పురుషాంగానికి క్యాన్సర్ వస్తుందా...?

క్యాన్సర్ అనే మహమ్మారి శరీరంలోని అనేక భాగాలకు సోకుతుంది. ఈ క్రమంలోనే పురుషాంగానికి సోకుతుంది. అయితే ఈ విషయం చాలా మందికి తెలియదు. ఈ భాగానికి క్యాన్సర్ ఏలా సోకుతుంది అన్న సందేహం చాలా మందిలో వ్యక్తమవ్వచ్చు. ఏలా సోకుతుందన్న అంశం పై వైద్యులు ఖచ్చితమైన నిర్థారణకు రాకపోయినప్పటికి అపరిశుభ్రత ఓ కారణంగా భావిస్తున్నారు.

పురుషాంగానికి క్యాన్సర్ రెండు దశలో వ్యాప్తి చెందే అవకాశముందని వైద్యులు వెల్లడిస్తున్నారు. శిష్ణం లేదా మరో భాగం పై గోధుమ రంగులో మచ్చ ఏర్పడటాన్ని క్యాన్సర్ సూచికగా భావించవచ్చు. ఈ మచ్చ క్రమంగా తన విస్తీర్ణాన్ని పెంచుకుంటూ దళసరిగా మారి క్యాన్సర్ రూపం దాల్చుతుంది.

క్యాన్సర్ ప్రారంభ దశ అంటే తొలి దశలో మచ్చ ఏర్పడ్డ భాగంలో దురదనిపిస్తుంది. కొన్ని నెలలు తరువాత ప్రమాదకరమైన రెండో దశలోకి వ్యాధి ప్రవేశిస్తుంది. ఈ దశలో పురుషాంగ పూర్వ చర్మం గట్టి పడటం, గజ్జల్లో నొప్పి ఉదృతమవటం వంటి విపరీతమైన బాధను కలిగిస్తాయి. క్యాన్సర్ లక్షణాలు అనిపిస్తే ఏ మాత్రం నిర్లక్ష్యం వహించకూడదు. ఈ విధమైన క్యాన్సర్ నివారణకు రేడియేషన్ థెరపీ అందుబాటులో ఉంది.