ఛార్మింగ్ లా మెరిసిపోయేందుకు ఈ చిట్కాలు పాటించానంటున్న ‘మంత్ర‘

ఉదయాన్నే వర్కవుట్స్..

ఏదైనా సినిమా చేసే సమయంలో ‘‘ప్రతి రోజూ ఉదయం 5 గంటలకు నిద్ర లేస్తాను. అలా నా ప్రతిరోజూ ప్రారంభమవుతుంది. నిద్ర లేచిన తర్వాత కొంత సమయం వరకు కొన్ని వర్కవుట్స్ చేస్తాను.

డ్రై ఫ్రూట్స్..

వర్కవుట్స్ అయిపోయిన వెంటనే ఫ్రెషప్ అవుతాను. తర్వాత పండ్లు, డ్రై ఫ్రూట్స్ తీసుకుంటాను. ప్రతి రెండు గంటలకూ ఒకసారి 80 గ్రాములకు మించకుండా కోడిగుడ్డు, చికెన్, చేప తింటాను.

భోజన సమయంలో..

ఇక మధ్యాహ్నం సమయంలో ఆంధ్రా, తెలంగాణ వారిలాగా రైస్ ను తీసుకోను. ఎక్కువగా భోజన సమయంలో (లంచ్ టైమ్) రోటీ, రెండు స్పూన్ల పప్పు, కూరగాయలను మాత్రమే తింటాను.

పది గంటలలోపు నిద్ర..

రాత్రి మాత్రం ఓ యాపిల్ పండుతో అడ్జస్ట్ అవుతాను. ఆ తర్వాత పది గంటలలోపే అంటే తొమ్మిదిన్నర గంటల సమయంలో నిద్రలోకి జారుకుంటాను‘‘ అని చార్మి తన బ్యూటీకి సంబంధించిన సీక్రెట్స్ ను చెప్పేశారు.

చార్మి బాల్యం..

అయితే చార్మి చూడటానికి తెలుగమ్మాయిలాగా కనిపించినప్పటికీ, తన జన్మస్థలం ముంబై నగరం అంట. 1987, మే 17వ తేదీన సిక్కు కుటుంబంలో జన్మించింది చార్మి కౌర్ తన చిన్నప్పుడు కార్మెలైట్ కాన్వెంట్ హైస్కూల్ చదువుకొంది.

15 ఏళ్లకే నటిగా..

PC :Twitter

పాఠశాల విద్యను అభ్యసిస్తున్న సమయంలోనే, అది కూడా కేవలం 15 ఏళ్లకే సినిమా ఛాన్స్ కొట్టేసింది. తెలుగు తెరపై తొలిరోజుల్లో పాలబుగ్గలతో, కాస్త బొద్దుగా దర్శనమిచ్చింది ఈ ముద్దుగుమ్మ. ‘నీ తోడు కావాలి‘తో తెరంగేట్రం చేసిన ఆ ముంబై భామ తర్వాత తమిళం, మలయాళం, తెలుగులో ఎన్నో సినిమాలలో నటించే అద్భుతమైన అవకాశాలను ఛేజిక్కుంచుకుంది.

అందాల ఆరబోతలో మలుపు..

అయితే చార్మి అందాల ఆరబోతలో ఎప్పుడూ వెనుకడుగు మాత్రం వేసేది కాదు. అయితే ఆమె ఎన్ని సార్లు తన అందాలను తెరపై ఆవిష్కరించినప్పటికీ, 2003లో శ్రీ ఆంజనేయం సినిమాలో ఆమె అందాల ఆరబోత ద్వారా తన కెరీర్ పెద్ద మలుపు తిరిగింది. ఆ తర్వాత తెలుగులో అగ్రస్థాయి నటులందరితోనూ నటించింది.

అవార్డులను కూడా..

ఈ భామ కమర్షియల్ హీరోయిన్ గానే కాకుండా హీరోయిన్ ఓరియెంటెడ్ సినిమాలను కూడా చేసింది. ‘మంగళ‘ సినిమాలో ఈ ముంబై ముద్దుగుమ్మ నటనకు గాను ఉత్తమ నటిగానూ నంది పురస్కారాలను అందుకుంది.