ముఖంలో మృతకణాలు పోగొట్టేందుకు ముల్తానీ ఫేస్ ఫ్యాక్..

Published: Friday, January 13, 2012, 12:11 [IST]

ముల్తానీ మట్టి పుదీనా ప్యాక్‌ రక్తప్రసరణను మెరుగుపరిచి చర్మాన్ని మెరిసేలా చేస్తుంది. చర్మంపై ఉండే మృత కణాలను తొలగిస్తుంది. దీన్ని ఇంట్లోనే తయారు చేసుకోవచ్చు.
1. ఒక టీ స్పూను పెరుగు, ఒక టీస్పూను ముల్తానీ మట్టి, ఒక టీ స్పను పుదీనా పొడి తీసుకుని అన్నింటిని బాగా కలపాలి. ఈ మిశ్రమాన్ని ముఖానికి ప్యాక్‌ వేసుకుని 15 నిముషాల తర్వాత గోరువెచ్చటి నీటితో కడిగి, వెంటనే చన్నీళ్ళతో కడిగేయాలి.
2. జిడ్డు చర్మం కలిగిన వారికి ఇది చాలా మంచి ప్యాక్‌. అయితే పొడి చర్మం కలవారు ఈ ప్యాక్‌ వేసుకోకూడదు. పొడి చర్మానికి నీటికి బదులుగా, రోజ్‌వాటర్‌ను ఉపయోగించాలి.
3. ముఖానికి ప్యాక్‌ వేసుకుని 2,3 నిముషాలకంటే ఎక్కువసేపు ఉంచుకోకూడదు. తరువాత గోరువెచ్చని నీటితో శుభ్రం చేసుకోవాలి.
అలాగే, మొటిమలతో భాదపడేవారు.... మూడు వేపాకులను మెత్తగానూరి, దాంట్లో ఒక టీ స్పూన్‌ ముల్తానీ మట్టిని కలుపుకోవాలి.
4. ముఖాన్ని ప్యాక్‌ లాగా వేసుకొని 15 నిముషాల తరువాత మంచి నీటితో కడగాలి. ఇలా క్రమం తప్పకుండా చేస్తే, ముఖం ఆరోగ్యవంతంగా, అందంగా ఉంటుంది. ముల్తానీ మట్టితో కాఫీస్క్రబ్‌ కూడా తయారుచుసుకోవచ్చు.
5. కాఫీ పౌడర్‌ ఒక టీస్పూను, ముల్తానీ మట్టి రెండు టీ స్పూన్లు, నీళ్లు రెండు టీ స్పూన్లు, వెనీలా, చాకొలెట్‌ అన్నింటిని బాగా కలిపి తలకు పట్టించాలి.
ఒక కప్పులో కాఫీపొడర్‌, ముల్తానీ మట్టి వేసి నీటితో కలపాలి. బాగా కలిసిన తరువాత ఎసెన్షియల్‌ ఆయిల్‌ వేసి కలపాలి. ఈ మిశ్రమం ఎక్స్‌ ఫోలియేషన్‌ కు బాగా పనిచేస్తుంది. కానీ ఈ మిశ్రమం కాస్తంత గరుకుగా ఉంటుంది కాబట్టి ముఖానికి మెడకు అప్లయ్‌ చేయకూడదు. ఈ రెండింటినీ మినహాయించి ఒంటికి పట్టించి మర్దనా చేస్తే మృతకణాలు తొలగిపోవడమే కాకుండా చర్మం నునుపుగా అందంగా మారుతుంది. సౌందర్యం మరింత ఇనుమడిస్తుంది.