చిన్నవయస్సులోనే ముఖంపై ముడతలు...

Skin Care

oi-Saraswathi

By Sindhu

Published: Saturday, April 21, 2012, 12:24 [IST]

చిన్నవయస్సులోనే చర్మంపై ముడతలు చాలా మందిని వేధించే సమస్య. అవి ఎదురయ్యాక రకరకాల చికిత్సలు ప్రయత్నించేకన్నా, మొదట్నుంచీ జాగ్రత్తలు తీసుకోవడమే మేలు. అందుకు ఉపయోగపడే సూచనలు: చర్మంపై అతినీలలోహిత కిరణాల ప్రభావం..అంతా ఇంతా కాదు. ఇవి చర్మంలోని సహజ మెరుపును కోల్పోయేలా చేస్తాయి. అందుకే ముందు నుంచీ జగ్రత్తగా ఉండాలి. నాణ్యమైన సన్ స్ర్కీన్ లోషన్ ను ఎంచుకొని వాడాలి. దుమ్ము, ధూళి, కొన్ని రకాల రసాయనాలు..చర్మంపై చూపే ప్రభావం అంతా ఇంతా కాదు. క్రమంగా ముడతలు ఎదురవుతాయి. అందుకే..ఇంటికి చేరుకోగానే తప్పనిసరిగా ముఖం శుభ్రం చేసుకోవడం ఓ అలవాటుగా మార్చుకోవాలి. మురికి పూర్తిగా తొలగిపోయేలా చూసుకోవాలి.

ఎన్నో రకాల అనారోగ్యాలకు ఒత్తిడి ప్రధాన కారనమని ఇప్పటికే అధ్యయనాలు తేల్చాయి. ఒత్తిడి మానసిక ఆరోగ్యాన్నే కాదు..శారీరక అందాన్నీ దెబ్బతీస్తుంది. అదే పనిగా ఒత్తిడికి గురయ్యే వారి చర్మం త్వరగా పొడిబారి ముడతలు బాధిస్తాయని అధ్యయనాలు చెబుతున్నాయి. అందుకే..సాధ్యమైనంతవరకు ఒత్తిడికి దూరంగా ఉండండి. మీకంటూ మీరు సులభమైన పద్దతులను కల్పించుకోవాలి. ధ్యానం, యోగా..వంటివన్నీ ఒత్తిడిని తగ్గిస్తాయి.

శరీర బరువును అదుపులో ఉంచుకోవడం మంచిదే. అయితే అది అతి కాకూడదు. అలాంటి వారిలో ఈ ముడతలు ఎక్కువగా కనిపిస్తాయి. చర్మానికి ఆధారంగా నిలిచే కొవ్వుకణాలు బరువు తగ్గడం వల్ల తగ్గిపోతాయి. దాంతో చర్మం సాగినట్టు కనిపిస్తుంది. ముడతలూ మొదలవుతాయి. దీన్ని అదుపులో ఉంచాలంటే..చర్మ సౌందర్యాన్ని ద్విగుణీకృతం చేసే రకరకాల ముఖ వ్యాయామాలను ప్రయత్నించాలి. వీటిని ఇంట్లోనే ఆచరించుకోవచ్చు కాబట్టి..చేయడం సులభం.

ముఖ్యంగా శరీరంలో విటమిన్ ‘ఇ’ లోపం కూడా ముడతల్ని పెంచుతాయి. ఇది టాబ్లెట్ రూపంలో అందుబాటులో ఉంటుంది కాబట్టి ఎలా తీసుకోవాలో అడిగి తెలుసుకుని వాడాలి. అలాగే రాత్రిళ్లు..ముఖానికి విటమిన్ ఇ నూనె రాసుకుంటే చర్మం మృదువుగా మారి మెరుస్తుంది. మందులేని విటమిన్ ఇ క్యాప్ప్సూల్ ను చిన్న కప్పులోకి తీసుకోవాలి. ఇందులో రెండు టీస్పూన్ల పెరుగు, తేనె, నిమ్మరసం, అరచెంచా చొప్పున తీసుకుని బాగా కలిపి..దూదితో ముఖమంతా రుద్దుకోవాలి. పదినిమిషాలయ్యాక కడిగేసుకుంటే చాలు. ఎంతో మార్పు కనిపిస్తుంది. చర్మం తేటగానూ మారుతుంది.