వింటర్లో ఈ హీరోల ఫ్యాషన్ డ్రస్సులను ట్రై చేయండి.. కూల్ గా కనిపించండి...!

విజయ్ దేవరకొండ..

సాధారణంగా పింక్ కలర్ అంటే అమ్మాయిలకు ఇష్టమైన రంగు అని అంటూ ఉంటారు చాలా మంది. అయితే అందులో ఏ మాత్రం నిజం లేదు. పింక్ కలర్ డ్రస్సులను అబ్బాయిలు వేసుకోవచ్చు. అందుకే టాలీవుడ్ హీరో హ్యాండ్సమ్ విజయదేవరకొండ పింక్ బినీ క్యాప్ పెట్టుకుని అందరినీ ఆశ్చర్యపరిచాడు. అంతేకాదు దానికి మ్యాచింగ్ డ్రస్సు వేసుకుని సోషల్ మీడియాలో సైతం షేర్ చేసుకున్నాడు. పింక్ కలర్ దుస్తులను మగాళ్లు వేసుకోవచ్చని చెబుతున్నాడు.

నాగ చైతన్య..

‘లవ్ స్టోరీ'సినిమా సక్సెస్ ను ఎంజాయ్ చేస్తున్న నాగ చైతన్య కూడా ఫ్యాషన్ పై కొంచెం ఫోకస్ పెడుతున్నట్లు తెలుస్తోంది. ముఖ్యంగా ఈ వింటర్ సీజన్లో చైతన్య ఫిట్ చేసిన జిప్పర్ స్వెట్ షర్ట్ మరియు డార్క్ వాష్డ్ డెనిమ్ తో చాలా స్టైలీష్ గా, హుందాగా కనిపించాడు. మీరు కూడా నాగచైతన్యలా హుందాగా కనిపించాలంటే చైతూ వేసుకున్న ఈ డ్రస్ ను ఈ వింటర్లోనే ట్రై చేయండి.

అల్లు శిరీష్..

అల్లు అరవింద్ రెండో కుమారుడు అల్లు శిరీష్ ఇటీవలి కాలంలో ఫ్యాషన్ డ్రస్సులతో స్టైలీష్ గా కనిపిస్తున్నాడు. ఈసారి నేవీ కలర్ మరియు స్వెడ్ యాంకిల్ షూతో సరికొత్తగా కనిపించాడు. మెగాస్టార్ చిన్న అల్లుడు శిరీష్ సార్టోరియల్ ఎంపికలకు ప్రసిద్ధి చెందాడు. ఎల్లప్పుడూ క్లాస్ గా.. కాస్త సరదాగా ఉండే అల్లు శిరీష్ ఈసారి అద్భుతమైన షూస్.. అందుకు తగ్గ డ్రస్ తో అట్రాక్టివ్ గా కనిపించాడు.

దుల్కర్ సల్మాన్..

మరో దక్షిణాది సూపర్ స్టార్ దుల్కర్ సల్మాన్ నాన్-ఫ్రిల్స్ క్యాప్ మరియు వింటర్ బాంబర్ జాకెట్ లుక్ తో అదరగొట్టాడు. ఈ డ్రస్సుతో గడ్డ కట్టే చలిలోనూ, ఉత్తరాది ప్రాంతాల్లోనూ చాలా కూల్ గా ఉన్నట్లు కనిపించాడు.