చర్మంలో మలినాలు తొలగించి, చర్మాన్ని బ్రైట్ గా మార్చే హెర్బల్ ప్యాక్స్..!

నారింజ తొక్క

నారింజ తొక్కలో సిట్రస్ యాసిడ్, విటమిన్ సి, యాంటీ ఆక్సిడెంట్స్ ఉంటాయి. ఇవి చర్మంలో దుమ్ముని తొలగించి.. బ్రైట్ గా మారుస్తాయి. ఆరంజ్ పీల్ పౌడర్, పంచదారను సమానంగా తీసుకుని పాలు మిక్స్ చేస్తూ పేస్ట్ తయారు చేసుకోవాలి. ఈ మిశ్రమాన్ని ముఖానికి, మెడకు పట్టించి.. ఆరిన తర్వాత స్క్రబ్ చేస్తూ శుభ్రం చేసుకోవాలి.

టమోటా

టమోటాలో బీటా కెరోటిన్ ఉంటుంది. ఇవి టాక్సిన్స్ ని వేగంగా తొలగిస్తాయి. ట్యాన్ తొలగించి చర్మాన్ని గ్లోయింగ్ గా మారుస్తాయి. 1 టేబుల్ స్పూన్ టమోటా గుజ్జు, కొన్ని చుక్కల నిమ్మరసం కలిపి.. ముఖానికి పట్టించాలి. 15 నిమిషాల తర్వాత స్క్రబ్ చేసి తొలగించుకోవాలి.

రోజ్ వాటర్

రోజ్ వాటర్ చర్మాన్ని రిపేర్ చేసి, హైడ్రేట్ చేయడమే కాకుండా పోషణ అందిస్తుంది. ఒక టీస్పూన్ రోజ్ వాటర్ అంతే మోతాదులో గ్లిజరిన్, కొన్ని చుక్కల నిమ్మరసం కలపాలి. అన్నింటినీ బాగా మిక్స్ చేసి చర్మానికి మసాజ్ చేయాలి. రాత్రంతా అలాగే వదిలేయాలి.

క్యాబేజ్

క్యాబేజ్ లో విటమిన్ ఈ సల్ఫర్ ఉంటాయి. ఇవి చర్మ రంధ్రాల్లో పేరుకున్న దుమ్ముని తొలగించి స్కిన్ టోన్ ని మెరుగుపరుస్తాయి. క్యాబేజ్ ని చిన్న చిన్న ముక్కలుగా కట్ చేసి, 2 కప్పుల నీటిలో ఉడికించాలి. 20 నిమిషాలు ఉడికిన తర్వాత చల్లారనివ్వాలి. తర్వాత వడకట్టి.. చర్మాన్ని ఆ నీటితో శుభ్రం చేసుకుంటే స్కిన్ బ్రైట్ గా మారుతుంది.

బొప్పాయి

బొప్పాయిలో పపైన్ అనే ఎంజైమ్ ఉంటుంది. ఇది డ్యామేజ్ అయిన చర్మ కణాలను రిపేర్ చేసి.. కొత్త కణాలు ఏర్పడటానికి సహాయపడుతుంది. బొప్పాయి తొక్క తీసుకుని చర్మంపై బాగా 5 నిమిషాలపాటు స్క్రబ్ చేయాలి. ఆరిన తర్వాత శుభ్రం చేసుకోవాలి. ఇలా ప్రతిరోజూ చేస్తే చర్మం క్లియర్ గా మారుతుంది.