నిత్యయవ్వనంగా కనిపించేందుకు......

Skin Care

oi-Saraswathi

By Sindhu

Published: Thursday, April 5, 2012, 11:31 [IST]

వేసవి కాలంలో సన్ స్ర్కీన్ లోషన్లు..క్రీములు ఎక్కువగా వాడుతుంటారు. అయితే వాటిలో ఏ నియమాలు పాటించాలో తెలియక కంగారు పడిపోతుంటారు. సంవత్సరంలో ఆయా సీజన్ లో మీ చర్మంపై చూపే శ్రద్దే ఎండాకాలంలో కూడా చూపాలి. కొన్ని చిన్న చిన్న మార్పులు చేసుకొన్నట్లైతే. తీసుకునే ఆహారంతో పాటు అధికంగా నీరు ఉండే పళ్లు, రసాలు తీసుకోవాలి. చర్మాన్ని కాపాడు కోవడం కోసం అన్నివేళలా రక్షించుకునేందుకు తగిన క్రీములు, ఫేస్‌ ప్యాక్‌ లు వేసుకోవడం వంటివి చేయాలి. తరచూ ముఖాన్ని చల్లని నీటితో కడిగి శుభ్రం చేసుకోవాలి. అలాగే ముఖంపై ఉండే మృతకణాలను తొలగించుకునేందుకు ప్రయత్నించాలి.

ప్రతి రోజు పది నుండి రోజుకు పదిహేను గ్లాసుల నీళ్లను తాగడానికి ప్రయత్నం చేయాలి. ఉదయాన్నే లేచి మీ ముఖాన్ని కొబ్బరి నీళ్లతో కడుకొంటే ముఖం ఫ్రెష్ గా కాంతివంతంగా తయారవుతుంది. ఎండలోకి వెళ్లి పనిచేయాల్సి ఉన్నందున సన్ బర్న్ అయ్యే అవకాశాలు ఉన్నాయి. దీనికి రాత్రి నిద్రించే సమయంలో జింక్ కలిగి ఉన్న క్రీమ్‌ ను రాసుకోవాలి.

చర్మం సంరక్షణలో అలోవెరా గుణాలు కలిగిన సన్‌ స్క్రీన్‌ ను రాసుకోండి. చర్మానికి కావలసిన తేమ అందుతుంది. తాజా పండ్లు, పండ్లరసాలు, చల్లని మజ్జిగలను త్రాగాలి. పండ్ల రసాలను తాగడమే కాకుండా వీలైతే పండ్ల గుజ్జుతో ఫేస్ ప్యాక్ వేసుకోవాలి. తద్వారా పండ్ల గుణాలు మీ చర్మానికి చేరతాయి. అలాగే మేకప్ వేసుకునే సమయంలో ఎక్కువగా ఫౌండేషన్లు వేసుకోకూడదు. లైట్‌ గా పింక్ పౌడర్ మాత్రమే వాడండి.

ముఖంతో పాటు, చేతులు, కాళ్లు, కేశాలు మిగతా శరీర భాగాలను ఎండ నుంచి కాపాడుకోవాలి. ఇందుకోసం విటమిన్లు కలిగిన ఆహారాన్ని తీసుకోవాలి. శరీరాన్ని పటిష్టంగా ఉంచుకునేందుకు ప్రతిరోజూ వ్యాయామం చేస్తూ బ్యాలెన్డ్స్ ఆరోగ్యాన్ని సొంతం చేసుకోండి. మనసును అదుపులో ఉంచుకునేందుకు యోగా, ధ్యానం చేయండి. ఇది చేయడం ద్వారా ప్రశాంతత మాత్రమే కాదు చర్మానికి కొత్త కాంతి కూడా వస్తుంది.

అన్నిటికంటే ముఖ్యమైనది సంతోషం మీ మనసులో సంతోషం పొంగి పొరలుతుంటే మిమ్మల్నిఏ నిరుత్సాహం దరిచేరదు. అలాగే ఎప్పుడూ ఉత్సాహంగా, ఉల్లాసంగా ఉండేందుకు ప్రయత్నించండి. బాధలు ఉన్నప్పటికీ, ముఖంపై చిరునవ్వును చెరగనివ్వద్దు. పై వాటిని క్రమం తప్పకుండా పాటిస్తుంటే ఏ కాలమైనా సరే మీరు నవ యవ్వనంగా కనిపిస్తుంటారు.