కుంకుమ పువ్వుతో కుందనపు బొమ్మలా మెరిసిపోండిలా...

కుంకుమ పువ్వు:

ఇది చాలా సులభమైన ఫేస్ ప్యాక్. దీన్ని కొద్దినిముషాల్లోనే తయారు చేసేయవచ్చు. ఇక కుంకుమ పువ్వు, పాలు కలిస్తే ముఖంలో లేతగులాబీ మెరుపులు మెరవాల్సిందే. ఎందుకంటే చర్మానికి పాలు ఎంత అద్భుతమైన మార్పును తీసుకొస్తాయో.. కుంకుమ పువ్వు అంత కంటే రెంటింపు మార్పును తీసుకొస్తుంది కనుక. ఇది మెటిమలు మచ్చలు పోగొడుతుంది. పాలను బాగా కాచి అందులో కుంకుమపువ్వు వేసి చల్లారనివ్వాలి. చల్లారిన తర్వాత ఈ మిశ్రమాన్ని ముఖానిక పట్టించి అరగంట తర్వాత శుభ్రం చేసుకొంటే మెరిసే చర్మం మీ సొంత అవుతుంది దీన్ని ప్రతి రోజూ లేదా వారినికి రెండు మూడు సార్లు అప్లై చేసుకోవచ్చు.

కుంకుమ పువ్వు -తులసి ఆకులు:

కుంకుమ పువ్వులో ఉండే యాంటీబ్యాక్టీరియల్ మరియు యాంటీ ఆక్సిడెంట్ గుణాలు వల్ల మొటిమల్ని కూడా దరిచేరనీయవు. ముఖంపై ఎక్కువగా మొటిమలు ఉన్నవారు చిటికెడు కుంకుమపూలు తీసుకొని అందులో 3-4 తులసి ఆకులు జత చేసి బాగా మెత్తగా చేసుకోవాలి. ఈ మిశ్రమాన్ని ఎక్కడైతే మొటిమలున్నాయో అక్కడ అప్లై చేసి ఆరే వరకూ వేచి ఉండి, తర్వాత నీళ్లతో శుభ్రం చేసుకోవాలి. ఇలా చేయడం వల్ల మొటిమలు తగ్గుతాయి. ఈ విధంగా ప్రతి రోజూ చేస్తుంటే కొద్ది రోజుల్లోనే మొటిమలు మాయం అయిపోతాయి.

కుంకుమపువ్వు మరియు సాండిల్ వుడ్ పౌడర్:

బ్యూటీ ఉత్పత్తుల్లో మరో అద్బుతమైన వస్తువు. మంచి గంధం. చాలా రకాల ఫేస్ ప్యాక్ లు సాండిల్ వుడ్ తోనే తయారు చేస్తారు. ఇది సున్నితమైన, ఆయిల్ చర్మం కలవారి చాలా మంచిది. ఇది సన్ టాన్, మొటిమలు మచ్చలనుండి రక్షణ కల్పిస్తుంది. కాబట్టి క్లియర్ మరియు గ్లోయింగ్ స్కిన్ కోరుకొనే వారు సాండిల్ వుడ్ పౌడర్ లో కుంకుమపువ్వు మిక్స్ చేసి కొద్దిగా పాలు చేసి మిక్స్ చేసి ముఖం, మెడకు పట్టించి శుభ్రం చేసుకోవాలి.

మీగడ-కుంకుమ పువ్వు:

చర్మం ప్రకాశవంతంగా ఉన్నప్పటికీ సన్ ట్యాన్ ఉంటే ఇబ్బందిగా అనిపిస్తుంది. ఈ సమస్యకు పరిష్కారం ఉంది. చెంచా మీగడలో కొద్దిగా కుంకుమపువ్వు కలిపి రాత్రంతా నానబెట్టాలి. ఉదయాన్నే రెండింటినీ బాగా కలుపుకొని ఆ మిశ్రమాన్ని ట్యాన్ ఉన్న చోట అప్లై చేసుకోవాలి. ఇలా చేస్తే సన్ ట్యాన్ క్రమంగా తగ్గుముఖం పట్టి సాధారణ చర్మంలా ప్రకాశవంతంగా మారిపోతుంది

బొప్పాయి మరియు కుంకుమపువ్వు:

