అలంకరణలో ముత్యాలు శోభాయమానంగా...

Published: Wednesday, May 23, 2012, 16:50 [IST]

Tips to take care of your Pearls and Beads

ఆధునిక వస్త్రశ్రేణి మీదకయినా.. సంప్రదాయ తరహా చీరలపైన అయినా వైవిధ్యమైన రంగుల్లో లభించే పూసల గొలుసులు చక్కగా నప్పుతాయి. అయితే కొన్ని రోజులు ధరించక గొలుసు తెగిపోవడం, మధ్యలో కొన్ని పూసలు విరిగిపోవడం జరుగుతుంది. దాంతో వాటిని పక్కన పడేస్తుంటారు. అలాంటివి ఇంట్లో రెండు మూడు ఉంటే ఈ వేసవిలో బయటకు తీయండి ముందు గొలుసు నుంచి పూసలు విడదీయాలి. తర్వాత రెండు మూడు రకాలు పూసలు కలిపి కొత్తరకం దండని కుట్టండి చూడటానికి మోడరన్ గా కనిపిస్తుంది.

మీరు హుందాగా ఉండే నగలు ధరిస్తేనే చక్కగా కనిపిస్తారు... అందుకే ఏ దండ(చైన్) కైనా లాకెట్ పెద్దగా ఉండేలా చూసుకోవాలి. పూల తీగ మాదిరి బంగారంతో రూపొందించి పైన వజ్రాలు మేళవిస్తే ధవళ వర్ణంలో కంఠహారం ధగధగలాడిపోతుంది. ఇరువైపులా వజ్రాలతో డిజైన్ చేసి హుక్కులు పెట్టుకొంటే సాధారణ గొలుసు లేదా ఇతర ఆభరణాలకు అమర్చుకోవచ్చు. కంఠహారం మధ్యలో కోలాకృతిలో అడుగు భాగంలో బిందువు మాదిరి ఉండే పచ్చను ఏర్పాటు చేసుకొంటే ఆభరణం పూర్తయినట్టే దీనితోపాటు ఉండే సాధారణ గొలుసును విడిగా ధరించేలా బంగారు రింగులు చేయించుకొంటే సరిపోతుంది.

చేవులకు పెట్టుకొనే జుంకాలు కొంచెం వైవిధ్యంగా ఉండేటట్లు చూసుకోవాలి. స్టడ్స్ అడుగున వేలాడదీసిన విలువైన రాళ్ల ఉన్నటువంటి జూకాలను ఎంపిక చేసుకోవాలి. ఇలాంటివి వస్త్రాధారణకు తగ్గట్టు వాటిని మార్చుకొంటే మరింత అందంగా కనిపిస్తాయి.

ఇక మీదగ్గర ముత్యాలకు సంబంధించినవి ఉన్నట్లైతే పాల నురగలాంటి రంగుతో కనువిందు చేసే ముత్యాలు సహజ మెరుపు కోల్పోకుండా ఉండాలంటే, భద్రపరుచుకోవడంతో పాటు శుభ్రపరుచుకోవడంలోనూ జాగ్రత్తలు తప్పనిసరి.

ముత్యాలు అన్ని వేడకల సమయంలో ధరించేందుకు అనువైనవి. అయితే వీటిని ధరించడానికన్నా ముంచే అలంకరణ మొత్తం పూర్తి చేసుకోవాలి. లేదంటే మోముకు రాసుకునే క్రీములు. పరిమళ ద్రవ్యాల్లోని రసాయనాల ప్రభావంతో ముత్యాలు వాటి రంగు కోల్పోతాయి. వాడకం పూర్తయ్యాక మెత్తని తడి వస్త్రంతో తుడిచి. ఆ తర్వాతనే లోపల దాచాలి. మళ్లీ వాడే ముందు సిల్క్ వస్త్రంతో పాలిష్ చేస్తే కాంతివంతంగా ఉంటాయి. వాటిని శుభ్రం చేసేటప్పుడు క్లోరిన్ కలిపిన నీటిని వాడకూడదు. వీటిని వెల్వెట్ వస్త్రంతో తయారు చేసిన ప్రత్యేకమైన పెట్టిలో ఉంచితే మేలు. అధిక వేడి తగిలితే, ముత్యం రంగు వెలిసిపోతుంది. వేడిని ఉత్పత్తి చేసే మైక్రోఓవెన్, టీవి వంటి వాటికి దూరంగా ఉంచాలి.