ముడుతలను మాయం చేసే అలోవెర జెల్ ట్రీట్మెంట్ ..

అలోవెర ఫేస్ మాస్క్:

అలోవెర జెల్, తేనె, మరియు పాలను సమంగా తీసుకోవాలి.

అందులోనే రోజ్ వాటర్ కొన్ని చుక్కలు , కొద్దిగా పసుపు వేసి వేసి మొత్తం మిశ్రమాన్ని బాగా మిక్స్ చేయాలి. ఈ మిశ్రమాన్ని ముఖానికి పట్టించి అరగంట తర్వాత గోరువెచ్చని నీటితో శుభ్రం చేసుకోవాలి. ఈ మాస్క్ ను వారానికొకసారి వేసుకుంటే మంచి ఫలితం ఉంటుంది.

అలోవెర స్ర్కబ్:

అలోవెర జెల్ మరియు ఆలివ్ ఆయిల్ ను సమంగా తీసుకోవాలి. . వీటిని 1/4కప్పు బ్రౌన్ షుగర్ తో మిక్స్ చేయాలి . ఈ పేస్ట్ ను ముఖానికి పట్టించి 10నిముషాల సున్నితంగా స్క్రబ్ (మసాజ్ )చేయాలి. అరగంట తర్వాత చల్లటి నీటితో శుభ్రం చేసుకోవాలి.

కలబంద, పెరుగు మరియు కీరదోస:

ఒక టేబుల్ స్పూన్ పెరుగులో 2 టేబుల్ స్పూన్ల అలోవెర జెల్ మిక్స్ చేసి, ఒక కప్పు కీరదోస జ్యూస్ లో మిక్స్ చేయాలి. ఈ మిశ్రమాన్ని ముఖం మరియు బాడీ మొత్తం కూడా అప్లై చేసి సున్నితమైన మసాజ్ చేసి 30నిముషాల తర్వాత గోరువెచ్చని నీటితో శుభ్రం చేసుకోవాలి.

అలోవెర, ఆలివ్ ఆయిల్ , గుడ్డు:

ఒక గడ్డు పచ్చసొనలో అలోవెర జెల్ మరియు ఆలివ్ ఆయిల్ ను సమంగా మిక్స్ చేయాలి. ఈ పేస్ట్ ను ఎఫెక్టెడ్ ఏరియాలో అప్లై చేయాలి. 20నిముషాలు సున్నితంగా మసాజ్ చేయాలి . 10 నిముషాల తర్వాత గోరువెచ్చని నీటితో శుభ్రం చేసుకోవాలి . వారంలో రెండు మూడు సార్లు చేస్తే మంచి ఫలితం ఉంటుంది.

అలోవెర మరియు విటమిన్ ఇ:

విటమిన్ ఇ క్యాప్స్యూల్ ను బేక్ చేసి అందులోని విటమిన్ ఇ ఆయిల్ ను తీసుకొని, దీనికి ఒక టేబుల్ స్పూన్ అలోవెర జెల్ మిక్స్ చేయాలి . ఈ మిశ్రమాన్ని ముఖానికి, మెడకు పట్టించి 20నిముషాలు సున్నితంగా మసాజ్ చేయాలి. తర్వాత గోరువెచ్చని నీటితో శుభ్రం చేసుకోవాలి. ఇలా చేయడం వల్ల చర్మంలో ముడుతలు నివారించబడి, చర్మం కాంతివంతంగా మారుతుంది.

అలోవెర మరియు నిమ్మ:

రెండు టేబుల్ స్పూన్స్ నిమ్మరసంలో 1 టేబుల్ స్పూన్ అలోవెర జెల్ మిక్స్ చేయాలి. ఈ మిశ్రమాన్ని ముడుతలున్న ప్రదేశంలో అప్లై చేయాలి. 20నిముషాలు అలాగే ఉండనివ్వాలి . తర్వాత గోరువెచ్చని నీటితో శుభ్రం చేసుకోవాలి . ఈ పద్దతిని రెగ్యులర్ గా ఉపయోగిస్తుంటే తప్పనిసరిగా మార్పు చూస్తారు.

అలోవెర, తేనె మరియు ఓట్స్ పౌడర్:

అలోవెర జెల్ కు కొద్దిగా తేనె మరియు ఓట్స్ పౌడర్ ను మిక్స్ చేయాలి. తర్వాత 20నిముషాలు స్ర్కబ్ చేయాలి. గోరువెచ్చని నీటితో ముఖాన్ని శుభ్రం చేసుకోవాలి.

అలోవెర మరియు బొప్పాయి:

ఒక టేబుల్ స్పూన్ అలోవెర జెల్ కు 2 టేబుల్ స్పూన్ల బొప్పాయిని మిక్స్ చేసి పేస్ట్ చేసి ముడుతలున్న ప్రదేశంలో అప్లై చేయాలి 15నిముషాల తర్వాత చల్లటి నీటితో శుభ్రం చేసుకోవాలి.