మీది జిడ్డు చర్మమా..పొడి చర్మమా ఎలా తెలుసుకొనేది...?

Published: Monday, May 14, 2012, 9:17 [IST]

మానవుని ఇంద్రియాల్లో ముఖ్యమైనది చర్మం. మనిషి స్పర్శను, నొప్పిని తెలిపేది చర్మమే. దీనికంటే చర్మానికున్న ముఖ్యమైనది శరీర ఉష్ణోగ్రతను క్రమబద్దం చేయడం. తలపై నుంచి పాదాల వరకు దేహారోగ్యాన్ని సంరక్షించడంలో ఎంతో ముఖ్యమైన పాత్ర వహించేది చర్మమమే. సాధారణంగా చర్మాన్ని జిడ్డు చర్మం, పొడొ చర్మం, సాధారణ చర్మం అనే మూడు రకాలుగా వర్గీకరించవచ్చు. తమది ఎటువంటి చర్మమమో ఎవరికి వారే తెలుసుకునే సాధారణమైన పరీక్ష ఒకటి ఉంది. ఉదయాన్నే లేచిన వెంటనే ఒక టిష్యూ పేపర్ తీసుకుని దానిని ముఖంపై అద్దుకోవాలి. ఆ పేపర్ అంతా నూనెవలె మరకలు ప డితే దానిని జిడ్డు చర్మం అని చెప్పుకోవచ్చు. టిష్యూ పేపర్ మధ్యగా టి’ఆకారంలో మరకల వంటి పడితే అది సాధారణ లేదా శ్రమ చర్మం. అసలు ఎటివంటి మరకలు పడకపోతే అప్పుడది పొడి చర్మం అని భావించాలి....

సాధారణ చర్మతత్వం చాలా తక్కువ మందికి ఉంటుంది. ఇటువంటి చ ర్మం ఉన్న వారిని అదష్టవంతులని చెప్పాలి. ఎందుకంటే చాలా మందికి జిడ్డుచర్మతత్వమే కలిగి ఉంటుంది. ఈ జిడ్డు చర్మం వల్ల సమస్యలు ఎక్కువే . మెటిమలు ఎక్కువగా రావడం, ఎప్పుడూ జిడ్డుగా ఉండడం వల్ల ఎక్కువ సార్లు ముఖం కడుక్కోవాలసి ఉంటుంది. జిడ్డు చర్మ ఉన్నవారు ఎదుక్కొనే సాధారణమైన ఇబ్బందులు. జిడ్డు చర్మం ఉన్నవారు, ఇతర సమస్యలు ఉన్నవారు అందంగా కనబడానికి చిన్న పాటి జాగ్రత్తలు అనుసరిస్తే ప్రయోజనం ఉంటుంది.

1. జిడ్డు చర్మఃతత్వం ఉన్నవారు ఆపిల్ గుజ్జు మొహానికి పట్టించి అరగంట తర్వాత కడుక్కుంటే మొహానికి మంచి నిగారింపువస్తుంది.
2. ప్రతి రోజూ కొబ్బరి నీరు తాగుతూ, కొబ్బరి నీటితో ముఖాన్ని నిత్యం శుభ్రం చేసుకుంటున్నా మొటిమలు తగ్గుముఖం పడుతాయి...
3. టమాటా రసం చర్మానికి రాసుకుంటే స్వేద గ్రంధుల్లో పేరుకొన్న మురికి తొలగిపోయి చర్మం నిగనిగలాడుతుంది..
4. గుడ్డులో తెల్లసొన లేదా మజ్జిగ మొహానికి రుద్దుకుంటే చర్మం తాజాగా ఉంటుంది.
5. కేరట్ రసం తరచు తాగడం వల్ల, లేదా క్యారెట్లు రోజూ పచ్చివే తినడం వల్ల మొహం కళకళలాడుతుంటుంది.
6. కొత్తిమీర రసాన్ని , నిమ్మరసంతో కలిపి ముఖానికి రాసుకుంటే మొటిమలు మాడిపోతాయి.
7. రాత్రిపూట మంచిగంథాన్ని మొహానికి దట్టంగా పట్టించి తెల్లవారి లేవగానే కడిగేసుకోవాలి. ఇలా వారం రోజులు చేస్తే మొటిమలు చాలా వరకు తగ్గిపోతాయి.

పొడిచర్మతత్వం ఉన్నవారు: వీరు ప్రత్యేకంగా ఎలాంటి జాగ్రత్తలు పాటించనవసరం లేదు. రోజుకు రెండు సార్లు ముఖాన్ని శుభ్రంగా కడుక్కుంటే సరిపోతుంది. ఆస్ట్రింజెంట్ లేదా చర్మానికి ఏదైనా క్రీమ్ రాయవచ్చు. ఉదయం వేళలలో మాయిశ్చరైజర్ రాయడం మంచిది. ఇది రోజంతా చర్మంలోని తేమను నిలిపి ఉంచుతుంది. పొడి చర్మం ఉన్న వారు ఆకర్షణీయంగా కనబడరు. చర్మం మెరుస్తూ, కాంతివంతగా ఉండకపోవడంతో ఇటువంటి మొహం ఉన్నవారు పేలవంగా కనిపిస్తారు. పొడి చర్మం ఉన్నవారు క్లోనింగ్ క్రీమ్ వాడడం మేలు.