మండే ఎండల్లోనూ మేకప్....!?

Published: Wednesday, April 25, 2012, 17:03 [IST]

వేసవి వచ్చేసింది వాతావరంణంతో పాటు శరీరంలో కూడా మార్పులు సహజం అయితే శీతాకాలం, వర్షాకాలంలో ఉన్నట్టు వేసవి కాలంలో శరీరంలో మార్పలు జరగటం వల్ల చర్మం పొడిబారటం, జిడ్డు, మొటిమలు, రాషెస్ వంటివి ఏర్పడుతుంటాయి. చర్మం యొక్క రంగులో కూడా మార్పు వస్తుంది. కాబ్టి కాలాన్ని బట్టి కూడా మేకప్ వేసుకోవాలి. ఏకాలంలోనైనా అందాన్ని మరింత ఇనుమడించాలనుకుంటే తేలికపాటి మేకప్ చాలా అవసరం.

1. డ్రెస్సింగ్‌ ను అనుసరించి స్కిన్‌ టోన్‌, బ్లషర్‌ ఉపయోగింస్తే మంచిది.

2. మేకప్ వేసుకోవాలనుకునేవారు మీకు నప్పే ఫౌండేషన్ తీసుకొని, తాజాగా ఉన్న ముఖం, మెడ మీద తేలిగ్గా రాయండి.

3. ఐబ్రో షేప్‌ చేసేందుకు వార్మ్‌ చాక్‌లేట్‌, స్లేటీ, గ్రే లేదా నేవీ బ్లూ షేడ్‌లు కలిగిన ఐ పెన్సిల్‌ ఉపయోగించండి.

3. ఐ షాడో వేసుకోవాలనుకునే వాళ్లు గోధుమ రంగును ఎంచుకోండి. ఐ షాడోని ఎప్పుడూ కంటిని దాటి బయటకి వెళ్లనివ్వకూడదు అప్పుడే అందంగా కనిపిస్తాయి.

4. ఎప్పుడూ గులాబీ, ఎరుపు, కాషాయం రంగుల ఐ షాడోలతో ప్రయోగాలు చేయొద్దు. అందరికీ ఈ రంగులు నప్పవు. బ్లషర్‌ని అవసరమైతేనే వాడాలి.

5. చీక్ బోన్ కింద నుంచి కణతల వరుకు తేలిగ్గా రాయాలి. బుగ్గలు లావుగా ఉంటే వాటి మీదా వేసుకోవచ్చు. కానీ చర్మంతో కలిసిపోయేలా రాస్తే అందంగా ఉంటుంది. మీరు మేకప్ వేసుకున్నట్లు కనపడదు.

6. కళ్లు పెద్దవిగా ఉంటే లోపల మాత్రమే కాటుక పెట్టుకోండి. సాధారణ కళ్లకు కనురెప్పల పైన, కింద ఐ లైనర్‌గానీ, ఐ పెన్సిల్‌గానీ వాడుకోవచ్చు. నలుపు, ముదురు గోధుమ, ముదురు నీలం రంగులు బావుంటాయి. మేకప్‌ వేసుకునే సమయంలో కళ్ళపై మాయిశ్చరైజర్‌ అప్లై చేయండి. దీంతో మరింత అందంగా కనబడతాయి.

7. ప్రస్తుతం వేసవికాలం కాబట్టి మీ పెదాలకు క్రీమ్‌ రూపంలో ఉన్న లిప్‌స్టిక్‌ ఉపయోగించండి. దీనికి ప్లమ్‌, బర్గండీ, వైన్‌, కోరల్‌, బ్రాంజ్‌ షేడ్‌లు ఉపయోగిస్తే మీ అందమైన పెదాల అందం ఇనుమడిస్తుంది.

8. కాంపాక్ట్ పౌడర్‌గానీ, ట్రాన్స్‌ల్యూసెంట్ పౌడర్ గానీ పఫ్‌తో ముఖానికి, మెడకు రాయాలి. ఎట్టి పరిస్థితుల్లోనూ షైనింగ్ పౌడర్‌గానీ, గ్లిట్టర్స్‌ను గానీ ముఖ్యంగా పగటి పూట వాడకూడదు.

9. వేసవికాలంలో ఎండలు విపరీతంగా ఉంటాయి కాబట్టి లిక్విడ్‌ లేదా క్రీమ్‌ తప్పనిసరిగా ఉపయోగిస్తే చర్మం ఎప్పుడూ తేమగా ఉంటుంది

10 ఇటువంటి చిన్న చిన్న చిట్కాలను పాటిస్తూ తాజా పండ్లు, కొబ్బరినీళ్లు ఎక్కువ గా తీసుకుంటే మీ ముఖంలో అలసట కనిపించకుండా ఉంటుంది.