టమోటో టిప్స్ తో కోమలమైన చర్మం మీసొంతం

Published: Wednesday, January 25, 2012, 15:46 [IST]

టీనేజ్‌లోకి వచ్చిన మహిళల ప్రధాన సమస్య మొటిమలు, జిడ్డు చర్మం. అయితే ఇప్పుడున్న వాతావరణ కాలుష్యం ఎవరినీ వదిలిపెట్టడం లేదన్నది సంగతి అందరికీ తెలిసిందే. అందుకు ఎ మరియు సి విటమిన్లు ఎక్కువగా కలిగివున్న పండ్లను ప్రతిరోజు తీసుకొనినట్లైతే చర్మం ఎంతో అందంగా, ఆకర్షణీయంగా మారుతుంది. సి విటమిన్ టమోటోలో పుష్కలంగా లభిస్తుంది..కాబట్టి టమోటోతో కొన్ని టిప్స్ మీ కోసం...

1. రెండు టేబుల్ స్పూన్ల టమోట రసం, రెండు టేబుల్ స్పూన్ల నిమ్మరంతో మిక్స్ చేసి ముఖం, మెడ మొత్తం రాసి మసాజ్ చేయాలి. అలా మసాజ్ చేసిన తర్వాత 15-20నిమిషాల పాటు అలాగే వదిలేసి కొద్దిసేపటి తర్వాత చల్లటి నీటితో ముఖాన్ని కడిగేసుకోవాలి. ఇలా తరచూ చేయడం వల్ల స్కిన్ ఇన్ఫెక్షన్ రాదు.
2. రెండు టేబుల్ స్పూన్ల ఫ్రెష్ టమోటో రసంలో ఒక టేబుల్ స్పూన్ తేనె కలిపి ఈ మిశ్రమాన్ని సూర్యకిరణాలు పడే (ముఖం, మెడ..మొ)ప్రదేశంలో అప్లై చేసి, కొద్ది నిమిషాల తర్వాత చల్లని నీటితో కడిగేసుకోవాలి. ఇలా వారంలో రెండు సార్లు చేసినట్లైతే చర్మం స్మూత్ గా ఉంటుంది.
3. ఆయిల్ స్కిన్ కలవారు టమోటో..కీరకాయ రసంను సమబాగంలో తీసుకొని, ముఖానికి అప్లై చేసి 20నిమిషాల తర్వాత గోరు వెచ్చటి నీటితో కడిగేస్తే ఆయిల్ స్కిన్ నుండి బయటపడవచ్చు..
4. ఎక్కువ సి విటమిన్స్ కలిగిన టమోటలను ఉపయోగించడం వల్ల బ్లాక్ హెడ్స్, వైట్ హెడ్స్, చర్మంవ్యాదులు భారీ నుండి బయటపడవచ్చు. టమోటోలను చిన్న ముక్కలుగా కట్ చేసుకొని వాటితో ముఖంపై స్క్రబ్ చేసినట్లైతే ముఖం కాంతి వంతంగా మెరుస్తుంది.
5. టమోటో జ్యూస్ లో కొద్దిగా పెరుగు కలిపి ముఖానికి అప్లై చేయాలి. ఇలా చేయడం వల్ల కమిలిన ముఖం ప్రకాశవంతంగా మారుతుంది.