్లే సమయంలో ఎలా ఉండాలో చూద్దాం...

1. మేకప్‌ కిట్‌ సిద్ధం చేసుకునే ముందు క్యారెట్ రసం, పన్నీరు, చదనం పొడి అన్నీ సమపాళ్ళలో తీసుకొని బాగా కలిపి మూఖానికి రాసుకుని ఒక అరగంట తర్వాత చల్లటి నీళ్ళతోముఖాన్ని శుభ్రంచేసి మేకప్‌ వేసుకోండి. ఇలా చేయడంవల్ల మేకప్‌ ఎక్కువసేపు ఉండటమే కాకుండా మరింత అందాన్నిస్తుంది. మేకప్‌ ఎక్కువ సేపు ఉంటుంది.

2. ఆయిల్ స్కిన్ ఉన్న వాళ్లు మేకప్ వేసుకునేటప్పుడు యాస్ట్రింజెంట్ లోషన్ వాడితే ఎక్కువసేపు మేకప్ అలాగే ఉండిపోతుంది. అందుకే యాస్ట్రింజెంట్ లోషన్ రాసుకున్న కొన్ని నిమిషాల తర్వాత ఫౌండేషన్ రాసుకోవాలి. ఆ తర్వాత ఐస్‌క్యూబ్‌ను శుభ్రమైన బట్టలో చుట్టి ముఖంపై కొన్ని సెకన్ల పాటు రుద్దుకోవాలి.

3. ముఖం, మెడపై పౌడర్ వేసుకొన్న తర్వాత నీటిలో ముంచి స్పాంజ్‌ తో అద్దాలి. ఇలా చేయడం వల్ల ఎక్కువ సేపు ముఖంపై నిలిచిపోతుంది. మేకప్ పూర్తయిన తర్వాత బ్లాటింగ్ పేపర్‌ తో ముఖాన్ని సున్నితంగా అద్దాలి. ఇలా చేస్తే మీరు వేసుకునే మేకప్ ఎక్కువ సేపు అలాగే ఉంటుంది.

4. కళ్లకు, పెదాలకు భారీ మేకప్ వేసుకోవడం బాగుండదు. కళ్లకు భారీగా మేకప్ వేసుకుంటే పెదాలకు లైట్‌ గా మేకప్ వెయ్యాలి. పెదాలకు భారీగా వేస్తే కళ్లకు లైట్‌గా వాడాలి. బయటకు వెళ్ళేముందు సన్‌ స్క్రీన్ ఉపయోగించాలి.

5. ఏ ఫక్షన్ కైనా వెళ్లేటప్పుడు ఆ ఫంక్షన్‌ లో మీరు ఎంత సేపు ఉండాల్సి వస్తుంది. మీరు వెళుతున్నది ఎలాంటి ఫంక్షన్ అనే విషయాన్ని గుర్తించుకోవాలి. ఎక్కువ సేపు ఉండాల్సిన ఫంక్షన్ అయితే స్పేర్ గా మరో జత బట్టలు పెట్టుకోవాలి. రోజంతా అదే డ్రెస్‌ తో ఉండే కంటే కాస్త సేదతీరి, డ్రెస్‌ మార్చుకుంటే ఫ్రెష్‌ గా కనిపిస్తారు.