దీపికా పదుకొనె అందానికి కారణం ఈ జ్యూస్ అంట.. అతిపెద్ద సీక్రెట్ బయట పెట్టేసిన ఆమె న్యూట్రీషియన్

బాలీవుడ్ స్టార్ హీరోయిన్ దీపికా పదుకొనె గురించి మనందరికీ బాగా తెలిసిందే. కేవలం ఇండియాలోనే కాకుండా ప్రపంచ వ్యాప్తంగా ఆమె ఎంతో గొప్ప పేరును సంపాదించుకున్నారు. 39 సంవత్సరాల వయసులోనూ ఏమాత్రం అందం తగ్గకుండా అద్భుతమైన యవ్వనంతో అందరినీ అలరిస్తున్నారు. బిడ్డకు జన్మనిచ్చిన తరువాత కూడా పదుకొనె అందం ఏమాత్రం తగ్గలేదని చెప్పడంలో ఏమాత్రం అతిశయోక్తి లేదు.

అయితే దీపికా పదుకొనె తన యవ్వనాన్ని, మెరుస్తున్న చర్మాన్ని ఎలా కాపాడుకుంటుందో మీకు తెలుసా? ఆమె తన ఆరోగ్యకరమైన చర్మం కోసం ఒక సూపర్ ఫుడ్, అలాగే ఒక DIY జ్యూస్‌పై ఆధారపడుతుందని తెలిసింది. అదే బీట్‌రూట్ జ్యూస్. బాలీవుడ్ బ్యూటీ దీపికా, ఈ జ్యూస్‌ను ఆమె రోజువారీ ఆహారంలో భాగంగా తీసుకుంటుందని ప్రముఖ న్యూట్రిషనిస్ట్ శ్వేతా షా వెల్లడించారు. ఈ జ్యూస్ చర్మాన్ని అందంగా, ఆరోగ్యంగా ఉంచడంలో కీలక పాత్ర పోషిస్తుందని ఆమె అంటున్నారు. ఈ జ్యూస్ వలన ఎలాంటి ఉపయోగాలు కలుగుతాయి? దీపికా చర్మ సౌందర్యం వెనుక ఉన్న రహస్యం ఏంటి అనేది ఈ స్టోరీలో తెలుసుకుందాం.

దీపికా యొక్క చర్మ రహస్యం:

శ్వేతా షా, 2018లో దీపికా వివాహానికి ముందు, ఆమెకు న్యూట్రిషనిస్ట్‌గా సేవలు అందించారు. అయితే ఇటీవల దీపికా అందం గురించి ఆమె మాట్లాడుతూ.. "దీపికాకు ఒకే లక్ష్యం ఉండేది. ఆమెకు మెరుస్తున్న చర్మం, ఒత్తైన జుట్టు కావాలి. అందుకే, ఆమె ఈ బీట్‌రూట్ జ్యూస్‌ను ప్రతిరోజూ తీసుకునేది" దీపికా ఈ జ్యూస్‌ను మూడు నెలలు క్రమం తప్పకుండా తాగింది. ఆ జ్యూస్ తాగడం వలన దీపికాకు అద్భుతమైన ఫలితాలు వచ్చాయి, అవి తాము కూడా నమ్మలేదని ఆమె చెప్పారు.

బీట్‌రూట్ జ్యూస్‌ను ఎలా తయారు చేస్తారు

ఈ జ్యూస్ లో, వివిధ ఆరోగ్యకరమైన పదార్థాలను కలిపి తయారు చేస్తారు. అవి బీట్ రూట్, పుదీనా ఆకులు, వేప ఆకులు, కొత్తిమీర ఆకులు, కరివేపాకు.. వీటన్నిటినీ కలిపి ఈ జ్యూస్ తయారు చేస్తారట. ఇవి చర్మం మరియు జుట్టుకు చాలా మేలు చేస్తాయని శ్వేతా షా వివరించారు.

ఈ జ్యూస్ యొక్క ప్రయోజనాలు:

బీట్ రూట్ జ్యూస్ ఆరోగ్యానికి ఎన్నో ప్రయోజనాలు అందిస్తుంది. పరిశోధనల ప్రకారం బీట్‌రూట్ జ్యూస్‌లో అనేక ముఖ్యమైన పోషకాలు ఉంటాయి. ఈ జ్యూస్‌లో విటమిన్లు A, C, E, ఇనుము, పొటాషియం వంటి ఖనిజాలు ఉండటం వల్ల ఇది చర్మానికి సహజమైన కాంతిని అందించడంలో సహాయపడుతుంది.

రక్త శుద్ధి: బీట్ రూట్ జ్యూస్, టాక్సిన్లు, విషాలు తొలగించి రక్తాన్ని శుద్ధి చేస్తుంది, తద్వారా చర్మం మెరుగ్గా కనిపిస్తుంది.

చర్మ సమస్యలు: ఇది చర్మంపై ఉన్న మచ్చలు, మొటిమలను తగ్గించడంలో సహాయపడుతుంది.

జుట్టు ఆరోగ్యం: కరివేపాకు, వేప ఆకులు, పుదీనా, బీట్ రూట్ వంటి పదార్థాలు జుట్టుకు అవసరమైన పోషకాలను అందిస్తాయి. ఇవి జుట్టు పెరిగే ప్రక్రియను ప్రోత్సహించి, జుట్టు ఒత్తుగా, బలంగా పెరగడానికి సహాయపడతాయి.

జుట్టు రాలడం తగ్గిపోవడం: ఈ జ్యూస్ జుట్టును బలపరిచే పోషకాలను కలిగి ఉంటుంది. ఇది జుట్టును లోపలి నుంచి బలంగా మారుస్తుంది. అలాగే జుట్టు కురులను క్రమంగా బాలరుచుకుంటూ వస్తుంది. దీని కారణంగా ఈ జ్యూస్ తాగడం వలన ఆరోగ్యకరమైన జుట్టును పొందుతారు. ఈ జ్యూస్ రెగ్యులర్‌గా తాగితే, జుట్టు పొడిబారడం, రాలిపోవడం వంటి సమస్యలు తగ్గిపోతాయి. ఈ జ్యూస్ జుట్టుకు అద్భుతమైన పోషణ ఇవ్వడం వల్ల, జుట్టు ఆరోగ్యంగా, బలంగా పెరుగుతుంది.