ముఖం మీద సన్నని వెంట్రుకలను తొలగించే ఎగ్ వైట్...!

Skin Care

oi-Saraswathi

By Sindhu

Published: Thursday, August 23, 2012, 9:44 [IST]

చర్మ సంరక్షణ కోసం ఇంట్లో తీసుకొనే జాగ్రత్తలతో చాలా ప్రయోజనాలున్నాయి. సాధారణంగా తీసుకొనే ఆహారపానియాలు ఆరోగ్యంగా ఉండేందుకు, చర్మ సంరక్షణకు సహకరిస్తుంది. ముఖంలో మొటిమలు రాకుండా కాపాడుతుంది. అయితే చర్మ సంరక్షణకు ఒక్క ఆహారపానీయాలతోటే సరిపోదు. ఆహార పానియాలతో పాటు మరికొన్ని ఇంటి చిట్కాలను కూడా పాటించినట్లైతే చర్మాన్ని మరింత మెరుగుపరచుకొని ఎప్పుడూ ఫ్రెష్ గా కనబడవచ్చు. అలాగే ముఖచర్మం కాంతి వంతంగా కనబడే సమయంలో ఏదో ఒక చిన్న లోపం తెలస్తూనే ఉంటుంది. మొటిమలు లేకపోయినా దానికి సంబందించిన నల్ల మచ్చలు, ముఖ చర్మం నల్లగా ఉండటం, లేదా ముఖం తెల్లగా ఉన్నా ముఖం మీద సన్నని వెంట్రుకలు కనిపిస్తూ అంద విహీనంగా కనబడుతుంటా. మరి ఈ చిన్న చిన్న లోపాలను ఎలా సరిదిద్దుకోవాలో ముఖాన్ని ఎలా సున్నితంగా ఉండేట్లు చేయాలో చూద్దాం..

ముఖం సున్నితంగా, కాంతివంతంగా, చర్మాన్ని బిగుతుగా ఉంచేందుకు గుడ్డు బాగా పనిచేస్తుంది. ఒక్కసారి గుడ్డును చర్మ సంరక్షణలో ఉపయోగించి, ఫలితమేంటో చూడండి. మరి గుడ్డును ఏవిధంగా ఉపయోగించాలో చూద్దాం...గుడ్డు తెల్లని సొనలో న్యూట్రియట్స్ అధికంగా కలిగి ఉండటం వల్ల చర్మం మెరుస్తుండేలా చేస్తుంది. గుడ్డుతో ఫేస్ ప్యాక్ ఎలా ?

ఒక మిక్సింగ్ బౌల్ తీసుకొని అందులో అందులో గుడ్డులోని తెల్లసొన ఒక చెంచా, ఆలివ్ ఆయిల్ ఒక చెంచా, నిమ్మరసం ఒక చెంచా వేసి బాగా మిక్స్ చేసి ముఖానికి, గడ్డ క్రింద, మొత్తం మెడ మీద అప్లై చేయాలి. అరగంట పాటు అలాగే వదిలేస్తే చర్మం బిగుసుకుంటుంది. తర్వాత గోరువెచ్చని నీటితో శుభ్రం చేసుకోవాలి. అంతే చర్మం తాజాగా ఉండటమే కాక, బిగుతుగా ఫ్రెష్ గా కనబడుతుంది. ఈ ఫేస్ ప్యాక్ సాధార చర్మతత్వం కలవారి నుండి పొడి చర్మం వారికి కూడా అద్భుతంగా పనిచేస్తుంది.

గుడ్డు సొనతో మరోఅద్భుతమైన మార్పును తీసుకొచ్చే స్వభావం కలిగి ఉంది. అందమైన ముఖంలో చెవుల దగ్గర, చెంపల మీద, చిన్న గడ్డం మీద కంటికి కనిపించి, కనిపించని వెంట్రుకలు ఉంటాయి. అటువంటి వాటిని పూర్తిగా తొలగిస్తుంది. అందుకోసం..ఒక మిక్సింగ్ బౌల్లో గుడ్డులోని తెల్లని సొన తీసుకొని, ఒక చెంచా పంచదార, అర చెంచా మొక్కజొన్న పిండి కలిపి బాగా మిక్స్ చేయాలి. ఈ మిశ్రమాన్ని ముఖంలో ఎక్కడెక్కడ సన్న వెంట్రుకలు ఉన్నాయో ఆ ప్రదేశంలో అప్లై చేసి అరగంట తర్వాత స్ర్కబ్ చేసి తొలగించి ముఖాన్ని శుభ్ర పరచుకుంటే అద్భుతమైన మార్పు కనిపిస్తుంది. దాంతో పాటు ముఖం సున్నితంగా, మదువుగా కనిపిస్తుంది. ముఖం ప్రకాశవంతంగా కనబడేందుకు ఇది ఒక ఎవర్ గ్రీన్ బ్యూటి టిప్ దీన్ని పిల్లలు, పెద్దలు, టీనేజ్ గర్ల్స్ అందురూ ఉపయోగించవచ్చు.