చర్మం మృదుత్వానికి అలోవెర జెల్ ..!

డీటాక్సిఫికేషన్‌:

శరీరంలోని టాక్సిన్లను బయటకు పంపించడానికి కలబంద ఉపయోగపడుతుంది. రక్తం సరఫరాను మెరుగుపరిచే గుణం దీనిలో ఉంది. రక్తనాళాలు సాఫీగా ఉండేలా, రక్తకణాలు వృద్ధి చెందేలా చేయడంలోనూ కలబంద ఉపకరిస్తుంది.

చర్మం ఎరుపెక్కడం, రేడియేషన్‌ తగ్గిస్తుంది

చర్మం ఎరుపెక్కడం, రేడియేషన్‌ మూలంగా దెబ్బతిన్న చర్మానికి అలొవెరా జెల్‌ బాగా పనిచేస్తుంది. స్కిన్‌ రాషెస్‌, హెర్పిస్‌ సింప్లెక్స్‌, మొటిమలు, రింగ్‌ వార్మ్‌ తదితర చర్మవ్యాధులకు కలబంద మంచి ఔషధం. చర్మంపై వచ్చే నల్లమచ్చలను ఇది పోగొడుతుంది. సోరియాసిస్‌ గజ్జిలాంటి చర్మవ్యాధులను తగ్గిస్తుంది. చర్మానికి నిగారింపు తీసుకొస్తుంది.

ముడతలను నివారించడమే కాకుండా మాయిశ్చరైజర్‌గా పనిచేస్తుంది.

ముడతలను నివారించడమే కాకుండా మాయిశ్చరైజర్‌గా పనిచేస్తుంది. ప్రెగ్నెన్సీ అనంతరం వచ్చే స్ట్రెచ్‌ మార్క్స్‌ను పోగొట్టడానికి ఉపకరిస్తుంది. చర్మం యవ్వనంగా ఉంచేందుకు తోడ్పడే కొల్లాజెన్‌, ఎలాస్టిన్‌ ఉత్పత్తి కావడానికి అవసరమైన ప్రేరణను అందిస్తుంది. చర్మాన్ని మృదువుగా ఉంచుతుంది.

మొటిమలు తగ్గుముఖం పడతాయి

చర్మంపై ఉండే సిబేషియస్‌ గ్రంథులు నూనెతో కూడుకుని ఉంటాయి. వీటి సూక్ష్మరంధ్రాలు మూసుకుపోవడం వల్ల ఉబ్బి మొటిమలుగా మారుతాయి. రోజూ అలొవెరాను తీసుకోవడం వల్ల రక్తం శుభ్రపడటమే కాక రక్త సరఫరా మెరుగుపడుతుంది. తద్వారా మొటిమలు తగ్గుముఖం పడతాయి.

శరీరాన్ని శుభ్రంగా, కాంతివంతంగా మారుస్తుంది

వ్యాధుల వలన పొడిబారిన చర్మంపై సహజ సిద్ధమైన తేమను అందిస్తూ శరీరాన్ని శుభ్రంగా, కాంతివంతంగా మారుస్తుంది. శుభ్రపరిచిన చర్మముపై కొద్దిగా కలబందను రాస్తే శరీరము కళగా, కాంతివంతమై బహుళ ప్రయోజనం కలిగిస్తుంది.

ముఖవర్చస్సు కాంతివంతమవుతుంది.

పొడిబారిన, ముడతపడిన చర్మముపై కొద్దిగా కలబంద జిగురును రాస్తే ఆ ప్రాంతములో తేమశాతము పెరుగుతుంది. మరిన్ని మంచి ఫలితాల కోసం ఈము నూనెను కలబంద జిగురు కలిపిన మిశ్రమాన్ని పొడి చర్మముపై రాస్తే తేమతో పాటు ముఖవర్చస్సు కాంతివంతమవుతుంది.

కలబంద జిగురులో కొద్దిగా ఆలివ్‌ నూనె, గులాబీ నీరు మిక్స్ చేయాలి

కలబంద జిగురులో కొద్దిగా ఆలివ్‌ నూనె, గులాబీ నీరు. కొన్ని చుక్కల ద్రాక్ష రసాన్ని ఒక మిక్సీలో వేసి బాగా కలుపుకుని ఆ మిశ్రమాన్ని ముఖంపై రాసుకోవాలి.

చర్మము మృదువుగా కాంతివంతంగా మారుతుంది

ఉదయం నిద్ర లేచిన తరువాత, రాత్రి నిద్రపోయే ముందు కలబంద లోపల భాగంలోని జిగురును తీసుకుని అలాగే ముఖంపై రాసుకుని మెల్లగా మర్దన చేసుకుంటే చర్మము మృదువుగా కాంతివంతంగా ఉంటుంది.

స్కిన్ కు అవసరమయ్యే పోషకాలు ఎక్కువ

చర్మ సంరక్షణకు అవసరమైన అమెనో ఆసిడ్స్‌ మెండుగా కలిగి, విటమిన్‌ బి12, విటమిన్‌ సి, ఇ కాల్షియం, ఐరన్‌(ఇనుము) లెసిథిన్‌, మెగ్నీషియం, మాంగనీస్‌, పొటాషియం, సోడియం, జింక్‌ వంటి ఖనిజాలను కలిగి ఉంటుంది.

కలబంద-నిమ్మరసం

రెండు టేబుల్‌స్పూన్ల కలబంద జిగురు, రెండు టేబుల్‌ స్పూన్ల పంచదార, ఒక టీస్పూన్‌ నిమ్మరసం బాగా కలియబెట్టి చర్మముపై నలుగులా పెట్టుకోవాలి.