బొప్పాయిలో యాంటీఆక్సిడెంట్స్ మరియు విటమిన్స్ అధికంగా ఉండటం వల్ల చర్మాన్ని కాంతివంతంగా మార్చుతుంది. అలాకోరుకొనే వారు ఈ హోం మేడ్ కుంకుమపువ్వు ఫేస్ ప్యాక్ ను ప్రయత్నించండి. ఒక మిక్సింగ్ బౌల్లో బొప్పాయి ముక్కలు, పాలు, తేనె మరియు కుంకుమపువ్వును వేసి బాగా మిక్స్ చేసి ముఖానికి పట్టించి పదిహేను నిముషాల తర్వాత శుభ్రం చేసుకోవాలి.

రోజ్ వాటర్-కుంకుమ పువ్వు:

చర్మాన్ని శుభ్రం చేసుకున్న తర్వాత టోనర్ రాసుకోవడం మామూలే. అయితే కుంకుమపువ్వులను కూడా సహజసిద్దమైన టోనర్ లా ఉపయోగించుకోవచ్చు. రోజ్ వాటర్ లో కుంకుమపువ్వులను కలిపి కాసేపు పక్కన పెట్టాలి. తర్వాత రోజ్ వాటర్ రంగు మారాక ఒక కాటన్ బాల్ తీసుకుని అందులో మంచి ముఖమంతా అప్లై చేసుకోవాలి. అలాగే కొంత మంది మహిళలు స్నానం చేసే నీళ్లలో కొద్దిగా కుంకుమపువ్వు కలుపుకొంటూ ఉంటారు. ఇలా చేయడం వల్ల చర్మం ఎక్కువ కాలం పాటు యవ్వనంగా ఉంటుంది.

పసుపు,-కుంకుమపువ్వు-పాలమీగడ:

డెడ్ స్కిన్ సెల్స్ తొలగించడానికి పాలమీగడలో రెండు రేకలు, చిటికెడు పసుపు వేసి ముఖానికి పట్టించి చల్లటినీళ్లతో కడిగేసుకొంటే మృత చర్మం తొలగిపోతుంది. ఒక్కొక్కరిదీ ఒక్కో రకమైన చర్మతత్వం. ఏ రకమైన చర్మతత్వానికైనా కానీ తగిన పోషణ అందించి కాంతిమంతంగా చేయడానికి కుంకుమ పువ్వు తోడ్పడుతుంది.

కుంకుమపువ్వు మరియు తేనె:

ఒక స్పూన్ నిండుగా తేనె తీసుకొని అందులో కొన్ని కుంకుమపువ్వు రేకులన వేయాలి. ఈ రెండింటిని బాగా మిక్స్ చేసి శుభ్రంగా ఉన్న ముఖానికి అప్లై చేయాలి. తేనె మాయిశ్చరైజర్ గా పనిచేస్తుంది. మరియు చర్మానికి తగినంత తేమను అందిస్తుంది. కుంకుమపువ్వులో ఉండే రిఫ్రెషింగ్ లక్షణాలు చర్మం మెరవడానికి సహాయపడుతుంది . ఈ మాస్క్ ను నెలకొకసారి ఉపయోగించడం వల్ల మంచి ఫలితం ఉంటుంది

ఆలివ్ ఆయిల్ మరియు కుంకుమపువ్వు:

ఆలివ్ ఆయిల్లో కొద్దిగా కుక్కుమ పువ్వు వేసి బాగా మిక్స్ చేయాలి. మిశ్రమాన్ని ముఖానికి అప్లై చేసి కొన్ని నిముషాలు మసాజ్ చేయాలి. తర్వాత నీటితో శుభ్రం చేసుకోవాలి. ఫలితంగా ముఖం సాఫ్ట్ గా మరియు స్మూత్ గా తయారవుతుంది.

చూసారుగా ఇలా చెప్పకుంటూ పోతే కుంకుమపువ్వుల వల్ల సౌందర్యపరంగా కూడా ఎన్ని లాభాలుంటాయో..! అయితే ఇన్ని ప్రయోజనాలున్న ఈ కుంకుమపువ్వులను కొనేటప్పుడు జాగ్రత్తగా చూసుకొని కొనాల్సి ఉంటుంది. లేదంటే కల్తీ జరిగి కొత్త సమస్య తలెత్తవచ్చు.