పాపం..‘ఆ మహేష్ ముఖం బొక్కలు పడిపోయింది’...?

కృత్రిమ సౌందర్య సాధనాలైన పౌడర్లుతో పాటు చర్మక్రీములను ఉపయోగిస్తూ ముఖ వర్చస్సును కళా విహీనం చేసుకుంటున్నారు. రసాయనాలతో తయారవుతున్న కృత్రిమ సౌందర్య సాధనాలు ముఖ కాంతిని దెబ్బతీయంటంతో పాటు చర్మవ్యాధులకు కారణమవుతున్నాయి.

కేవలం ఐదు వారాల్లోనే మీ ముఖ కాంతి రెట్టింపవుతుందట ఓ సంస్థ గుప్పించిన వాణిజ్య ప్రకటనను నమ్మి విజయవాడకు చెందిన మహేష్ (పేరు మార్చబడింది) నిలువునా బలయ్యాడు. 'సొమ్ము పోయే.. అందము పాయే' అన్న రీతిలో డబ్బుకు డబ్బు ఖర్చుపెట్టిన మహేష్ ను 'సైడ్ ఎఫెక్ట్స్' చుట్టుముట్టాయి. నున్నగా ఉండే మహేష్ ముఖం పై నల్లటి మచ్చలతో పాటు గుంటలు వ్యాప్తి చెందాయి. సౌందర్యం కో్సం అతిగా ఆరాటపడిన తనకు తగిన శాస్తే జరిగిదంటూ ప్రకృతి వైద్యాన్ని ఆశ్రయించాడు.

'అందం' కోసం ఆరాటపడి మొదటికే మోసం తెచ్చుకోవద్దంటూ వైద్యులు హెచ్చరిస్తున్నారు. సహజసిద్ధమైన సౌందర్య విధానాలను అనుసరిస్తూ ప్రకృతి సారన్ని ఉపయోగించుకోవాలని వీరు సూచిస్తున్నారు.