సబ్బుకన్నా సహజ మూలికలే మిన్న....

Skin Care

oi-Saraswathi

By Sindhu

Published: Monday, January 23, 2012, 12:15 [IST]

ఏ కాలంలోనైనా కాలనికి అనుగుణంగా చర్మం తత్వమూ మారుతుంటుండి. ఉదాహరణకు శీతాకాలంలో పొడిబారిన చర్మం, వేసవిలో నల్లబడ్డం ఇలా అనేక రకాలుగా ఉంటాయి. అయితే ఆ కాలానికి అనుగుణంగా జాగ్రత్తలు తీసుకుంటే చర్మాన్ని చక్కగా సంరక్షించుకోవచ్చు. అవేంటో చూద్దాం....

1. మనం తినే ఆహారపదార్ధాల్లో మనకు, మన చర్మానికి సరిపడని వాటిని గుర్తించడం అత్యవసరం. అటువంటి వాటికి దూరంగా వుండాలి.
2. అదే విధంగా చర్మం కాంతివంతంగా వుండడానికి పలు ఆహారపదార్ధాలు దోహదం చేస్తాయి. వాటిని తరచు స్వీకరించాలి. నూనె పదార్ధాలు, కొవ్వు పెంచే పదార్ధాలు, మత్తు పదార్ధాలు చర్మానికి హాని కలిగిస్తాయి. అందువల్ల వీలైనంత వరకు వాటికి దూరంగా వుండాలి.
3. ఇక ఆకు కూరలు, పళ్లు, పాలు, మొక్కజొన్న, సోయాచిక్కుళ్లు వంటివి తరచు తీసుకోవడం చర్మానికి మంచిది.
4. వేసవిలో పొడుగు చేతుల చొక్కాలు వేసుకోవడం అవసరం. కానీ వీలయినంత వరకు మృదువైన నూలు వస్త్రాలు ధరించాలి.
5. ఒక టీస్పూన్ టమోటో జ్యూస్ లో ఒక టీస్పూన్ తేనె, చిన్న పాకెట్ ఈస్ట్ మూడింటిని మిక్స్ చేసి ఫేస్ కి మాస్క్ లా వేసుకొని పదిహేను నిమిషాల పాటు అలాగే ఉంచేస్తే సహజసిద్దమైనటువంటి సౌందర్యం మీ సొంతం అవుతుంది.
6. సౌందర్యసాధనాలు తాత్కాలికంగానే చర్మ సౌందర్యం ఇనుమడించినట్లు కనిపింప చేస్తాయి. అంతకన్నా మన ఇంట్లో వుంటే సున్నిపిండి, సెనగపిండి, పాలు, కమలా, బొత్తాయి తొక్కల పౌడరు లాంటివి చర్మాన్ని కాంతివంతంగా చేస్తాయి. సబ్బు కన్నా వివిధ సహజ మూలికలతో తయారుచేసిన సున్నిపిండి వాడడం మంచిది.