పింపుల్స్, డార్క్ స్పాట్స్ కి చెక్ పెట్టే ముల్తానీ మట్టి ఫేస్ ప్యాక్స్..!

డార్క్ ప్యాచెస్

చర్మంపై అసహ్యంగా కనిపించే డార్క్ ప్యాచెస్ నివారించడానికి 1 టేబుల్ స్పూన్ ముల్తానీ మట్టి, పుదీనా ఆకులు, పెరుగు తీసుకోవాలి. అన్నింటినీ బాగా మిక్స్ చేసి.. ఆ ప్యాక్ ని ముఖానికి రాసుకుని 15 నిమిషాల తర్వాత శుభ్రం చేసుకోవాలి. ఈ ప్యాక్ వారానికి ఒకసారి వేసుకుంటే మంచి ఫలితం ఉంటుంది.

ఆయిలీ స్కిన్

ఒక టేబుల్ స్పూన్ యాపిల్ జ్యూస్, అర స్పూన్ ముల్తానీ మట్టి తీసుకుని కలిపి.. ఆ పేస్ట్ ని ముఖానికి పట్టించాలి. 5 నిమిషాల తర్వాత శుభ్రం చేసుకోవాలి. ఈ ప్యాక్ అప్లై చేస్తే ఎక్సస్ ఆయిల్ తగ్గిపోయి.. మెరిసే చర్మం పొందవచ్చు.

పాలిపోయిన చర్మానికి

1 టేబుల్ స్పూన్ ముల్తానీ మట్టి, ఒక టేబుల్ స్పూన్ బంగాళదుంప పేస్ట్ కలిపి ముఖానికి అప్లై చేసి.. 15 నిమిషాల తర్వాత కడిగేసుకోవాలి. ఈ రెండింటి మిశ్రమం మిరాకిల్ చేస్తుంది. ట్రై చేసి చూడండి.

ట్యాన్

1 టేబుల్ స్పూన్ ముల్తానీ మట్టి, అర టేబుల్ స్పూన్ కొబ్బరి నీళ్లు కలపాలి. ఈ మిశ్రమాన్ని ముఖానికి అప్లై చేసి.. 15 నిమిషాల తర్వాత శుభ్రం చేసుకోవాలి. ఇది చర్మానికి న్యాచురల్ కాంప్లెక్షన్ ఇస్తుంది.

డ్రై స్కిన్

1 టేబుల్ స్పూన్ ముల్తానీ మట్టి, సమానంగా ఓట్స్, పెరుగు, తేనె తీసుకుని.. అన్నింటినీ మిక్స్ చేయాలి. ఈ ప్యాక్ న ముఖానికి అప్లై చేసి.. 20 నిమిషాల తర్వాత శుభ్రం చేసుకుంటే.. పొడిబారిన చర్మాన్ని ట్రీట్ చేయవచ్చు. చర్మానికి మాయిశ్చరైజర్ అందిస్తుంది.

మొటిమలు

ఒక టేబుల్ స్పూన్ ముల్తానీ మట్టి, సమానంగా రోజ్ వాటర్, వేప పొడి కలపాలి. ఈ మిశ్రమాన్ని ముఖానికి అప్లై చేసి.. అరగంట తర్వాత శుభ్రం చేసుకోవాలి. ఈ ప్యాక్ అప్లై చేస్తే.. మొటిమలు మచ్చలు తొలగిపోయి.. చర్మం నిగారిస్తుంది.

స్కిన్ టోన్

1 టేబుల్ స్పూన్ ముల్తానీ మట్టి, పెరుగు, ఎగ్ వైట్ సమానంగా తీసుకుని.. అన్నింటినీ బాగా మిక్స్ చేయాలి. 15 నిమిషాల తర్వాత చల్లటి నీటితో శుభ్రం చేసుకుంటే.. స్కిన్ టోన్ అద్భుతంగా ఉంటుంది.