చలికాలం వస్తుంది ‘బీ అలర్ట్’!!

చలికాలంలో దాదాపు చర్మంలో నూనె ఉత్పత్తి శాతం తగ్గిపోతుంది. ఈ క్రమంలోనే చర్మం పొడిబారిపోవడం, ముడతలు పడటం, పొలుసులుగా కనిపిస్తుంటుంది. ఇలాంటి సమస్యలను ఎదుర్కొనేవారు వారానికోసారి ఎక్స్ ఫొలియేట్ తప్పకుండా చేసుకోవాలి. ఈ చర్య వల్ల చర్మంలో పేర్కొన్న మృతకణాలు ఎప్పటికప్పుడు తొలగిపోతాయి. చలికాలంలో ప్రతిరోజు స్నానానికి ముందు కొబ్బరినూనెను ఒంటికి పట్టించి గోరువెచ్చటి నీళ్లతో స్నానం చేయండి. రాత్రి పడుకోబోయే ముందు గోరువెచ్చని నీటిలో దూదిని ముంచి ముఖాన్ని శుభ్రపరచుకుని, బ్రాండెడ్ కోల్డ్ క్రీమ్ లేడా మాయిశ్చైజర్ ను రాసుకోండి. చలికాలంలో క్రమం తప్పకుండా ఇలా చేస్తే మీ చర్మం పొడిబారకుండా ఉంటుంది.

సన్ స్ర్కీన్ లోషన్ కేవలం ఎండాకాలం మాత్రమే వాడేదని చాలా మంది అనుకుంటారు. కానీ, ఆ అభిప్రాయం సరైంది కాదు. సన్ స్ర్కీన్ లోషన్ అన్ని కాలల్లోనూ చర్మ పరిరక్షణకు దోహదపడుతుంది. చల్లటి వాతావరణంలో విహరించడానికి అందరూ ఉత్సాహం చూపుతారు. అతి చల్లదనం చర్మానికి హానిచేస్తుందని మరవకండి. ప్రతి ఉదయం గోరువెచ్చని నీటితో స్నానం చేయడం చర్మానికి మంచిది. స్నానపు నీటిలో రెండు చుక్కలు బాదం నూనె వేసుకుని స్నానం చేస్తే పొడిబారకుండా ఉంటుంది. ఇంకో ముఖ్యమైన విషయాన్ని మరిచిపోకండి. తక్కువ సమయంలోనే స్నానాన్ని ముగించండి. సబ్బులు కూడా ఏవిపడితే అవి వాడకూడదు. శీతాకాలానికి అనువైనవి మాత్రమే ఎంచుకోండి.

ఈ కాలంలో ఆహారం విషయంలోనూ స్వల్ప మార్పులు తప్పనిసరి. విటమిన్ సి,బి,ఈ, జింక్, మెగ్నీషియం ఉన్న ఆహారాన్ని తీసుకోవడం ఉత్తమం. చలికాలంలో చాలా రకాల పండ్లు మార్కెట్లో లభ్యమవుతాయి. కాబట్టి ఆహారంలో పండ్లను తప్పనిసరిగా తీసుకోండి. చాలమందికి పెదాల పగుళ్లివడం వంటి సమస్య బాధిస్తుంటుంది. ఈ విషయంలో నిర్లక్ష్యం చేయకుండా ఉదయం, రాత్రి లిప్ బాబ్ లేదా వేజిలిన్ ను రాసుకోండి. ఈ రెండు అందుబాటులో లేని వారు నెయ్యిని రాసుకోవచ్చు. ఈ కాలంలో చుండ్రు సమస్య కూడా వేధిస్తుంటుంది. ఈ కాలంలో మీరు ఎంచుకునే షాంపూ చుండ్రును నివారించటంతో పాటు కేశాలకు పోషణనిచ్చేదిగా ఉండాలి.