రాత్రికి రాత్రే మొటిమలు నివారించే టెస్టెడ్ రెమిడీస్..!!

ఐస్

ఐస్ వల్ల చల్లటి టెంపరేచర్ బ్లడ్ వెజెల్స్ ని టైట్ చేస్తుంది. అలాగే.. ఎరుపుదనాన్ని తగ్గించి, వాపుని తగ్గిస్తుంది. కాబట్టి.. ఒక ఐస్ క్యూబ్ ని క్లాత్ లో చుట్టి.. మొటిమపై పెట్టుకోవాలి. ఇలా రోజుకి మూడు నాలుగు సార్లు చేస్తే.. మొటిమ మాయం అవడం ఖాయం.

వెల్లుల్లి

వెల్లుల్లిలో యాంటీ బ్యాక్టీరియల్, యాంటీ ఫంగల్, యాంటీ సెప్టిక్ గుణాలు ఉంటాయి. ఇవి.. మొటిమలను వెంటనే నివారిస్తాయి. ఒక వెల్లుల్లి రెబ్బ తీసుకుని.. రెండు మొక్కలుగా కట్ చేయాలి. మొటిమపై దాన్ని రుద్దాలి. అలాగే రాత్రంతా వదిలేసి.. ఉదయాన్నే శుభ్రం చేసుకోవాలి.

ఆస్పిరిన్

పెయిన్ కిల్లర్ లా ఉపయోగించే.. ఆస్పిరిన్ లో యాంటీ ఇన్ల్ఫమేటరీ గుణాలుంటాయి. సలిసైలిక్ యాసిడ్ ఉంటుంది. ఇవి మొటిమలను వేగంగా నివారిస్తాయి. 5 నుంచి 7 కోట్ చేయని అస్పిరిన్ ట్యాబ్లెట్స్ తీసుకోవాలి. కొన్ని నీళ్లలో వాటిని కరిగించాలి. పేస్ట్ చేసుకుని.. మొటిమపై అప్లై చేయాలి. 10 నిమిషాల తర్వాత.. శుభ్రం చేసుకోవాలి. అంతే..మొటిమలు మాయం.

తేనె

తేనెలో యాంటీ బ్యాక్టీరియల్ గుణాలు ఉంటాయి. ఇవి.. బ్యాక్టీరియా విస్తరించకుండా అడ్డుకుంటాయి. కొద్దిగా తేనె తీసుకుని.. మొటిమపై పెట్టుకోవాలి. రాత్రంతా అలానే వదిలేయాలి. అంతే.. ఉదయానికి మొటిమ మాయం.

పసుపు

పసుపు యాంటీసెప్టిక్ గానే కాకుండా.. సహజ మందులా చర్మసమస్యలతో పోరాడుతుంది. చిటికెడు పసుపు తీసుకుని దానికి ఒక టేబుల్ స్పూన్ పాలు, ఒక టేబుల్ స్పూన్ రోజ్ వాటర్ కలిపి మొటిమలపై రాయాలి. ఉదయాన్నే చల్లటి నీటితో శుభ్రం చేసుకోవాలి.