బాలీవుడ్ పెళ్లికూతుళ్ల మాదిరిగా మీరూ మెరవాలంటే ?

కరీనా కపూర్

పెళ్లికూతురుగా కరీనా కపూర్ లుక్ అదిరిపోయింది. ఎరుపు రంగు లెహంగా ధరించి.. డ్రెస్సింగ్ కి తగ్గట్టు.. డార్క్ మేకప్ వేసుకోవడంతో.. మరింత ఆకర్షణీయంగా కనిపించింది. కళ్లకు డార్క్ గా కాటుక దిద్దుకుని.. పెదాలకు పింక్ కలర్ లిప్ స్టిక్ వేసుకుంది.

విద్యాబాలన్

డస్కీ బ్యూటీ విద్యాబాలన్.. తన పెళ్లిరోజు రెడ్, గోల్డ్ కలర్ కాంబినేషన్ చీరలో.. స్టన్నింగ్ లుక్ ఇచ్చింది. చీరకు తగ్గట్టు.. బంగారు నగలు, ఎరుపు రంగు బొట్టు, పింక్ కలర్ లిప్ స్టిక్ వేసుకుంది ఈ బ్యూటీ. సౌత్ ఇండియన్ సంప్రదాయంలో సింపుల్ లుక్ లో విద్యాబాలన్ మెరిసిపోయింది.

మాధురీ దీక్షిత్

డ్యాన్సింగ్ స్టార్ మాధురీ దీక్షిత్ పెళ్లికూతురుగా ముస్తాబైన తీరు అందరినీ ఆకట్టుకుంది. గోల్డ్ కలర్ గాగ్రాకు సిల్వర్ కలర్ నగలు జత చేయడం.. డార్క్ బ్రౌన్ కలర్ ను పెదాలకు వేయడంతో.. విభిన్నంగా కనిపించింది.

ట్వింకల్ కన్నా

సింపుల్ అండ్ గార్జియస్ లుక్ తో అదరగొట్టింది ట్వింకిల్ కన్నా. న్యూడ్ మేకప్ వేసుకుని.. మెరూన్ కలర్ చీరలో ముస్తాబైంది ట్వింకిల్ కన్నా.

ఐశ్వర్యారాయ్

భారతీయ సంప్రదాయత ఉట్టిపడేలా.. వధువుగా ముస్తాబైంది ఐష్. పాపిడి బిళ్లతో పాటు.. రకరకాల నగలతో అలంకరించుకున్న తీరు అందరినీ మెస్మరైజ్ చేసింది. మేకప్ కూడా చాలా సింపుల్ గానే వేసుకున్నా.. చాలా ఆకర్షణీయంగా కనిపించింది అందాల తార.

కాజోల్

కాజోల్ పెళ్లికూతురుగా చాలా విభిన్నంగా కనిపించింది. పెదాలకు బ్రౌన్ కలర్ లిప్ స్టిక్.. బుగ్గలకు.. బ్లష్ వేసింది. ఇక నుదుటి భాగాన్ని ముత్యాలతో కవర్ చేసింది.

జెనీలియా

సింపుల్ అండ్ గార్జియస్ గా కనిపించాలంటే.. జెనీలియాను ఫాలోఅవడం బెటర్. వధువుగా జెన్నీ.. సింపుల్ మేకప్ వేసుకుంది. రెడ్డిష్ లెహంగా ధరించి.. నుదిటి భాగానికి ముత్యాలతో అలరించడంతో.. చాలా ఎట్రాక్టివ్ గా కనిపించింది.

శిల్పా శెట్టి

ఎక్కువ మేకప్ వేసుకుంటే.. కొంతమందికి సెట్ అవుతుంది. కొంతమందికి లైట్ గానే బావుంటుంది. శిల్పాశెట్టిలా కనిపించాలి అనుకుంటే.. లిప్స్ కి ఎరుపు రంగు.. అలాగే బుగ్గలకు కూడా అదే కలర్ లైట్ గా వేసుకుంటే సరిపోతుంది. అయితే మీ డ్రెస్ కలర్ కి తగ్గట్టు మేకప్ కిట్ ఉంటే ఇంకా బావుంటుంది.

ప్రియాంకా ఒబెరాయ్

బ్రైట్ కలర్ లెహంగా ధరించి.. వధువుగా ప్రియాంకా ఒబెరాయ్ అందరినీ ఆకర్షించింది. పెద్దవిగా కనిపించే కళ్లకు.. రెడ్ షాడో.. బ్లాక్ లైనర్ వాడటంతో మరింత అందంగా కనిపించింది. పెదాల రంగు కూడా.. డ్రెస్ కలర్ కి మ్యాచ్ అయ్యేలా వాడింది.

మీరా రాజ్ పుట్

మీరా రాజ్ పుట్ పెళ్లికూతురుగా ముస్తాబైన తీరు యువరాణిని తలపించింది. పింక్ బ్లష్ తో బుగ్గల అందాన్ని రెట్టింపు చేసింది. పెదాలకు ఎరుపు రంగు కరెక్ట్ గా మ్యాచ్ అయింది. చూశారుగా.. హీరోయిన్స్ తమ పెళ్లిలో ఎంత అందంగా ముస్తాబైయ్యారో.. ఇంకేం ఈ చిట్కాలు ఫాలో అయి.. మీరూ మీ పెళ్లిలో మెరిసిపోండి.