మొటిమల నివారణకు పుదీనా దివ్వ ఔషదం..!

Skin Care

oi-Saraswathi

By Sindhu

Published: Thursday, January 26, 2012, 12:20 [IST]

నిజం చెప్పాలంటే పుదీనాలో ఆరోగ్యాన్ని కలిగించే ఔషధాలే కాకుండా సౌందర్య పోషణకు కావాల్సిన లక్షణాలు కూడా పుష్కలంగా ఉంటాయి. సాధారణంగా మహిళలలు వంటకాల్లో రుచికోసం, వాసన కోసం పుదీనాను ఉపయోగిస్తుంటారు. కరివేపాకు, కొత్తిమీరలను ఆహారంలో తీసుకోవడం ద్వారా కేశాలు, చర్మం ఆరోగ్యంగా ఉంటాయి. ఇటువంటి పోషకాలను కలిగినదే పుదీనా. పుదీనాతో రకరకాల వంటకాలు చేస్తుంటారు. అయితే దీనిని సౌందర్య సంరక్షణలోనూ ఉపయోగించవచ్చు.

1. పుదీనా యాంటిసెప్టిక్ కెమికల్స్ ఉండడం చేత అవి నోటిలోని క్రీములను నశింపజేసి చిగుళ్లును గట్టిపరుస్తాయి.
2.ఆరోగ్యానికి అవసరమైన పోషకాలు ఆకుకూరల్లో ఉన్నాయన్న సంగతి అందరికీ తెలిసిన విషయమే. పాలకూర, బచ్చలి కూర, తోటకూర వంటి ఆకుకూరలలో విటమిన్ ఎ పుష్కలంగా ఉంది.
3. ఈ పుదీనా చుండ్రు, కేశ సంబందిత సమస్యలు, మొటిమలను నివారిస్తుంది. యుక్త వయసులో వచ్చే మొటిమలను తగ్గించడంలో పుదీనా ముఖ్య పాత్ర వహిస్తుంది. జిడ్డు చర్మం కలవారు వేసవిలో అధిక సమస్యలను ఎదుర్కొంటారు.
4.వారు కొన్ని చిట్కాల ద్వారా వీటి నుండి ఉపశమనం పొందవచ్చు. ముందుగా చర్మాన్ని శుభ్రం చేసి బ్లాక్, వైట్ హెడ్స్‌ను తొలగించాలి. తర్వాత పాలతో శుభ్రంగా కడగాలి.
5.రెండు స్పూన్ల పుదీనా రసంలో స్పూన్ ముల్తాని మట్టి, పావు స్పూన్ కస్తూరి పసుపులను కలిపి ముఖానికి రాసి ఆరాక చన్నీటితో కడగాలి. ఇలా క్రమం తప్పకుండా వారం రోజుల పాటు చేస్తే మొటిమలు త్వరగా తగ్గిపోతాయి.
6. పుదీనా అకుల రసాన్ని ముఖానికి రుద్దుకుంటే మొటిమలు, మచ్చలు ఇట్టే మాయమవుతాయి.
పుదీనా ఆకును మరిగించిన నీటితో ముఖాన్ని రోజూ కడుగుతుంటే ముఖచర్మం కాంతివంతంగా తయారవుతుంది.
7. తరచుగా పుదీనా రసాన్ని పెదవులకు రాసుకుంటే అవి మృదువుగా ఎర్రగా మరుతాయి.
8. కాళ్ళ పగుళ్ళకు పుదీనా డికాషన్ రాస్తే త్వరగా నయమవుతాయి.