బ్లాక్ హెడ్స్ ని పర్మనెంట్ తొలగించే సింపుల్ స్టెప్స్

ముఖంపై బ్లాక్ హెడ్స్ వేధిస్తున్నాయా ? పార్లర్ లో తీయించుకోవాలంటే భయమా ? అయితే కంగారు లేకుండా.. సింపుల్ గా బ్లాక్ హెడ్స్ తొలగించుకునే ఐడియా ఉంది. ఏ మాత్రం పెయిన్ లేకుండా.. మూడు స్టెప్స్ ఫాలో అయితే చాలు.. బ్లాక్ హెడ్స్ తొలగిపోయి అందమైన వర్ఛస్సు మీ సొంతమవుతుంది.

నిద్ర లేమి, ఒత్తిడి, మేకప్ వేసుకున్న తర్వాత సరిగా తొలగించకపోవడం వంటి కారణాల వల్ల బ్లాక్ హెడ్స్ వస్తాయి. ఇవి ముఖంపై రావడం ఈజీనే.. కానీ తొలగించుకోవడం పెద్ద టాస్క్. కానీ.. ఇప్పుడు అంతపెద్ద పనేమీ కాదు. తేలిగ్గానే వీటిని తొలగించవచ్చు. అది కూడా సహజంగానే.

స్టెప్ 1
ఒక గిన్నె నింగా నీళ్లు బాగా మరిగించండి. నీళ్లు బాగా ఉడికిన తర్వాత కొంచెం చల్లారినివ్వండి. తలపై టవల్ వేసుకుని.. ఆవిరి పెట్టుకోండి. ఇలా 5 నుంచి 10 నిమిషాలు పెట్టుకోండి.

స్టెప్ 2
ఒక టీ స్పూన్ బేకింగ్ సోడా, అర టీ స్పూన్ నీళ్లు తీసుకుని పేస్ట్ చేయాలి. ఈ మిశ్రమంతో ముఖంపై బాగా స్ర్కబ్ చేసుకోవాలి.

స్టెప్ 3
కోడిగుడ్డులోని తెల్లసొన తీసుకోవాలి. దాన్ని ముఖంపై బ్లాక్ హెడ్స్ ఉన్న ప్రాంతంలో ముఖ్యంపై ముఖంపై లేయర్ లా పట్టించుకోవాలి. దానిపై టాయిలెట్ టిష్యూ అతికించాలి. మళ్లీ ఇంకోసారి టిష్యూపై ఎగ్ వైట్ కోటింగ్ అప్లై చేయాలి. అది బాగా ఆరిన తర్వాత పీల్ ఆప్ చేయాలి. ఒక్కసారి ఆ టిష్యూని గమనిస్తే.. మీ ముఖంపై ఉన్న బ్లాక్ హెడ్స్ అంతా వచ్చేస్తాయి.