కోమలమైన..కాంతివంతమైన చర్మానికి క్యాబేజీ...

Skin Care

oi-Saraswathi

By Sindhu

Published: Wednesday, April 18, 2012, 12:13 [IST]

పొడి చర్మతత్వం ఉన్నవారు ఏ కాలమైనా సరే రకరకాల ఇబ్బందులు ఎదుర్కోవాల్సి వస్తుంది. డ్రై స్కిన్... విపరీతమైన ఒత్తిడి... విటమిన్ల లోపం... నిద్రలేమి... అధిక పొట్ట... వివిధ కారణాల వల్ల చిన్న వయసులోనే చర్మంపై ముడతలు వస్తాయి. ఇవి ముఖ వర్ఛస్సును పోగొట్టడమే కాదు... వయసుపైబడిన వారిలా కనిపించేలా చేస్తాయి. మరి ముఖంపై ముడతలను నివారించాలంటే ఏం చేయాలో చూద్దాం.ముఖ్యంగా సౌందర్య అలంకరణ చేసుకుంటున్నప్పుడు మరింత జాగ్రత్తగా ఉండాలి. లేదంటే చర్మంలో తేమ లేక మేకప్ వేసుకున్న కాసేపటికే ముఖం జీవం కోల్పోనయినట్లు, ముఖంపై ముడతలు ఏర్పడుతాయి. అలా కాకుండా ఉండాలంటే...

ఎప్పటికప్పుడు ముఖం మీద మృతకణాలు తొలగించుకోవాలి. రాత్రిపూట తప్పనిసరిగా చర్మాన్ని శుభ్రం చేసుకోవాలి. అలానే మెడ, పెదవులను నిర్లక్ష్యం చేయకూడదు, బరకగా ఉన్న బియ్యంపిండిని కొద్దిగా తీసుకుని కొద్ది నీటితో పేస్ట్ లా చేసుకుని ముఖానికి పూతలా వేయాలి. ఆరాక కడిగేసుకుంటే మృత చర్మం ఎక్కువ సేపు తాజాదనంతో మెరుస్తూ మృదుత్వాన్ని సంతరించుకుంటుంది. అలాగే మరోపని కూడా చేయవచ్చు. చిన్న ఐసుముక్కను తీసుకుని ముఖానికి రుద్దుకోవాలి. కాసేపయ్యాక మేకప్ వేసుకుంటే ముఖం ఎక్కువ సమయం తాజాగా ఉంటుంది.

అరకప్పు క్యాబేజీ తురుము తీసుకుని మెత్తగా చేసి ముఖానికి పూతలా వేయాలి. పదినిమిషాలయ్యాక కడిగేయాలి. ఇది సహజసిద్దమైన మాయిశ్చరైజర్ లా పనిచేస్తుంది. అయితే క్యాబేజీ ఫేస్ ప్యాక్ ఇప్పుడు మార్కెట్లో దొరుకుతున్నాయి. వీటన్నింటి తర్వాతే మేకప్ వేసుకోవాలి.

ముఖంపై పేరుకున్న మురికి, జిడ్డును తొలగించే ప్యాక్ ఇది. క్యాబేజీ, క్యారెట్, టమోట ముక్కలను సమపాళ్లలో తీసుకొని మెత్తని పేస్టులా చేయాలి. ముందుగా ముఖాన్ని చల్లటి నీటితో కడిగేశాక ఈ ముఖాన్ని చల్లటి నీటితో కడిగేశాక..ఈ మిశ్రమాన్ని ఫ్యాక్ లా వేయాలి. ఐదు నిమిషాలయ్యాక మునివేళ్లతో వలయాకారంలో మర్దన చేయాలి. ఆరాక చన్నీటితో ముఖం కడిగేసుకొని ముల్తానీ మట్టితో ముఖం మెడకు ప్యాక్ వేయాలి. కాసేపయ్యాక కడిగేసి నాణ్యమైన మాయిశ్చరైజర్ రాస్తే..చర్మం తాజాదనాన్ని సంతరించుకుంటుంది.

క్యాబేజీ ఆకులను పేస్ట్ చేసి రసాని వేరుచేయాలి. దీనికి రెండు చెంచాల శనగపిండి, చెంచా తేనె కలపాలి. ఈ మిశ్రమాని ముఖానికి రాసుకొని పావుగంటయ్యాక తడి దూదితో తొలగించాలి. ఇది చర్మంపై పేరుకొన్న మురుకిని తొలగించి కాంతివంతంగా మార్చుతుంది.

ముడతలు ఎక్కువగా ఉంటే కొంచెం క్యాబేజీ జ్యూస్ తీసుకుని దానికి టీ స్పూన్ తేనె జత చేసి ముఖానికి అప్లై చేయండి. రెగ్యులర్‌గా చేయడం వల్ల మంచి ఫలితం ఉంటుంది.