25 ఏళ్లు వచ్చాయంటే.. కంపల్సరీ పాటించాల్సిన బ్యూటీ రూల్స్..!

మేకప్ రిమూవ్ చేయడం

చాలా బేసిక్ స్కిన్ కేర్ టిప్ ఇది. చాలామంది.. ఈ టిప్ ఫాలో అవడం మరిచిపోతుంటారు. 25 ఏళ్లు దాటిన తర్వాత.. మీ గురించి మీరు చాలా స్ట్రిక్ట్ రూల్ ఫాలో అవ్వాలి. రాత్రి పడుకోవడానికి ముందు.. మొత్తం మేకప్ అంతటినీ.. తొలగించుకోవాలి.

కళ్ల కింద క్రీమ్

కళ్ల కింద క్రీమ్ రాయడం ఏమాత్రం మరిచిపోకూడదు. ఇప్పటి వరకు అండర్ ఐ క్రీమ్ కొనకపోతే.. 25ఏళ్లు వచ్చిన తర్వాత ఖచ్చితంగా కొనాలి. ఇది రెగ్యులర్ గా అప్లై చేయడం వల్ల కళ్ల కింద ముడతలు నివారించవచ్చు.

క్లెన్సర్

ఇప్పటి నుంచి.. మీ చర్మంపై మీరు శ్రద్ధ వహించాలి. మీ చర్మ తత్వాన్ని బట్టి బ్యూటీ ప్రొడక్ట్స్ కొనాలి. ఫేషియల్ క్లెన్సర్స్ ని కంపల్సరీ ఉపయోగించాలి. సున్నితమైన, మెడికేటెడ్ క్లెన్సర్లు.. మంచి ఫలితాన్నిస్తాయి.

టోనింగ్

టోనర్ ఉపయోగించడం వల్ల.. చర్మ రంధ్రాలు టైట్ గా మారతాయి. అలాగే.. న్యాచురల్ పీహెచ్ లెవెల్స్ ని చర్మంలో రీస్టోర్ చేస్తాయి. రోజ్ వాటర్ ని టోనర్ గా ఉపయోగించినా మంచి ఫలితం ఉంటుంది.

ముట్టుకోకుండా

ముఖాన్ని ఎక్కువగా ముట్టుకోకూడదు. ముఖం చాలా సున్నితమైన చర్మాన్ని కలిగి ఉంటుంది కాబట్టి వేళ్ల ద్వారా ఆయిల్, దుమ్ము ముఖ చర్మానికి తాకకుండా జాగ్రత్తపడాలి. అలాగే.. ముఖం శుభ్రం చేసుకునేటప్పుడు మరీ గట్టిగా రుద్దకూడదు. ఇలా చేస్తే చర్మం లాగినట్టు అయి.. ఏజింగ్ లక్షణాలు కనిపిస్తాయి.

ఫేషియల్స్

వారానికి ఒకసారి ఫేషియల్ చేసుకోవడానికి టైం కేటాయించండి. ఒకవేళ మీకు అంత సమయం లేదంటే.. నెలకు ఒకసారి ఫేషియల్ చేయించుకోవాలి. కానీ.. చర్మానికి ఖచ్చితంగా కేర్ తీసుకోవడం వల్ల.. ముడతలు రాకుండా అడ్డుకోవచ్చు.

మాయిశ్చరైజర్

చర్మంలో డీహైడ్రేషన్ ద్వారా.. ఏజింగ్ లక్షణాలు కనిపించడం మొదలవుతాయి. ఆయిలీ స్కిన్ తో పోల్చితే.. డ్రై స్కిన్ చాలా త్వరగా ఏజింగ్ లక్షణాలు కనిపిస్తాయి. కాబట్టి.. చర్మం ఎప్పుడూ మాయిశ్చరైజ్డ్ గా ఉండేలా జాగ్రత్త పడాలి. మీ చర్మానికి తగ్గట్టు.. మాయిశ్చరైజర్ ఉపయోగించాలి.