సాంప్రదాయం ఉట్టిపడేలా అలంకరణ...

Make Up

oi-Saraswathi

By Sindhu

Published: Wednesday, February 15, 2012, 15:41 [IST]

అలంకరణ-ఆభరణాలు అనేది ప్రాచీన కాలం నుంచి వస్తున్న సాంప్రదాయం. అన్ని దేశాల్లోనూ, అన్ని జాత్తుల్లోనూ, అన్ని కాలాల్లోనూ అలంకరణ మీద మోజు కనిపిస్తూనే ఉన్నారు. చీరకట్టు ఎరగని భారతీయులుగానీ, చీరకట్టు అంటే ముచ్చటపడని విదేశీయులుగానీ లేరనడంలో సందేహం లేదు. ప్రతినిత్యం ఏదో ఓ కొత్తదనం కోసం పాకులాడుటం మానవనైజం. అవి కట్టు, బొట్టు విషయంలోకావచ్చు, వేరే ఏ ఇతర విషయాలలోనైనా కావచ్చు. చూస్తున్న ప్రతిసారి ఏదో కొత్త సొంపు, సోయగం, హుందాతనం కలిగి, మరుగునపడడం కాదు. కనీసం తెరమరుగున పడటం అంటే కూడా ఎరగని సిసలైన సాంప్రదాయక సౌందర్యం చీరదే.

ఫ్యాబ్రిక్: మన భారతీయ సాంప్రదాయంలో ఏపండగైనా, ఏ పార్టీ, ఫంక్షన్ అయినా చీరకట్టుకోవడం, లంగా ఓనీ వేసుకోవడంతో సాంప్రదాయ కళ ఉట్టిపడుతుంది. అందుకోసం ధర్మవరం, గద్వాల్, బెనారస్, కంచిపట్టు, కంజీవరం, ఉప్పాడ...ఇలా ఏదైనా సిల్క్ ఫ్యాబ్రిక్స్ ఎంచుకోవాలి. అయితే ఎవరి శరీర ఆకృతి బట్టి వారు ఫ్యాబ్రిక్ విషయంలో జాగ్రత్తలు తీసుకోవాలి. బెనారస్ కట్టుకోవాలనుకునేవారు లావుగా ఉన్నట్టైతే జార్జెట్ బెనారస్ ఉపయోగించవచ్చు. అదే స్లిమ్ గా ఉన్నవారు అయితే బెనారస్ ఫ్యాబ్రిక్స్ ఎన్నుకోవచ్చు. లావుగా వున్నవారు టిష్యూ లేని ప్లెయిన్ కంచిపట్టు బార్డర్ ఉన్నది ఎంచుకోవాలి. నలభై ఏళ్లు దాటిన వారు కాటన్, సిల్క్ గద్వాల్ చీరను ఎంచుకోవాలి.

కలర్స్: ఆకుపచ్చు, ఎరుపు, రాణిపింక్, పసుపు, ..ఇలాంటి సాంప్రదాయ రంగులు మన పండగలకు, శుభకార్యాలకు మంచి ఫీల్ ని ఇస్తాయి. లేత రంగులు ఇష్టపడేవారు ఈ కలర్స్ లోనే లైట్ వి ఎంపిక చేసుకోవచ్చు. వీటిలో కూడా లావుగా ఉన్నవారు ముదురు రంగులను, సన్నగా ఉన్నవారు లేత రంగులను ఎంచుకోవచ్చు.

ఆభరణాలు: మెరిసే వాటికన్నా యాంటిక్ జ్యూవెలరీ పండగ రోజుకు బాగుంటాయి. తెల్లగా వున్నవారు డైమండ్స్, రంగు తక్కువగా ఉన్నవారు రూబీస్, ఎమరాల్డ్ వేసుకోవచ్చ
మేకప్: పగలు మేకప్ మరీ ఎక్కువగా ఉంటే బాగోదు. అందుకని మీడియం టోన్ ఉన్న మేకప్ ను ఎంచుకోవాలి. చీరలో ఉన్న రెడ్ ఫింక్ షేడ్స్ తగ్గట్టుగా కు మేకప్ వేసుకుంటే బాగుంటుంది.

కేశ అలంకరణ: పండగలకు పొడవాటి జడలు అందంగా ఉంటాయి. జుట్టు పొట్టిగా ఉంటే సవరాలు పెట్టి పొడవుగా వేసుకోవచ్చు. అలాగే వదిలేసేవారికి ఎక్స్ టెన్షన్ హెయిర్ కూడా మార్కెట్ లో లభిస్తుంది. పువ్వులు ఇష్టపడని వారు రాళ్ల బిళ్లలు కేశాలంకరణకు వాడొచ్చు..