షార్ట్స్ తో చక్కటి శరీరాకృతి..సౌకర్యవంతం..!

Published: Wednesday, May 16, 2012, 17:51 [IST]

Wear your shorts with stylish and comfortable...!

ఫ్యాషన్ ప్రపంచంలో రోజుకొక డ్రెస్‌, పూటకొక ఫ్యాషన్‌ పరిచయమవుతోంది. వీటిలోవారి వారి అభిరుచులకు తగ్గట్టుగా, శరీరాకృతికి సరిపోయేలా యువత దుస్తులను ఎంచుకుంటోంది. అందులో కాలాన్ని బట్టికూడా దుస్తులను ధరిస్తున్నారు. అందుకోసం పెద్ద పెద్ద కంపెనీలు కూడా వివిధ రంగుల్లో, డిజైన్లలో ఉత్పత్తి చేస్తున్నారు. శీతాకాంలో ఉలన్ దుస్తులు, వేసవి కాలంలో కాటన్ దుస్తులు, పొడవు,పొట్టి ఇలా రకరాకలుగా దుస్తుల్లో మార్పులు. ప్రస్తుతకాలంలో బాగా ప్రాచుర్య పొందినవి షార్ట్స్. అటు బాటీవుడ్ నుండి ఇటు టాలీవుడ్, కోలివుడ్, సాండిల్ వుడ్ అన్ని వుడ్లో నూ చాలా మంది హీరోయిన్లు షార్ట్స్ ఆఫ్ స్క్రీన్‌లో ఈ ట్రెండ్ పెద్దగా కనిపించకపోయినా ఆన్ స్క్రీన్ మీద మాత్రం హాట్ సీన్స్ కనువిందు చేస్తున్నాయి.

షార్ట్స్‌లో చాలా రకాలున్నాయి. కాకపోతే ఇవి అందరికీ నప్పవు. అంటే షార్ట్ వేసుకోవాలంటే ఫర్‌ఫెక్ట్ బాడీ షేప్ ఉండాలన్నమాట. సన్నని నడుం, కాళ్లు స్లిమ్‌గా ఉన్న అమ్మాయిలు షార్ట్స్ వేస్తే మంచిలుక్ ఉంటుంది. ఒక్కో శరీరాకృతి బట్టి ఒక్కోరకమైన షార్ట్ కంఫర్ట్‌గా ఉంటుంది. ట్రెండ్ ఎప్పుడూ ఫ్యాషన్ గాను, కంఫర్ట్ గాను ఉంటుందని గమనించండి. అందుకే ఈ వేసవిలో ఫ్యాషన్, కంఫర్ట్ కోసమని ఎక్కువగా షార్ట్స్ ను ధరిస్తున్నారు. అలాగే ఎక్సర్‌సైజ్‌ చేసేవారి కోసం వీటిని ప్రత్యేకంగా తయారుస్తారు. వాకింగ్‌కు, రన్నింగ్‌కు ఇవి చాలా చక్కగా సరిపోతాయి.

అయితే ఈ కాలానికి సరిపోయేలా దుస్తులు ధరించడంలో కొన్ని చిట్కాలు పాటించాలి. వేసవిలో మండే ఎండలకు అనువైనవిగా షార్ట్స్ ను చెప్పవచ్చు. ఒకప్పుడు పురుషులు మాత్రమే ధరిస్తూ వచ్చిన షార్ట్స్ ప్రస్తుతం మహిళలు తమ సౌకర్యార్థం ధరిస్తున్నారు. యువత, పెళ్లైన ఆధునిక యువతులు ఇంటి పనులు, వంట తదితర పనులు చేసేటప్పుడు అనువుగా ఉండేందుకు వీటికి ప్రాధాన్యం ఇస్తున్నారు.బయటకు వెళ్లేటప్పుడు, ప్రయాణాల్లో ప్రస్తుతం కాలేజీ అమ్మాయిలు అధికంగా వీటిని వాడుతున్నారు.

షార్ట్ షార్ట్స్‌ను అందరూ వేసుకోరు క్లాసిక్ షార్ట్స్‌కే ఇప్పుడు క్రేజ్ ఎక్కువగా కనిపిస్తోంది. సింపుల్‌గా ఉంటూనే స్వీట్ పాయిజన్‌లా కనిపించడం దీని సై్టల్ అంటున్నారు ఫ్యాషన్ డిజైనర్లు. షార్ట్స్ వేసుకోవడానికి మొహమాట పడేవారికి కాప్రీలు మంచి ఆప్షన్. వదులుగా ఉండే రిల్సాడ్ షార్ట్స్ ఎక్పర్‌సైజ్ చేసేందుకు, యోగా క్లాసులకు, కారులో లాంగ్ డ్రైవ్‌ కు బాగుంటాయి. షార్ట్స్ కొనేముందు ప్యాకెట్లని గమనించాలి. ప్యాంటుకు ఉండే జేబుల మాదిరి బాగుంటాయి. షార్ట్స్ మీదికి హైహీల్స్ వేస్తే హాట్‌గా కనిపించొచ్చు. ఫ్లాట్స్ కూడా బాగుంటాయి.