ఫేషియల్ వల్ల మీకు తెలియకుండా కలిగే సైడ్ ఎఫెక్ట్స్..

దురద

ఫేషియల్స్ లో ఉపయోగించే సొల్యూషన్స్, క్రీమ్స్ లో కెమికల్స్ ఎక్కువగా ఉంటాయి. అవి చర్మానికి చాలా హాని చేస్తాయి. అవి చర్మ కణాలను డ్యామేజ్ చేస్తాయి. దీనివల్ల చర్మంపై దురద, చికాకు ఏర్పడతాయి.

మచ్చలు

ఫేషియల్స్ చేసేటప్పుడు స్క్రబ్ చేయడం వల్ల చర్మంలో ఉండే మాయిశ్చరైజర్ ని బయటకు పంపుతుంది. అలాగే చర్మం పైపొరను కూడా డ్యామేజ్ చేస్తుంది. దీనివల్ల చర్మంపై మచ్చలు ఏర్పడతాయి.

రెడ్ నెస్

ఫేషియల్స్ చేసేటప్పుడు ఉపయోగించే కొన్ని కెమికల్స్ మీ చర్మ తత్వానికి సరిపోకపోవచ్చు. దీనివల్ల చర్మం ఎర్రగా మారడం, వాపు రావడానికి కారణమవుతుంది.

యాక్నె

ఫేషియల్ తర్వాత చాలామందికి పింపుల్స్, యాక్నె సమస్య పెరుగుతుంది. ఎందుకంటే ఫేషియల్స్ తర్వాత చర్మ గ్రంధులు తెరుచుోవడం వల్ల సెబమ్ ఉత్పత్తి అయి.. మొటిమలకు కారణమవుతాయి.

ఎలర్జీ

చాలా రకాల ఫేసియల్స్, ఫేషియల్ ప్రొడక్ట్స్ ఉన్నాయి. వీటిల్లో రకరకాల పదార్థాలు మిక్స్ చేస్తారు. అయితే ఫేషియల్స్ ఉపయోగించే కొన్ని పదార్థాలు అలర్జీలకు, దురదలు, రాషెష్ కి కారణమవుతాయి.

గీతలు

బ్లాక్ హెడ్స్ తొలగించేటప్పుడు బ్యూటీషియన్స్ చేతి వేళ్లు లేదా పరికరాలు ఉపయోగిస్తారు. ఇలా చేసేటప్పుడు ఏ మాత్రం ఏమరుపాటుగా ఉన్నా.. గాయాలు, గీతలు ఏర్పడటానికి కారణమవుతాయి.

డ్రై స్కిన్

రెగ్యులర్ ఫేషియల్స్ న్యాచురల్ మాయిశ్చరైజర్ ని తొలగిస్తాయి. అలాగే పీహెచ్ లెవెల్స్ ని డ్యామేజ్ చేయడం వల్ల.. చర్మం చాలా పొడిబారుతుంది.

చూశారుగా ఫేషియల్ వల్ల కలిగే సైడ్ ఎఫెక్ట్. ఇకపై ఫేషియల్ చేయించుకునే ముందు జాగ్రత్త వహించండి. అలాగే మీ చర్మ తత్వాన్ని బట్టి ఫేషియల్ ఎంచుకోవడం చాలా ముఖ్యమని మరచిపోకండి.